Վարդապետություն և Ուխտեր 129–132

Վարդապետություն և Ուխտեր 129–132

Ակնարկ

Երբ Սրբերը Իլինոյսում էին, Մարգարե Ջոզեֆ Սմիթը կիսվեց կարևոր ուսմունքներով տարբեր թեմաների վերաբերյալ, այդ թվում՝ գիտելիք և բանականություն ձեռք բերելու կարևորության, այն օրհնությունների, որոնք մենք ստանում ենք Աստծո պատվիրաններին հնազանդվելու միջոցով և Աստծո էության մասին: Նա ներկայացրեց հավերժական ամուսնության վարդապետությունը և ուսուցանեց, որ մենք պետք է մտնենք ամուսնության նոր և հավերժական ուխտի մեջ՝ վեհացման օրհնությունները ստանալու համար: Մարգարեն նաև արձանագրեց մի հայտնություն՝ կապված բազմամուսնության կիրառության հետ․ այդ հայտնությունը Տերը պատվիրեց կիրառել Եկեղեցու որոշ վաղ անդամներին։

Ցույց տվեք ուսանողներին, որ իրենց ներդրումը գնահատված է․ դասի ընթացքում մտածեք եղանակներ, որոնք կօգնեն ուսանողներին զգալ, որ իրենց ներդրումը գնահատված և կարևոր է: Օրինակ՝ երբ նրանք բարձրացնում են իրենց ձեռքերը՝ մեկնաբանություն անելու համար, կարող եք ասել նրանց անունը և հայտնել ձեր ցանկությունը՝ լսելու, թե նրանք ինչ են ասում։ Ավելին իմանալու համար, թե ինչպես է Փրկիչն իր աշակերտներին օգնել իրենց գնահատված զգալ, տես «Փրկիչը հավաստիացավ, որ բոլորն իրենց հարգված և գնահատված են զգում» բաժինը Ուսուցանել Փրկչի ձևով ձեռնարկում։ Դա անելու օրինակ կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 130»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 130

Դասի նպատակը․ օգնել ուսանողներին պատրաստվել ուսուցանելու Հիսուս Քրիստոսի վարդապետության տարրերը:

• Ուսանողի նախապատրաստում․ առաջարկեք ուսանողներին խորհել տանը կամ եկեղեցում ուսուցանելու հնարավորությունների մասին, որոնք իրենք վերջերս ունեցել են։ Առաջարկեք նրանց գալ պատրաստ՝ քննարկելու Փրկչի ավետարանն ուսուցանելու հետ կապված իրենց հաջողություններն ու դժվարությունները:

• Աշխատաթերթ. «Վարդապետություն և Ուխտեր 130 բաժնի (Մաս 1 և Մաս 2) ճշմարտությունների ուսուցում»

Վարդապետություն և Ուխտեր 131

Դասի նպատակը․ օգնել ուսանողներին հասկանալ հավերժական ամուսնության կարևորությունը Երկնային Հոր ծրագրում:

• Ուսանողի նախապատրաստում․ առաջարկեք ուսանողներին խնդրել իրենց մտերիմ մարդուն կամ Եկեղեցու ղեկավարին կիսվել որոշ օրհնություններով, որ նրանք ստացել են իրենց տաճարային ամուսնության միջոցով: Ուսանողներին կարող եք առաջարկել դասարանի հետ կիսվել իրենց սովորածով:

• Տեսանյութ «Eternal Marriage, an Apostolic Perspective» (5:26)

• Բովանդակություն ցուցադրման համար․ հրահանգներ «Ամուսնության կարևորությունը Աստծո ծրագրում» վերնագրով ուսումնական վարժության վերաբերյալ

Վարդապետություն և Ուխտեր 132․1–2, 34–66

Դասի նպատակը․ օգնել ուսանողներին ավելին հասկանալ Տիրոջ պատվիրանի մասին, որը տրվել էր որոշ Սրբերի՝ Եկեղեցու վաղ շրջանում բազմամուսնություն կիրառելու վերաբերյալ:

• Ուսանողի նախապատրաստում․ առաջարկեք ուսանողներին գալ պատրաստ՝ կիսվելու սուրբ գրություններից մի մարդու օրինակով, որը հնազանդվել է Աստծո դժվար պատվիրանին:

• Նկարներ․ Աբրահամ, Մարիամ, Հիսուս Քրիստոս:

• Տեսանյութեր․ «Դժվա՞ր է լինել մարգարե» (1:54), «Հավատքը պատահականության արդյունք չէ, այլ՝ ընտրության» (15:01, դիտել 6:25-8:27)

• Աշխատաթերթ «Հատվածներ «Բազմամուսնությունը Կիրթլենդում և Նավուում» գրքից»

Վարդապետության սերտման վարժություն 9

Դասի նպատակը․ ուսանողներին վարժվելու հնարավորություն տալ, որպեսզի մտապահեն վարդապետության սերտման հատվածների հղումները և դրանց հետ կապված սուրբ գրության հիմնական արտահայտությունները։ Դասը նաև կօգնի նրանց սովորել և կիրառել հոգևոր գիտելիքներ ձեռք բերելու աստվածային սկզբունքները:

• Ուսանողի նախապատրաստում․ առաջարկեք ուսանողներին մտապահել սուրբ գրության հղումը և սուրբ գրության հիմնական արտահայտությունները վարդապետության սերտման մի քանի հատվածների համար, որոնք իրենք ուսումնասիրել են տարվա ընթացքում:

• Առարկաներ դասարան բերելու համար․ ջրի սափոր և մի քանի բաժակ