O Le Keriso Soifua

O Le Keriso Soifua

Vaaiga Aoao

I le 2000, na tuuina mai ai e le Au Peresitene Sili ma le Korama a Aposetolo e Toasefululua le tautinoga “O Le Keriso Soifua: O Le Molimau a Aposetolo” e faamanatu ai le 2,000 tausaga o le soifua mai o le Faaola. O loo folafola mai ai upumoni taua e uiga i le Faaola e mafai ona fesoasoani ma faamanuiaina ai i tatou.

Fesoasoani i tagata aoga ia iloa Iesu Keriso: A faasolo ina iloa e tagata aoga le Faaola mo i latou lava, e mafai ona latou aoao mai ia te Ia ma taumafai ma le loto i ai ia faapei o Ia. O le a sili atu ona latou liliu atu ia te Ia mo le fesoasoani, faamoemoe, ma le faamalologa i o latou olaga atoa. O le a mafai ona latou lagonaina le alofa o le Atua. Mo nisi faamatalaga pe faapefea ona faaloloto lo latou malamalamaaga o Keriso, tagai i le “Aoao atu e uiga i Faalagiga, Matafaioi, ma Uiga o Iesu Keriso” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “O Le Keriso Soifua Vaega 1.”

Saunia e Aoao Atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

O Le Keriso Soifua, Vaega 1

Faamoemoega o le lesona: Ina ia fesoasoani i tagata aoga ia loloto lo latou malamalamaaga ia Iesu Keriso.

• Sauniuniga a le tagata aoga: Valaaulia tagata aoga e faitau le “O Le Keriso Soifua: O Le Molimau a Aposetolo” o se vaega o a latou lava suesuega patino o tusitusiga paia, ma vaavaai mo upumoni taua e uiga i le Faaola.

• Ata: Iesu Keriso; le lalolagi

• Anomea: Kopi o le “O Le Keriso Soifua: O Le Molimau a Aposetolo” (A leai, valaaulia tagata aoga e sue i a latou api faamaumau mo suesuega.)

• Vitio: “Konafesi Aoao: Faamalosia o le Faatuatua ma le Molimau” (15:49; matamata mai le faailo taimi 6:13 i le 6:56); “Excerpts from ‘The Living Christ: The Testimony of the Apostles’” (2:45)

O Le Keriso Soifua, Vaega 2

Faamoemoega o le lesona: Ina ia fesoasoani i tagata aoga e faasoa atu o latou manatu ma lagona e uiga ia Iesu Keriso i isi.

• Sauniuniga a le tagata aoga: Valaaulia tagata aoga e toe faamanatu le “O Le Keriso Soifua: O Le Molimau a Aposetolo” ma faailoa mai fuaitau latou te mananao e faasoa atu i isi. Uunaia i latou e mulimuli i soo se uunaiga latou te maua e uiga i mea e faasoa atu ma po o ai e faasoa atu i ai.

• Aitema e faaali atu: O se mea e te fiafia i ai ma e te manao e faasoa atu i lau vasega, e pei o se ata, se aafiaga, po o se meaai e sili ona e fiafia i ai

• Anomea: Pepa ma mea tusitusi; mekasini tuai a le Ekalesia, pe a maua, mo tagata aoga e oti ese ai ata po o upu e fatu ai se ata tuufaatasi

• Vitio: “Memorize ‘The Living Christ’: Goal Setting Ideas” (2:05)