Դաս 192. Նախապատրաստվեք ապագա կրթությանը և աշխատանքին

Կրթություն ողջ հոգու համար

Ձգտեք հոգևոր և աշխարհիկ կրթության

Տերը հրավիրում է մեզ ստանալ հոգևոր և աշխարհիկ կրթություն, «որպեսզի [մենք] պատրաստ լինենք ամեն ինչին» (Վարդապետություն և Ուխտեր 88.80): Այս դասը կօգնի ուսանողներին կազմել ծրագիր՝ շարունակելու իրենց կրոնական կրթությունը՝ միաժամանակ ստանալով աշխարհիկ կրթություն:

Հնարավոր ուսումնական վարժություններ

Կրթություն ստանալու ընթացքում ժամանակ տրամադրեք Տիրոջ համար

Կարող եք սկսել դասը՝ ներկայացնելով հետևյալ սցենարը.

Պատկերացրեք, որ ասում եք ձեր ընկերներից մեկին, որ հաճախում եք սեմինարիա: Երբ բացատրում եք, թե ինչ է սեմինարիան, ձեր ընկերը հարցնում է ձեզ. «Ինչո՞ւ մարդ կարող է ցանկանալ ժամանակ տրամադրել նման դասերի համար»:

• Ինչո՞վ կկիսվեիք ձեր ընկերոջ հետ:

  Կարող եք նմանատիպ լրացուցիչ հարցեր տալ՝ օգնելու ուսանողներին հասկանալ, թե սեմինարիա հաճախելն ինչպես է օրհնել իրենց կյանքը:

• Սեմինարիա հաճախելիս ինչպե՞ս եք օրհնվել ձեր կրթության մեջ, երբ ժամանակ եք տրամադրել Տիրոջը:

• Սեմինարիա հաճախելն ի՞նչ ազդեցություն է ունեցել ձեր ակադեմիական ուսման վրա:

Բացատրեք, որ սեմինարիան ավարտելուց հետո ուսանողները հնարավորություն կունենան երիտասարդ տարիքում շարունակել իրենց կրոնական կրթությունը: Այս դասն ուսանողներին կներկայացնի այդ հնարավորությունները:

Խրախուսեք ուսանողներին ուշադրություն դարձնել Հոգու հուշումներին, որոնք կարող են օգնել իրենց գիտակցել իրենց ակադեմիական ուսման ընթացքում հոգևոր կրթություն ստանալու կարևորությունը: Կարող եք նաև ուսանողներին առաջարկել ուղղորդում խնդրել Երկնային Հորից այն մասին, թե կրոնական կրթության որ տարբերակներին հետևել ապագայում:

Հոգևոր կրթության կարևորությունը

Վարդապետություն և Ուխտերում Տերը ուսուցանում է, որ մենք պետք է ուսումնասիրենք գիտելիքի տարբեր ոլորտներ, որպեսզի պատրաստ լինենք ծառայելու ուրիշներին: Կարդացեք Վարդապետություն և Ուխտեր 88․78–80, 118 հատվածները՝ փնտրելով Տիրոջ խորհուրդը:

• Ըստ այդ հատվածներից ձեր սովորածի, ի՞նչ է Տերը ցանկանում, որ մենք սովորենք, որպեսզի պատրաստ լինենք ծառայելու ուրիշներին:

  Ուսանողները կարող են նշել նմանատիպ մի ճշմարտություն. Տերը ցանկանում է, որ ուսման ընթացքում մենք կենտրոնանանք հոգևոր և աշխարհիկ գիտելիքի վրա: Օգտակար կլինի բացատրել, որ աշխարհիկ կրթությունն այն կրթությանն է, որն ուղղակիորեն կապված չէ ավետարանի ուսմունքների հետ:

• Ի՞նչ կասեք այն մարդուն, որը ժամանակ չունի կրոնական կրթություն ստանալու համար, քանի որ չափազանց կենտրոնացած է իր աշխարհիկ կրթության վրա:

  Նախորդ հարցերի քննարկման ընթացքում օգտակար կլինի առաջարկել ուսանողներին ուսումնասիրել Վարդապետություն և Ուխտեր 29.34 հատվածը։ Նրանք կարող են փնտրել ուսմունքներ, որոնք կօգնեն իրենց ավելի լավ հասկանալ, թե ինչու է Տերը ցանկանում, որ մենք կենտրոնանանք կրոնական և աշխարհիկ կրթության վրա:

• Ինչպե՞ս կարող է ձեր ակադեմիական կրթության հետ մեկտեղ կրոնական կրթության վրա կենտրոնանալն ամրապնդել ձեր հարաբերությունները Երկնային Հոր և Հիսուս Քրիստոսի հետ:

Երբ ուսանողները քննարկեն նախորդ հարցերը, ցուցադրեք և կիսվեք նախագահ Հենրի Բ. Այրինգի հետևյալ հայտարարությամբ:

Առաջին Նախագահության նախագահ Հենրի Բ. Այրինգը նկարագրել է այն օրհնությունները, որոնք մենք կարող ենք ստանալ, երբ ձգտենք հավասարակշռել հոգևոր և աշխարհիկ ուսումը.

Մենք նախապատվությունը պետք է տանք հոգևոր կրթությանը: … Պարզ է, որ հոգևոր կրթությունն առաջին տեղում դիտարկելը չի ազատում մեզ աշխարհիկ բաներ սովորելուց: Հակառակը, այն նպատակ է հաղորդում մեր աշխարհիկ կրթությանը և մղում է մեզ ավելի ջանասիրաբար աշխատել դրա վրա:

Եթե մենք իր տեղում պահպանենք հոգևոր կրթությունը, ստիպված կլինենք մեր ժամանակը ճիշտ օգտագործելու հետ կապված որոշ դժվար ընտրություններ կատարել: Սակայն որպես օրինաչափություն մեր կյանքում՝ հոգևոր կրթությունը երկրորդական դարձնելու գիտակցված ընտրություն երբեք չի կարող լինել: Երբեք: Դա կհանգեցնի ողբերգության: Ողբերգությունն առաջին հայացքից ակնհայտ չի լինի, ոչ էլ երբևէ պարզ կլինի մահկանացու կյանքում: Բայց հիշեք, դուք հետաքրքրված եք կրթություն ստանալ ոչ միայն մահկանացու կյանքի, այլև՝ հավերժական կյանքի համար: Եթե հոգևոր տեսանկյունից հստակ տեսնեք այդ իրականությունը, դուք առաջնահերթությունը կտաք հոգևոր կրթությանը և միևնույն ժամանակ չեք անտեսի աշխարհիկ կրթությունը: Իրականում, երբ ունենաք հոգևոր տեսլական, ավելի ջանասիրաբար կաշխատեք ձեր աշխարհիկ կրթության ուղղությամբ։ (Հենրի Բ․ Այրինգ, «Education for Real Life», Ensign, հոկտեմբեր 2002, 17–18):

Կրոնական կրթության տարբերակները Եկեղեցու կրթական համակարգում

Երկնային Հայրը մեզ օրհնել է Եկեղեցու կողմից հովանավորվող կրթական հաստատություններով, որոնք կարող են օգնել մեզ առաջնահերթությունը տալ հոգևոր կրթությանը: Այս ոգեշնչված հաստատությունները ստեղծվել են Աստծո զավակներին օրհնելու համար:

Ուսանողներին օգնեք իրենց երիտասարդ տարիքում ծանոթանալ կրոնական կրթության տարբերակներին: Կարող եք դա անել՝ ցուցադրելով «The Growth and Momentum of the Church Educational System» տեսանյութը։

Կարող եք նաև բաժանել «Եկեղեցու կրթական համակարգ» վերնագրով աշխատաթերթը և ուսանողներին ժամանակ տրամադրել՝ կարդալու և սովորելու տարբերակները:

Ժամանակ տրամադրեք՝ ամբողջ դասարանով կարդալու և քննարկելու «Կրոնի ինստիտուտներ» բաժինը։ Ուսանողներին հնարավորություն տվեք հարցեր տալ ինստիտուտի վերաբերյալ: Օգտակար կլինի հրավիրել տեղական ինստիտուտի ուսուցչի կամ ուսանողի՝ խոսելու ինստիտուտի մասին և պատասխանելու հարցերին:

Ինստիտուտի վերաբերյալ քննարկումից հետո ուսանողներին ժամանակ տրամադրեք՝ կարդալու և սովորելու աշխատաթերթում ներկայացված այլ տարբերակները: Երբ ուսանողներն ուսումնասիրեն տարբերակները, նրանց առաջարկեք փնտրել Աստծո սիրո և մեր հանդեպ Նրա ցանկությունների վերաբերյալ վկայությունները: Թեև ամբողջ աշխարհում ուսանողները հաճախում են Եկեղեցու կրթական համակարգի (ԵԿՀ) հաստատությունններից յուրաքանչյուրը, օգտակար կլինի ուսանողներին ցուցադրել այն տարբերակները, որոնք առավելագույնս վերաբերում են ձեր տարածքին: Հետևյալ աղյուսակը կարող է օգնել․

Նպատակային աշխարհագրական տարածքներ	Եկեղեցու կրթական համակարգի (ԵԿՀ) հաստատություններ
Նպատակային աշխարհագրական տարածքներ Համաշխարհային	Եկեղեցու կրթական համակարգի (ԵԿՀ) հաստատություններ Կրոնի ինստիտուտ՝ ԲՅՀ–Pathway Worldwide
Նպատակային աշխարհագրական տարածքներ Միացյալ Նահանգներ և Կանադա	Եկեղեցու կրթական համակարգի (ԵԿՀ) հաստատություններ Բրիգամ Յանգ Համալսարան՝ ԲՅՀ–Idaho
Նպատակային աշխարհագրական տարածքներ Ասիա և Խաղաղօվկիանոսյան կղզիներ	Եկեղեցու կրթական համակարգի (ԵԿՀ) հաստատություններ ԲՅՀ–Hawaii (Հավայան կղզիների Բրիգամ Յանգի համալսարան)
Նպատակային աշխարհագրական տարածքներ Յուտա և մոտակա նահանգներ	Եկեղեցու կրթական համակարգի (ԵԿՀ) հաստատություններ Ensign քոլեջ

Նախքան ուսանողներին առաջարկելը՝ սովորել ԵԿՀ-ի այլ հաստատություններում, օգնեք նրանց գնահատել, թե այդ հաստատություններից որն է առավել համապատասխան իրենց:

Դա անելու համար կարող եք մի քանի որոշակի օրինակ ներկայացնել, որտեղ նկարագրված են մարդիկ, որոնք լավագույնս համապատասխանում են հաստատություններից յուրաքանչյուրին: Որպես այլընտրանքային տարբերակ կարող եք ուսանողներին տրամադրել «ԵԿՀ-ի ո՞ր հաստատությունն է համապատասխանում ինձ» վերնագրով աշխատաթերթը: Երբ ուսանողները կարդան աշխատաթերթը և նշեն իրենց կարիքներն ու ցանկությունները, առաջարկեք նրանց փնտրել հաստատություններ, որոնք լավագույնս համապատսխանում են իրենց:

ԵԿՀ-ի ո՞ր հաստատությունն է համապատասխանում ինձ:

Նշեք այն արտահայտությունները, որոնք լավագույնս բնութագրում են ձեզ.

1. Աշխատանքային կամ այլ պարտականություններից ելնելով, ինձ անհրաժեշտ է ճկուն ժամանակացույց։

2. Նախկինում ես լավ գնահատականներ եմ ստացել:

3. Ինձ համար օգտակար կլիներ ունենալ ակադեմիական ուսուցիչ:

4. Ինձ համար դժվար կլինի ձեռք բերել քոլեջում սովորելու համար անհրաժեշտ գումարը:

5. Ինձ համար դժվար կլինի համապատասխանել քոլեջների կամ համալսարանների մեծ մասի պահանջներին:

6. Ես հետաքրքրված եմ ոչ հեշտ ճանապարհով ակադեմիական փորձառություն ձեռք բերելով:

7. Ինձ հետաքրքրում են փոքրաթիվ դասարանները։

8. Ես ծրագրում եմ հաճախել քոլեջ, սակայն ոչ Եկեղեցու քոլեջներից կամ համալսարաններից որևէ մեկը:

Եկեղեցու Կրթական Համակարգ

ԵԿՀ-ի միսիա․ Օգնեք զարգանալ Հիսուս Քրիստոսի աշակերտներին, որոնք պետք է առաջնորդներ դառնան իրենց տներում, Եկեղեցում և համայնքներում:

[Էջ 1]

Իսրայելի հավաքումը․

«Տերը օգտագործում է կրթությունն Իսրայելի մեծ հավաքման համար, որը տեղի է ունենում այսօր Եկեղեցում: Նա պատրաստում է աշխարհն Իր վերադարձին և Եկեղեցու կրթական համակարգն այն բազմաթիվ միջոցներից մեկն է, որը Նա կօգտագործի այդ ջանքերում: Յուրաքանչյուր հաստատություն անում է յուրահատուկ մի բան՝ օրհնելու համաշխարհային Եկեղեցին: Յուրաքանչյուր հաստատություն ունի իր նպատակը և իր հանձնառությունը Եկեղեցու ղեկավարությունից՝ տարբերվել աշխարհից և միմյանցից»:

— Երեց Քլարկ Գ. Գիլբերտ, Եկեղեցու կրթական համակարգի հանձնակատար

• ԳՐԱՆՑՎԵՔ՝ յուրաքանչյուր հնարավորության մասին լրացուցիչ տեղեկություն ստանալու համար․ cesinfo.byu.edu։

• ԴԻՄԵԼՈՒ ՀԱՄԱՐ այս տարբերակներից մեկին, անցեք apply.ChurchofJesusChrist.org կայք։

• ԻՄԱՑԵՔ ԱՎԵԼԻՆ հաստատություններից յուրաքանչյուրի մասին այս աշխատաթերթի հաջորդ էջում:

[Էջ 2]

Կրոնի Ինստիտուտներ

Ինստիտուտը մի միջավայր է չափահաս երիտասարդների համար՝ դպրոցում կամ դպրոցից դուրս, որտեղ նրանք հավաքվում են ընկերների հետ, որոնք կիսում են հավերժական ճշմարտություններով ապրելու իրենց ցանկությունը՝ բախվելով առօրյա կյանքի երկրային իրողություններին: Ինստիտուտի նպատակն է՝ օգնել երիտասարդներին բացահայտել և կիրառել Հիսուս Քրիստոսին ավելի շատ նմանվելու գործնական ուղիները:

Ուսանողները ներառվում են ինստիտուտում հավատքի իրենց ճանապարհի այն կետում, որտեղ գտնվում են։ Դա մի վայր է, որտեղ նրանք կզգան.

• Քրիստոսակենտրոն ուսումնական ծրագիր՝ հիմնված սուրբ գրությունների և մարգարեական ուսմունքների վրա:

• Հոգևոր և գործնական կյանքի իրավիճակներում կողմնորոշվելու վերաբերյալ փորձառական հետազոտություն:

• Հարգանքի, փոխըմբռնման և ապահով վայր՝ շփվելու, հարցեր տալու և նոր հեռանկարներ ձեռք բերելու համար:

• Առցանց և առկա ուսուցում, սեմինարներ և ինտերակտիվ քննարկումներ:

Իմացեք ավելին institute.ChurchofJesusChrist.org կայքում:

ԲՅՀ–Pathway Worldwide

ԲՅՀ–Pathway Worldwide կրոնի ինստիտիտուտը հնարավորություն է տալիս յուրաքանչյուրին ստանալ համալսարանական կրթություն:

Այն ուսանողները, որոնց անհրաժեշտ է առցանց կրթության ճկունությունը, որոնք ցանկանում են ամրացնել իրենց ակադեմիական վստահությունը կամ որոնց ավելի շատ ժամանակ է անհրաժեշտ՝ պարզելու, թե ինչ անել ավագ կամ միջնակարգ դպրոցից հետո, կարող են օգտվել ԲՅՀ–Pathway Worldwide կրոնի ինստիտուտի առավելություններից:

• ԲՅՀ–Pathway Worldwide կրոնի ինստիտուտը սպասարկում է ուսանողներին ավելի քան 180 երկրներում:

• Դասընթացներն ամբողջությամբ առցանց են և ուսման գները զգալիորեն ցածր են, քան մյուս դպրոցներում:

• Ուսանողները կարող են ձեռք բերել համապատասխան վկայականներ և ստանալ առցանց կրթության կրթական աստիճաններ ԲՅՀ–Idaho և Ensign քոլեջի միջոցով:

• Յուրաքանչյուր առաջարկվող վկայական ստանալու համար անհրաժեշտ է մեկ տարի կամ ավելի քիչ ժամանակ:

Իմացեք ավելին cesinfo.byu.edu կայքում:

Բրիգամ Յանգ Համալսարան

Բրիգամ Յանգ Համալսարանի (ԲՅՀ) միսիան է՝ օգնել մարդկանց կատարելության և հավերժական կյանքի իրենց ձգտումներում: ԲՅՀ-ն տրամադրում է ինտենսիվ ուսուցում՝ խթանիչ միջավայրում, որտեղ ակնկալվում է գերազանցության ձգտում և մարդկային ներուժի լիարժեք իրացում: BYU-ը ձգտում է զարգացնել հավատք, բանականություն և բնավորություն ունեցող ուսանողներին, որոնք ունեն հմտություններ և ցանկություն՝ շարունակելու ուսումը և ծառայելու ուրիշներին իրենց ողջ կյանքում:

• BYU-ն տալիս է ոգեշնչող ուսուցման հնարավորություններ, որոնցում համատեղված են հոգևոր ճշմարտությունները, հետազոտական փորձառությունը և գործնական ուսումնասիրությունը բոլոր ուսանողների համար:

• Այն մեկնարկային հարթակ է ասպիրանտուրայի և ապագայում փայլուն գործունեություն ծավալելու համար:

• Այն տրամադրում է NCAA սպորտի ավանդական համալսարանական փորձառություն, ինչպես նաև արվեստի և երաժշտության բնագավառում համաշխարհային մակարդակի փորձառություն:

Իմացեք ավելին cesinfo.byu.edu կայքում:

ԲՅՀ–Idaho

ԲՅՀ–Idaho-ն ամրացնում է Հիսուս Քրիստոսի վերականգնված ավետարանի մասին վկայությունները և խթանում է դրա սկզբունքներն առողջ ակադեմիական, մշակութային և սոցիալական միջավայրում: Դասերի նպատակն է՝ առաջարկել իրական փորձառություն՝ նախապատրաստելու տարբեր հետաքրքրություններով և կարողություններով օժտված ուսանողներին ուսման և աշխատանքի համար: ԲՅՀ–Idaho-ն որքան հնարավոր է շատ ուսանողների ձգտում է տրամադրել բարձրորակ կրթություն՝ ցածր գնով:

• Կրթական աստիճաններն առաջարկվում են ավելի քան 100 մասնագիտություններով:

• Դասախոսները պրոֆեսիոնալներ են իրենց համապատասխան ոլորտներում և ուսանողներին կրթելն ու նրանց համար ուսուցիչ լինելը համարում են իրենց առաջնահերթությունը:

• Դասարանում սովորող ուսանողների միջին թիվը 30 է:

Իմացեք ավելին cesinfo.byu.edu կայքում:

ԲՅՀ–Hawaii (Հավայան կղզիների Բրիգամ Յանգի համալսարան)

Կենտրոնանալով Օվկիանիայից և Ասիական երկրներից եկած ուսանողների վրա՝ ԲՅՀ–Hawaii-ն ուսանողներին նախապատրաստում է դառնալ աշխարհում միջմշակութային խաղաղության և միասնության օրինակներ՝ Հիսուս Քրիստոսի ուսմունքներով ապրելու միջոցով: ԲՅՀ-Hawaii-ի շրջանավարտները պատրաստվում են ողջ կյանքի ընթացքում ծառայության համար: Նրանք դրսևորում են մտածողության հմտություններ և ծառայող-առաջնորդի բնավորություն։

• Ուսանողները պլանավորում են իրենց ուրույն ակադեմիական ուղիները՝ ընտրելով մեկ հիմնական և երկու լրացուցիչ մասնագիտություն կամ վկայականներ ուսման տարբեր ոլորտներում:

Իմացեք ավելին cesinfo.byu.edu կայքում:

Ensign քոլեջ

Կենտրոնանալով հիմնականում Յուտայի նահանգի ուսանողների վրա՝ Ensign քոլեջը կրթում և զարգացնում է Հիսուս Քրիստոսի ընդունակ և վստահելի աշակերտներ: Մասնագիտական հմտությունների ձեռքբերմանն ուղղված ուսումնական ծրագիրը երաշխավորում է, որ ուսանողները ձեռք կբերեն փորձառություն, որը կնախապատրաստի իրենց մրցակցային աշխատավարձ ստանալ մեկից չորս տարվա ընթացքում: Հոգևոր առումով սնուցվող միջավայրը լրացնում է խորացված ուսումնասիրությունը դասարանում:

• Բոլոր ցանկացողները կարող են դիմել։

• Կարող են կիրառվել ավելի քան 25 տարբեր վկայականներ՝ կրտսեր մասնագետի կամ բակալավրի աստիճան շնորհելու համար:

• Առցանց վկայականները և աստիճանները հնարավոր է ստանալ ԲՅՀ–Pathway Worldwide-ի միջոցով:

• Ուսանողական կազմը բազմազան է:

Իմացեք ավելին cesinfo.byu.edu կայքում:

Երբ ուսանողները բավարար ժամանակ ունենան տարբերակները կարդալու և ուսումնասիրելու համար, նրանց ժամանակ տրամադրեք կիսվելու իրենց սովորածով՝ քննարկելով հետևյալ հարցերը.

• Ի՞նչ գաղափարներ ձեռք բերեցիք՝ այս տարբերակներն ուսումնասիրելիս:

• Ի՞նչ ապացույց գտաք Իր զավակների հանդեպ Աստծո սիրո և ցանկությունների վերաբերյալ:

• Ի՞նչ հարցեր դեռևս ունեք:

Ծրագիր կազմեք

Կազմեք ծրագիր՝ հիմա և ապագայում ձեր հոգևոր կրթության առաջնահերթության վերաբերյալ:

• Եթե դուք դեռ մի քանի տարի ունեք սեմինարիայում սովորելու համար, գրի առեք նպատակ՝ շարունակելու հոգևոր կրթությունը դարձնել առաջնահերթություն։

• Եթե արդեն ավարտում եք սեմինարիան, գրեք, թե որն է լինելու ձեր հաջորդ քայլը:

• Ինչպե՞ս ձեր ծրագիրը կօգնի ձեզ շարունակել ավելի մոտենալ Փրկչին:

Պատրաստակամ ուսանողներին առաջարկեք իրենց ծրագրով կիսվել դասարանի հետ: Խրախուսեք նրանց խոսել իրենց ծնողների, Եկեղեցու ղեկավարի կամ ուսուցչի հետ իրենց ապագա ծրագրերի և նպատակների մասին:

Կիսվեք հոգևոր ուսումն առաջնահերթություն դարձնելու կարևորության մասին ձեր վկայությամբ:

Լրացուցիչ նյութեր

Ինչո՞ւ ես պետք է հավասարակշռված համատեղեմ իմ հոգևոր և աշխարհիկ կրթությունը:

Նախագահ Գորդոն Բ. Հինքլին (1910–2008) նկարագրել է ձեր կյանքում կրոնական կրթությունն առաջնահերթություն դարձնելու կարևորությունը:

Ձեր ողջ կրթությամբ հանդերձ, սովորեք Նրանից: Ձեր բոլոր ուսումնասիրություններով հանդերձ, գիտելիք փնտրեք Վարդապետից: Այդ գիտելիքը հիանալի կերպով կլրացնի ձեր ստացած աշխարհիկ կրթությունը և ձեր կյանքին ու բնավորությանը կհաղորդի մի ամբողջություն, որին հնարավոր չէ հասնել այլ կերպ: (Gordon B. Hinckley, Համաժողովի զեկույցում, հոկտ. 1964, 118)

Տասներկու Առաքյալների Քվորումից նախագահ Մ. Ռասսել Բալլարդն ուսուցանել է.

Դուք՝ երիտասարդ ամուրիներդ, պետք է անդամագրվեք կրոնի ինստիտուտին: Եթե դուք հաճախում եք Եկեղեցու դպրոցներից որևէ մեկը, յուրաքանչյուր կիսամյակ հետևողականորեն ներառեք կրոնական կրթության մեկ դասընթաց: Այս կարևոր ժամանակահատվածում, երբ դուք պատրաստվում եք միսիայի, հավերժական ամուսնության և չափահաս կյանքին, դուք պետք է շարունակեք եղանակներ փնտրել՝ սովորելու, աճելու և ոգեշնչում ու առաջնորդություն ստանալու Սուրբ Հոգու միջոցով: Սեմինարիայում, ինստիտուտում կամ կրոնական կրթության դասերի ընթացքում ավետարանի ջանասիրաբար և աղոթքով ուսումնասիրությունը կարող է օգնել ձեզ իրականացնել այդ նպատակը:

Անկախ նրանից՝ հաճախում եք Եկեղեցու դպրոց, թե ոչ, հաճախում եք քոլեջ, թե ոչ, մի մտածեք, որ չափազանց զբաղված եք՝ ավետարանն ուսումնասիրելու համար: Ձեր կյանքում հավասարակշռված համատեղելով սեմինարիայի, ինստիտուտի կամ կրոնական դասերը՝ դուք գիտելիք կավելացնեք ձեր աշխարհիկ կրթությանը՝ ևս մեկ հնարավորություն ստանալով ուսումնասիրել սուրբ գրությունները և մարգարեների ու առաքյալների ուսմունքները: (Ռասսել Մ. Բալլարդ, «Երիտասարդ ամուրիների ամենահոյակապ սերունդը», Լիահոնա, մայիս 2015, 69)

Ինստիտուտը և ԵԿՀ-ի այլ հաստատություններն ինչպե՞ս կարող են օրհնել իմ կյանքը:

Նախագահ Ռասսել Մ. Նելսոնը խոստացել է․

Իմ սրտի խոր ցանկություններից մեկն այն է, որ դուք ստանաք այն ամենը, ինչ Տերը պատրաստ է հայտնել ձեզ: Սեմինարիան և ինստիտուտը կօգնեն ձեզ։

Ավարտելով սեմինարիան և ինստիտուտը՝ դուք կզարգացնեք ձեր հետևյալ կարողությունը. գերազանցության հասնել ամենակարևոր բաներում, որոնք երբևէ կանեք ձեր կյանքում։ Եվ դուք իսկապես կցնծաք: (Ռասսել Մ․ Նելսոն, «A Personal Invitation to Participate in Seminary and Institute», փետրվ. 4, 2019, ChurchofJesusChrist.org)

Օժանդակ ուսումնական վարժություններ

Ինստիտուտը ձեզ համա՞ր է

Եթե ուսանողների համար օգտակար կլինի ինստիտուտի մասին ավելի շատ տեղեկություններ իմանալ, կարող եք ցուցադրել «Institute Is for Me» տեսանյութերի հավաքածուից մեկը կամ մի քանիսը։ Այս տեսանյութերում չափահաս երիտասարդներն ամբողջ աշխարհից վկայում են ինստիտուտի կարևորության մասին:

Գրեք «ինչու» հայտարարությունը

Ուսանողների համար օգտակար կլինի գրել «ինչու» հայտարարությունը, որը նկարագրում է, թե հոգևոր կրթություն ստանալն ինչու է կարևոր իրենց համար: Օրինակ՝ ուսանողները կարող են ավարտել հետևյալ անավարտ նախադասությունն իրենց օրագրերում. «Հոգևոր կրթության ձգտելը կարևոր է ինձ համար, քանի որ …»

Կարող եք նաև տալ նմանատիպ հարցեր՝ օգնելու ուսանողներին մտածել, թե հոգևոր կրթությունն ինչու է կարևոր իրենց համար:

• Ինչո՞ւ է ձեզ համար կարևոր ձեռք բերել հոգևոր գիտելիք՝ միաժամանակ ձգտելով ստանալ աշխարհիկ գիտելիք:

• Ձեր հոգևոր զարգացման համար ինչո՞ւ է կենսականորեն կարևոր աշխարհիկ կրթության հետ մեկտեղ ստանալ հոգևոր կրթություն:

Հոգևոր տեսլական

Երբ ուսանողները դասի ժամանակ կարդան նախագահ Հենրի Բ.Այրինգի խոսքերը, առաջարկեք նրանց կիսվել, թե ինչը իրենց առավել տպավորեց նրա խոսքերում: Ապա կարող եք տալ հետևյալ հարցը.

• Ըստ ձեզ, ձեր հոգևոր ուսումնառությունն առաջնահերթություն դարձնելն ինչպե՞ս կարող է ձեր կյանքում հեռանկար և հոգևոր տեսլական ավելացնել:

Ուսանողներին առաջարկեք մտածել ուսումնառության իրենց ընթացիկ առաջնահերթությունների մասին և մտածել, թե արդյոք իրենց համար օգտակար կլինի որևէ փոփոխություն կատարելը: