Դաս 194. Նախապատրաստվեք ապագա կրթությանը և աշխատանքին

Զարգացրեք հմտությունները և կարողությունները

Առաջ ընթացեք Տիրոջ օգնությամբ

Երբ մենք կատարենք աշխատանքի մեր բաժինը, Փրկիչը կարող է օգնել մեզ զարգացնել այնպիսի հմտություններ և կարողություններ, որոնք կօգնեն մեզ նախապատրաստվել ապագա պարտականությունների կատարմանը և իրագործել մեր ներուժը՝ որպես Աստծո զավակներ: Այս դասը կօգնի ուսանողներին ծրագիր կազմել՝ զարգացնելու հմտություններ և կարողություններ, որոնք կնախապատրաստեն իրենց ապագա աշխատանքի և այլ դերերի համար:

Հնարավոր ուսումնական վարժություններ

Այս դասի ուսումնասիրությունն առավել արդյունավետ կլինի «Բացահայտեք ձեր ուժեղ կողմերն ու կարողությունները» վերնագրով դասն ուսումնասիրելուց հետո։ Եթե հնարավոր չէ ուսուցանել այդ դասը, կարող եք դրանից մի քանի վարժություն օգտագործել այս դասում:

Կենտրոնացեք այն բանի վրա, թե ուր եք դուք գնում

Կարող եք սկսել դասը՝ ցուցադրելով կամ գրատախտակին նկարելով հետևյալ նկարները: Կարող եք ցուցադրել առաջին նկարը, երբ նկարագրում եք ստորև ներկայացված սցենարի առաջին երիտասարդ աղջկան, այնուհետև՝ երկրորդ նկարը, երբ նկարագրում եք երկրորդ երիտասարդ աղջկան:

Պատկերացրեք, որ ճանաչում եք երկու երիտասարդների, որոնք իրենց հմտություններով և կարողություններով շատ տարբեր են: Առաջին երիտասարդն ունի շատ ակնառու տաղանդներ, մինչդեռ երկրորդը երբեմն կարծում է, որ չունի այն տաղանդները, որոնք անհրաժեշտ են կյանքում հաջողակ լինելու համար:

• Ի՞նչ խորհուրդ կտաք կամ ինչպե՞ս կնախազգուշացնեք այդ մարդկանց իրենց տաղանդների, հմտությունների կամ կարողությունների վերաբերյալ: Ինչո՞ւ։

Ցուցադրեք հետևյալ նկարը և ուսանողներին առաջարկեք կիսվել, թե ինչ են իրենք տեսնում նկարում: Նրանք կարող են կիսվել հոգևոր դասերով, որոնք կարող են սովորել նկարում պատկերված աղյուսակից:

Յոթանասունից երեց Քլարկ Գ. Գիլբերտի խոսքերով կիսվելուց առաջ օգտակար կլինի բացատրել, որ գծի թեքությունը նշանակում է նրա ընթացքը դեպի վեր կամ վար:

Յոթանասունից երեց Քլարկ Գ. Գիլբերտն ուսուցանել է կյանքում տեղի ունեցող ընթացքի վրա կենտրոնանալու կարևորության մասին, այլ ոչ թե ելակետի.

Ավելին դառնալ Քրիստոսում`թեք գծի առակը

Մեր ապագան կորոշվի ոչ թե մեր ելակետով, այլ մեր թեք գծով։ Հիսուս Քրիստոսը տեսնում է աստվածային ներուժը, անկախ նրանից, թե որտեղից ենք մենք սկսել։ … Քրիստոսը հաշվի է առնում, թե ինչ ենք անում այն ամենի հետ, ինչ մեզ տրված է: Մինչ աշխարհը կենտրոնանում է մեր ելակետի վրա, Աստված կենտրոնանում է մեր թեք գծի վրա: Ըստ Տիրոջ հաշվարկի, Նա կանի հնարավոր ամեն ինչ՝ օգնելու մեզ շրջել մեր թեք գծերը դեպի երկինք: (Քլարկ Գ․ Գիլբերտ, «Ավելին դառնալ Քրիստոսում`թեք գծի առակը», Լիահոնա, նոյեմբեր 2021, 20)

• Ի՞նչ սովորեցիք Հիսուս Քրիստոսի մասին երեց Գիլբերտի խոսքերից:

• Ի՞նչ գտաք այս հայտարարության մեջ, որը կարող է ձեզ հուսադրել և խրախուսել, երբ խոսքը վերաբերում է տաղանդների, հմտությունների կամ կարողությունների զարգացմանը:

Բացատրեք, որ այս դասը կենտրոնանալու է հմտությունների և կարողությունների զարգացման վրա, որոնք կարող են օգնել մեզ նախապատրաստվել ապագա աշխատանքի կատարմանը կամ այլ դերերին, որոնք մենք կունենանք:

Ուսանողներին առաջարկեք մտածել իրենց հմտությունների կամ կարողությունների մասին, որոնք ցանկանում են զարգացնել, որպեսզի ավելի լավ պատրաստ լինեն իրենց ապագա դերերին կամ աշխատանքի հնարավորություններին: Նրանք կարող են գրել դրանք իրենց օրագրերում: Ուսանողների համար օգտակար կլինի վերանայել «Բացահայտեք ձեր ուժեղ կողմերն ու կարողությունները» դասի ընթացքում արված իրենց նշումները:

Խրախուսեք ուսանողներին այսօրվա ուսումնասիրության ժամանակ ուշադրություն դարձնել Սուրբ Հոգուց եկող ոգեշնչմանը, որը կօգնի իրենց ավելի լավ հասկանալ, թե ինչպես կարող են զարգացնել իրենց տաղանդները, հմտությունները կամ կարողությունները Տիրոջ օգնությամբ:

Զարգացրեք հմտությունները և կարողությունները

Նախքան ուսանողներին հանձնարարելը կատարել հետևյալ վարժությունը, առաջարկեք նրանց քննարկել, թե Տերը ինչպես կարող է օգնել իրենց զարգացնել հմտությունները և կարողությունները:

Այնուհետև ուսանողներին բաժանեք փոքր խմբերի, որպեսզի նրանք կարողանան ճշմարտություններ բացահայտել սուրբ գրություններից: Կարող եք յուրաքանչյուր խմբի տալ առանձին հատված և խնդրել նրանց կարդալ, քննարկել և գրատախտակին գրել այն ճշմարտությունը կամ սկզբունքը, որը հիմնված է հանձնարարված սուրբ գրության հատվածի վրա:

Կարդացեք հետևյալ հատվածները և փնտրեք ճշմարտություններ: Մտածեք, թե ինչպես կարող են այդ ճշմարտություններն օգնել ձեզ հմտություններ և կարողություններ զարգացնելու ձեր ջանքերում:

Վարդապետություն և Ուխտեր 4․7, 46․8–9, 75․3, 29, 1 Նեփի 7․12

Ուսանողներին առաջարկեք կիսվել իրենց բացահայտած ճշմարտություններով: Նրանք կարող են կիսվել նմանատիպ ճշմարտություններով.

• Եթե մենք օգնություն խնդրենք Աստծուց, Նա կպատասխանի մեր աղոթքներին (տես Վարդապետություն և Ուխտեր 4.7):

• Տերը պատվիրում է մեզ փնտրել հոգևոր պարգևներ, որպեսզի մենք և մյուսները կարողանանք օգտվել դրանցից (տես Վարդապետություն և Ուխտեր 46.8–9):

• Տերը պատվիրում է մեզ խուսափել ծուլությունից և ջանասիրաբար աշխատել (տես Վարդապետություն և Ուխտեր 75.3, 29):

• Տերը կարող է անել ամեն ինչ մեզ համար Իր կամքով, եթե մենք հավատք գործադրենք Նրա հանդեպ (տես 1 Նեփի 7.12):

• Ըստ ձեզ, այս ճշմարտություններն ինչպե՞ս են առնչվում տաղանդների, հմտությունների կամ կարողությունների զարգացմանը:

• Ե՞րբ եք դուք կամ ձեզ ծանոթ մարդիկ կարողացել զարգացնել հմտություններ կամ կարողություններ՝ կիրառելով այս ճշմարտություններից մեկը կամ մի քանիսը:

Երբ ուսանողները պատասխանեն նախորդ հարցին, կարող եք ցուցադրել «Faith and the Goal» (4:40) տեսանյութը, որը հասանելի է ChurchofJesusChrist.org կայքում։ Ուսանողներին առաջարկեք բերել իրենց բացահայտած ճշմարտությունների օրինակները:

Faith and the Goal

Զարգացրեք և օգտագործեք ձեր տաղանդները

Դասի այս հատվածը նախատեսված է հնարավորություն տալ ուսանողներին աշխատելու իրենց բացահայտած տաղանդը, հմտությունը կամ կարողությունը զարգացնելու անձնական ծրագրի վրա, որը կարող է օգնել իրենց նախապատրաստվել ապագա դերերին կամ աշխատանքի հնարավորություններին: Խրախուսեք ուսանողներին զարգանալու և սովորելու համար ուղիներ փնտրելիս ապավինել Հոգուն: Հիշեցրեք ուսանողներին, որ որոշ տաղանդներ բնածին են, մինչդեռ մյուսները պահանջում են անհատական աշխատանք և ջանք:

Իրենց ծրագրի վրա աշխատելու համար ուսանողներին ժամանակ տրամադրելուց առաջ ցուցադրեք «Small and Simple» (3:31) տեսանյութը, որը հասանելի է ChurchofJesusChrist.org կայքում։ Կարող եք օգտագործել այդ տեսանյութը՝ օգնելու ուսանողներին տեսնել պարզ քայլերի օրինակները, որոնց կարող են հետևել՝ իրենց նպատակներին հասնելու համար:

Small and Simple

Բաժանեք «Զարգացրեք հմտությունները և կարողությունները» վերնագրով աշխատաթերթը: Աշխատելու համար ուսանողներին ժամանակ տրամադրելուց առաջ կարող եք աշխատաթերթի մեկ օրինակը լրացնել ամբողջ դասարանով: Ուսանողներին խնդրեք մտածել այն հմտության կամ կարողության մասին, որի վրա անհրաժեշտ է կենտրոնանալ, այնուհետև առաջարկեք նրանց քննարկել, թե ինչպես կարող են կատարել այդ հմտությունը կամ կարողությունը զարգացնելու քայլերից յուրաքանչյուրը:

Ծրագրի վրա ինքնուրույն աշխատելիս՝ օգտակար կլինի ուսանողներին հիշեցնել նրանց այն հմտության կամ կարողության մասին, որը կցանկանային զարգացնել «Բացահայտեք ձեր տաղանդներն ու կարողությունները» վերնագրով դասի ընթացքում։

Զարգացրեք հմտությունները և կարողությունները

Հմտությունների և կարողությունների զարգացման վերաբերյալ ծրագիր կազմելու համար օգտագործեք հետևյալ քայլերը, որոնք կնախապատրաստեն ձեզ ապագա դերերին և աշխատանքի հնարավորություններին.

1. Թվարկեք այն հմտությունները կամ կարողությունները, որոնք կցանկանայիք զարգացնել՝ օգնելու ձեզ նախապատրաստվել ապագա աշխատանքի կատարմանը կամ այլ դերերի, որոնք կունենաք ապագայում:

2. Այս հմտությունը կամ կարողությունն ինչպե՞ս կօգնի ձեզ ավելի շատ նմանվել Երկնային Հորը և Հիսուս Քրիստոսին:

3. Հատուկ նպատակ սահմանեք, որը կօգնի ձեզ զարգացնել այդ հմտությունը կամ կարողությունը: Նշեք երկու կամ երեք հստակ քայլ կամ գործողություն, որը կկատարեք՝ այդ նպատակին հասնելու համար:

4. Ո՞ր սովորությունից կամ սովորություններից կարող եք հրաժարվել՝ ձեր նպատակին հասնելու համար։ Սկսեք փոքր քայլերից: Թվարկեք մեկ կամ երկու սովորություն, որոնցից կարող եք հրաժարվել կամ որոնք կարող եք ձևավորել ամեն օր: Պարտադիր չէ, որ դրանք բարդ լինեն։

5. Ինչպե՞ս կխնդրեք Աստծո օգնությունը՝ ձեր ծրագիրն իրագործելու համար: Գտեք սուրբ գրություն, որը նկարագրում է, թե ինչպես կարող եք դա անել: Օրինակ՝ Առակներ 3.5–6, 2 Նեփի 32.3, Եթեր 12.27 և Վարդապետություն և Ուխտեր 4.7։

Պատրաստակամ ուսանողներին առաջարկեք զույգերով կամ փոքր խմբերով կիսվել միմյանց հետ իրենց ծրագրերով: Ուսանողներին բաժանեք զույգերի և նրանց հնարավորություն տվեք կիսվել իրենց կարծիքներով: Կարող եք ցուցադրել նմանատիպ հուշումներ, որպեսզի ուղղորդեք ուսանողներին դեպի կարծիքների այն տեսակը, որոնցով իրենք կարող են կիսվել.

• Ձեր ծրագրում ձեզ դուր է գալիս այն, որ …

• Իմ նպատակներն իրականացնելիս ինձ օգնեց այն, որ …

• Մեկ այլ գաղափար, որ կարող եք փորձել հաջողության հասնելու համար այն է, որ …

Խրախուսեք ուսանողներին գործել ըստ իրենց կազմած ծրագրի: Վկայեք Տիրոջ կարողության և պատրաստակամության մասին՝ օգնելու մարդկանց, երբ նրանք ձգտում են զարգացնել իրենց հմտություններն ու կարողությունները՝ նախապատրաստվելով ապագային:

Լրացուցիչ նյութեր

Ինչո՞ւ է ինձ համար կարևոր զարգացնել տաղանդները:

Տասներկու Առաքյալների Քվորումից երեց Ռոնալդ Ա․ Ռասբանդն ուսուցանել է.

Յուրաքանչյուր մարդ երկիր է գալիս որպես եզակի անհատ: Ընտանիքներում կարող են ստեղծվել միանման թելեր, սակայն մեզանից յուրաքանչյուրն ունի իր յուրահատուկ գործվածքը: Տասներկու Առաքյալների Քվորումից երեց Բրյուս Ռ. Մակքոնկին (1915–85) գրել է. «Յուրաքանչյուր մարդ այս կյանքում օժտված է այնպիսի տաղանդներով և կարողություններով, որոնք իր նախաերկրային կյանքը թույլ է տալիս իրեն ստանալ: Հնազանդվելով օրենքին՝ որոշ մարդիկ ձեռք են բերում մի տաղանդ, իսկ մյուսները՝ մեկ այլ տաղանդ»։

Տերը հստակ հասկացրել է, որ մեզ համար բավարար չէ Իրեն վերադարձնել միայն այն տաղանդները, որոնք Ինքը տվել է մեզ: Մենք պետք է կատարելագործվենք և ավելացնենք մեր տաղանդները: Նա խոստացել է, որ երբ մենք բազմապատկենք մեր տաղանդները, հավերժական ուրախություն կստանանք:

Ժամանակակից հայտնության մեջ Տերը հաստատել է հետևյալ առակի սկզբունքները. «Բայց որոշ մարդկանցից ես այնքան էլ գոհ չեմ, որովհետև … մարդկանցից վախենալու պատճառով նրանք թաքցնում են այն տաղանդը, որը ես տվել եմ իրենց: … Ծուլությամբ մի վատնիր ժամանակդ, ոչ էլ թաքցրու քո տաղանդը, որ դրա մասին չիմացվի»: (Վարդապետություն և Ուխտեր 60.2, 13) (Ռոնալդ Ա. Ռասբանդ, «Parables of Jesus: The Parable of the Talents», Ensign, օգօստոս 2003, 34)

Ինչպե՞ս է Տերը ակնկալում, որ ես օգտագործեմ իմ տաղանդներն ու կարողությունները:

Յոթանասունից երեց Լորենս Ի. Քորբրիջն ուսուցանել է․

Մեզանից յուրաքանչյուրը, ով կարծում է, որ չունի բավականաչափ տաղանդներ և շնորհներ, պետք է իմանա, որ այս հրավերն ուրիշներին զարմացնելու համար չէ, թե ովքեր ենք մենք կամ ինչ մենք գիտենք։ Հակառակը՝ մեր լույսն աշխարհի լույսն է, որն արտացոլվում է մեր մեջ, երբ մենք ձգտում ենք անել այնպես, ինչպես Նա է արել: Այդքանը։ Տերը պատվիրում է մեզ հետևել Իրեն և չամաչել կամ չխուսափել տարբերվելուց: Մի ամաչեք պահել Նրա լույսը: Մի վախեցեք փայլելուց։ (Լորենս Ի. Քորբրիջ, «Valiant in the Testimony of Jesus Christ», Ensign, սեպտ․ 2011, 36)

Ի՞նչ անել, եթե ես հուսահատություն եմ զգում՝ իմ ունակությունները զարգացնելիս:

Տասներկու Առաքյալների Քվորումից երեց Լ. Թոմ Փերին (1922–2015) ուսուցանել է․

Մենք բոլորս օրհնված ենք բազմաթիվ տաղանդներով և կարողություններով: Որոշ մարդիկ օրհնված են երգելու տաղանդով, մյուսները նկարելու, խոսելու, պարելու տաղանդով, ոմանք էլ՝ իրենց ձեռքերով գեղեցիկ բաներ ստեղծելու, իսկ մյուսները՝ կարեկից ծառայություն մատուցելու տաղանդով: Որոշ մարդիկ կարող են ունենալ շատ տաղանդներ, իսկ մյուսները՝ միայն մի քանիսը: Կարևոր է ոչ թե չափը կամ քանակը, այլ այն ջանքերը, որոնք մենք գործադրում ենք՝ զարգացնելու մեզ շնորհված տաղանդներն ու կարողությունները: Դուք ոչ մեկի հետ չեք մրցում։ Դուք մրցում եք միայն ինքներդ ձեզ հետ, որպեսզի անեք լավագույնն այն ամենի հետ, ինչը շնորհված է ձեզ: Յուրաքանչյուր տաղանդ, որը կզարգացնեք, շատ անհրաժեշտ և օգտակար կլինի ձեզ և մեծ բավարարվածություն կպարգևի ձեզ ձեր կյանքի ընթացքում: (Լ. Թոմ Փերի, «Youth of the Noble Birthright», Ensign, նոյ. 1998, 74։)

Լրացուցիչ ուսումնական վարժություններ

Հմտությունների և կարողությունների զարգացման օրինակներ

Երբ առաջարկեք ուսանողներին քննարկել, թե ինչպես են իրենք կամ ուրիշները կարողացել զարգացնել իրենց հմտությունները կամ կարողությունները Տիրոջ օգնությամբ, օգտագործեք հետևյալ լրացուցիչ օրինակները.

«Preparation of Heber J. Grant: Persistence and Tenacity» (1:59): Ուսանողներին առաջարկեք փնտրել օրինակներ, թե ինչպես նախագահ Հեբեր Ջ. Գրանտն իր թույլ կողմերը վերածեց ուժեղ կողմերի:

Preparation of Heber J. Grant: Persistence and Tenacity

«Անձնական վկայության զորությունը» 0:57-3:03: Ուսանողներին առաջարկեք փնտրել, թե ինչն է մղել նախագահ Դիտեր Ֆ. Ուխդորֆին սովորել անգլերեն, որպեսզի նախապատրաստվի կարիերային, որին ցանկանում էր հասնել:

The Power of a Personal Testimony

Օգտագործենք Աստծո կողմից մեզ տրված շնորհներն ու օրհնությունները

Բացատրեք, որ Փրկչի ժամանակներում «տաղանդը» կշռի միավոր էր, ինչպես նաև մեծ գումար: Սուրբ գրություններում Փրկիչը օգտագործել է տաղանդներ բառը, որպեսզի ուսուցանի ճշմարտություններ՝ Աստծո կողմից մեզ տրված շնորհների իմաստուն կերպով օգտագործելու կարևորության մասին (տես Մատթեոս 25.14–30): Այդ շնորհները կարող են ներառել գիտելիք, պարգևներ կամ կարողություններ, որոնք Նա տվել է մեզ:

Մեր տնտեսության մեջ Փրկիչը խոսել է տաղանդների մասին Իր ուսմունքներում՝ ուղղված մի խումբ երեցների, որոնք կանչվել էին քարոզելու ավետարանը: Առաջարկեք ուսանողներին կարդալ Վարդապետություն և Ուխտեր 60․1–3, 13 հատվածները՝ փնտրելով Տիրոջ խորհուրդը: Խնդրեք նրանց մտածել այն մասին, թե ինչպես կարող է այս խորհուրդն առնչվել այն կարողություններին, որոնք Տերը տվել է մեզ:

Կարող եք տալ նմանատիպ հարցեր՝ օգնելու ուսանողներին կիսվել իրենց գաղափարներով.

• Ի՞նչ արժեքավոր շնորհ էր Տերը պարգևել այդ երեցներին, որը նրանք չէին օգտագործում կամ որով չէին կիսվում ուրիշների հետ: (Անհրաժեշտության դեպքում օգնեք ուսանողներին հասկանալ, որ Տերը շնորհել էր նրանց գիտելիքներ Իր ավետարանի մասին: Տերը դժգոհ էր, որ երեցները չէին կամենում բացել իրենց բերանները՝ ավետարանով կիսվելու համար:)

• Այս հատվածներից ի՞նչ ճշմարտություն սովորեցիք այն մասին, թե ինչ պետք է անենք Աստծո կողմից մեզ տրված շնորհների և օրհնությունների հետ:

Ուսանողները կարող են նշել հետևյալ ճշմարտությունը. Տերը ակնկալում է, որ մենք օգտագործենք այն օրհնությունները, որոնք Նա տվել է մեզ:

• Ըստ ձեզ, այս ճշմարտությունն ինչպե՞ս կարելի է կիրառել՝ մեր տաղանդները և կարողությունները զարգացնելու համար:

• Ի՞նչ փոփոխություն կարող է առաջացնել մեր և ուրիշների կյանքում մեր տաղանդներն ու կարողություններն օգտագործելու կամ չօգտագործելու ընտրությունը: