Faamanuiaina i le Aoga

Faamanuiaina i le Aoga

Vaaiga Aoao

A o tatou faaaofia ai le Alii i le tatou aoaoina, e mafai ona Ia fesoasoani ia i tatou ia manuia i aoaoga. E mafai ona tatou mulimuli i le faataitaiga a Iesu Keriso e ala i le galulue ma le faamaoni i a tatou meaaoga. O le manatuaina o le Alii ma mea e mafai ona Ia faia mo i tatou e aumaia ai ia i tatou le lototele e faatoilalo ai luitau i aoaoga.

Fautuaga o le saoasaoa: Mafaufau e aoao atu nisi o nei lesona po o lesona uma i le amataga o le tausaga aoga. O le faia faapea e mafai ona fesoasoani i tagata aoga e aoao ai tomai taua e fesoasoani ia i latou e maua le manuia i a latou suesuega faaleaoaoga i le aluga o le tausaga.

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Faaaofia ai le Alii i Lou Aoaoina

Faamoemoega o le lesona: Ina ia fesoasoani i tagata aoga e faaaofia ai le Alii i vaega uma o a latou aoaoga a o latou sailia le aoaoina e ala i le suesue ma le faatuatua.

• Sauniuniga a le tagata aoga: Valaaulia tagata aoga e mafaufau i se taimi patino na tatau ai ona latou aoaoina se mea fou pe faigata. Tuu atu ia i latou e o mai saunia e faasoa mai pe na faapefea ona latou faaaofia ai le Tama Faalelagi ma Iesu Keriso i le latou aoaoina.

• Anotusi e faaali atu: O iloiloga faaletagata lava ia e fa agai i le amataga o le lesona

• Vitio: “Avea Atili ia Keriso: O Le Faataoto i le Faataamilosaga” (10:01; matamata mai le faailo taimi 0:00 i le 1:05)

Amiotonu i a Tatou A’oa’oga

Faamoemoega o le lesona: Ina ia fesoasoani i tagata aoga ia sili atu ona galulue ma le faamaoni ma le amio sa’o i a latou aoaoga.

• Sauniuniga a le tagata aoga: Valaaulia tagata aoga e toe mafaufau i tulaga ua tuanai i a latou meaaoga lea na latou feagai ai ma se filifiliga e kopi pe amio le faamaoni ma filifili ai e le faia. Valaaulia i latou e mafaufau loloto pe aisea na aoga ai ma po o le a na tuuina atu ai ia i latou le malosi e faia ai lenei filifiliga.

• Vitio: “Honesty: You Better Believe It!” (4:46)

Saunia mo Suega ma Poloketi Faigata

Faamoemoega o le lesona: Ina ia fesoasoani i tagata aoga ia malamalama i auala e saunia manuia ai mo suega ma galuega faatino faigata.

• Sauniuniga a le tagata aoga: Mafaufau e valaaulia tagata aoga e mafaufau i se taimi na latou lagona ai na fesoasoani le Faaola ia i latou i se suega faigata po o se galuega faatino a le aoga. Uunaia i latou e mafaufau loloto ma o mai sauni e faasoa mai pe na faapefea lagona na iai i le mauaina o Lana fesoasoani.

• Anotusi e faaali atu: Fesili mo tagata aoga e mafaufau i ai i lalo o le ulutala “Tuu atu fautuaga”

Mafaufauga lelei o le Tuputupu Ae

Faamoemoega o le lesona: Ina ia fesoasoani i tagata aoga e atiina ae se mafaufau lelei o le tuputupu ae e faatoilalo ai faafitauli i le aoaoina.

• Sauniuniga a le tagata aoga: Valaaulia tagata aoga e mafaufau i faafitauli latou te feagai i aoaoga po o le aoaoina. Uunaia i latou e mafaufau pe faapefea ona latou tali atu pe a feagai ma nei faafitauli.

• Anotusi e faaali atu: Uiga o le mafaufau fetalai ma le mautu; siata o faaali ai faamatalaga o le mafaufau fetalai ma le mautu