Fanmi Joseph Smith

Yon fanmi ki gen lafwa

Joseph Smith ak fanmi li ap travay ansanm nan fèm yo.

Joseph Smith te fèt 23 desanm 1805 nan nòdès Etazini. Yo te rele papa l Jozèf tou. Non manman li te Lucy. Li te gen anpil frè ak sè. Fanmi Joseph te kiltivatè. Yo te kwè nan Bondye e yo te renmen youn lòt.

Joseph Smith—Istwa 1:3–4

Joseph Smith lè l te yon tigason. Janm gòch li vlope nan yon bandaj. Manman l enkyete pou li.

Lè Jozèf te yon tigason, li te gen yon maladi ki te lakòz yon pwoblèm nan janm li. Sa te fè l mal anpil. Fanmi Joseph te eseye ede l santi l pi byen, men janm li toujou fè l mal anpil. Doktè yo te eseye fè janm li pi byen, men yo pa t kapab.

Les Saints, 1: 7

Joseph Smith nan kabann. Frè l la ajenou bò kabann lan. Manman l ap pale avèk doktè li nan fon an.

Doktè yo te di yo te bezwen koupe janm Joseph pou yo te ka sove lavi l. Men, manman l pa t ap kite yo fè l. Li te mande si te gen okenn lòt fason pou ede Joseph. Doktè yo te deside koupe yon pati nan zo a nan janm li olye de sa. Joseph te konnen sa t ap fè mal, men li te gen lafwa ke Bondye t ap ede l.

Les Saints, 1: 7

Doktè Joseph Smith la ofri li alkòl pou operasyon janm li. Joseph refize. Papa l kenbe l.

Dòktè yo te vle bay Joseph alkòl pou yo diminye doulè a. Men Joseph te di non. Li te jis vle pou papa l kenbe l.

Les Saints, 1: 7

Manman Joseph Smith kite chanm lan pandan doktè a ap pare pou l opere.

Joseph te mande manman l pou l soti deyò. Li pa t ’vle l wè l ap soufri anpil pandan doktè yo siye janm li.

Yon doktè ki fè operasyon sou janm Joseph Smith. Papa l kenbe l pou l ofri l sipò.

Papa Joseph te kenbe l pandan doktè yo te koupe pati ki malad nan zo a nan janm li. Sa te fè mal anpil bagay, men Bondye te ede Joseph pou l rete brav. Apre kèk ane, janm Jozèf la te vin pi bon, men li toujou fè mal pou l mache.

Les Saints, 1:6–7

Joseph Smith ak fanmi li nan New York. Yo travay nan eksplwatasyon pye bwa erab.

Lè Joseph te vin gran, fanmi l t al viv nan eta Nouyòk. Fanmi Joseph te pòv. Yo te travay di pou yo gen ase manje pou fanmi an. Joseph se te yon bon tigason. Kè li tekontan e li te renmen ri ak amize l.

Les Saints, 1:5–9

Fanmi Joseph Smith ki chita ansanm sou tab pou manje a.

Fanmi Joseph te renmen Jezikri. Yo te priye e yo te li Bib la ansanm. Men, paran Joseph yo pa t sèten ki legliz yo ta dwe fè pati. Yon jou swa, manman Joseph, Lucy, te priye epi l te di Bondye li te vle jwenn vrè Legliz Jezikri a. Bondye te reponn priyè l e li te pwomèt li t apral fè sa.

Les Saints, 1:10–11