Martin Harris Ede Joseph

Aprann Fè Senyè a konfyans

Martin Harris ak madanm li ap salye Joseph ak Emma Smith.

Yon jou, pandan Joseph ak Emma t ap viv nan Pennsylvania, yon zanmi ki rele Martin Harris te vin vizite yo. Martin te posede yon gwo fèm nan New York. Li te konn travay Joseph te fè ak plak lò yo. Li te ede Joseph anvan, e kounyea, li te vle konnen si te gen plis li kapab fè pou l ede.

Les Saints, 1:49

Yon ilistrasyon an gwoplan sou Martin Harris. Li kanpe nan kwizin nan lakay Joseph ak Emma Smith.

Joseph ak Emma te rekonesan. Anpil moun te panse Joseph t ap bay manti. Li te bon yo gen yon zanmi tankou Martin ki te kwè plak lò yo te reyèl.

Les Saints, 1:49

Joseph ak Emma Smith te kanpe andedan kay yo avèk Martin Harris. Josephzèf ak Martin ki kenbe paj yon maniskri.

Pandan Joseph t ap tradui plak yo, Martin te ekri sa l te di yo. Martin te kontan anpil pou l te ede Senyè a avèk gwo travay sa a.

Les Saints, 1:50

Martin ak Lucy Harris k ap diskite devan veyikil transpò a cheval yo a.

Lucy, madanm Martin, pa t kontan. Li pa t kwè Joseph te vrèman gen plak lò. Li te panse Joseph t ap eseye twonpeMartin. Li te vle pou Martin retounen Nouyòk e sispann ede Jozèf.

Les Saints, 1:49–50

Joseph Smith kenbe yon paj nan yon maniskri. Martin Harris ap mande Joseph pou l prete maniskri a pou l montre madanm li.

Men, Martin te kontinye travay avèk Joseph. Li te panse si Lucy te ka li sa yo t ap travay ou yo a, li t ap kwè tou. Li te mande Jozèf si l te ka pran paj yo te tradui yo ale Nouyòk pou montre madanm li. Joseph te di li tapral priye e mande Bondye.

Les Saints, 1:50–51

Joseph Smith k ap priye pou mande Bondye si Martin Harris ka prete maniskri a.

Bondye te di Jeseph pa kite Martin pran paj yo. Martin te mande Joseph pou l priye ankò. Joseph te priye e li te resevwa menm repons lan. Men, Martin te vrèman vle montre madanm li paj yo, e Joseph te vle ede zanmi l lan. Joseph te priye yon twazyèm fwa. Fwa sa a, Bondye te di Joseph li te ka deside kisa pou l fè.

Les Saintsn, 1:51

Martin Harris kenbe paj maniskri a. Joseph Smith nan tablo a, ki sanble enkyete.

Joseph te di Martin ke li ka pran paj yo sle Nouyòk, men li te ka montre yo sèlman nan sèten manm fanmi. E li te bezwen pote paj yo tounen nan de semèn. Martin te dakò epi li te ale avèk paj yo.

Les Saints, 1:51

Joseph Smith tki ajenou sou tonm tibebe ki mouri a.

Pandan Martin te ale, gen yon tibebe ki te fèt pou Joseph ak Emma. Men, tibebe a te mouri, e Emma te vin malad. Emma ak Joseph te tris anpil.

Les Saints, 1:51–52

Jozèf te enkyete l pou Emma. Li te enkyete tou pou Martin. De semèn yo te pase, e Martin pa t tounen. Emma te enkyete tou.

Les Saints, 1:52

Martin Harris ki chita sou yon tab, ap pale ak Joseph Smith ak paran li yo.

Emma te di Joseph pou l al Nouyòk pou l al chèche Martin. Joseph te rankontre Martin lakay paran l. Lè Joseph te mande Martin konsènan paj yo, Martin te tris anpil. Li te di ke paj yo te pèdi. Li te gade tout kote, men li pa t ka jwenn yo.

Les Saints, 1:52–53

Joseph te vin tris anpil e li te pè. Li te konnen li pa t byen aji lè l te kite Martin pran paj yo. Li te retounen lakay li e li te di Emma sa k te pase a. Zanj Mowoni te vini e li te reprann plak lò yo. Li te di si Jozèf te enb e li te repanti, li te kapab grejwenn plak yo epi tradui ankò.

Doktrin ak Alyans 3:5–11; 10:1–3; Les Saints, 1:53–54

Joseph Smith ki ajenou devan kabann li, ap mande Bondye padon.

Pandan plizyè semèn, Joseph te reflechi konsènan sa li te fè ki mal. Li te priye epi l te mande padon. Bondye te padone l. Li te di Jozèf ke paj yo te vòlè pa moun ki t ap eseye kanpe travay Bondye a. Men, pèsonn pa ka kanpe travay Bondye a. Bondye te gen yon plan pou l kenbe travay li ale.

Doktrin ak Alyans 3:1–10; Les Saints, 1:54–55

Joseph ak Emma Smith ap pale avèk Martin Harris. Joseph ap souke men Martin Harris.

Mowoni te retounen plak yo bayJozèf. Bondye te di Joseph ak Martin ke si yo te enb e yo te fè l konfyans, yo te ka kontinye ede avèk travay li nan plizyè fason. Yo te kapab ede mennen Liv Mòmon an bay mond lan. Liv sa a t ap ede moun toupatou repanti epi kwè nan Jezikri.

Doktrin ak Alyans 3:16–20; 5:21–35; Les Saints, 1:56–57