Zanj yo Retabli Pretriz la

Pouvwa pou fè travay Bondye.

Joseph Smith ak Oliver Cowdery k ap pale, avèk yon imaj adisyonèl sou Jezi ak moun nan ansyen Amerik la.

Amezi Joseph ak Oliver t ap tradui plak lò yo, yo te aprann ke Jezi te vle pou tout moun batize. Li te bay moun pouvwa tou pou yo batize lòt moun. Joseph pa t batize. Li te anvi aprann plis konsènan batèm.

Istwa— Joseph Smith 1:68; Les Saints, 1:65–66

Joseph Smith ak Oliver Cowdery nan bwa yo, ajenou nan lapriyè.

Joseph ak Oliver t ap mande tèt yo kiyès ki te gen pouvwa pou batize moun kounyea. Yo te deside mande Bondye. Yo te antre nan bwa yo e yo te mete yo ajenou pou yo te priye.

Istwa—Joseph Smith 1:68; Les Saints, 1:66

Yon zanj, Jan Batis, bay Joseph Smith Pretriz Aawon an

Pandan yo t ap priye, yon zanj te parèt. Li te di li se Jan Batis, limenm ki te batize Jezikri depi lontan an. Li te bay Joseph ak Oliver Pretriz Aawon an. Prètriz la se pouvwa Bondye. Yo itilize l pou yo beni pitit Bondye yo.

Doktrin ak Alyans 13; Istwa—Joseph Smith 1:69, 72; Les Saints, 1:66–67

Joseph Smith k ap batize Oliver Cowdery nan yon rivyè.

Jan Batis te di ke yon moun ki gen Pretriz Aawon an kapab anseye moun yo pou yo repanti epi batize yo. Jan te di Joseph ak Oliver pou yo batize. Yo te antre nan yon rivyè e yo te batize youn lòt. Lè yo te soti nan dlo a, yo te ranpli avèk Sentespri a. Yo te kontan anpil!

Istwa—Joseph Smith 1:10–73

Pyè, Jak, ak Jan konfere Joseph Smith Pretriz Mèlkisedèk la.

Annapre, gen lòt zanj ki te vini. Twa nan Apot Jezi yo—Pyè, Jak, ak Jan—te bay Joseph ak Oliver Pretriz Mèlkisedèk la. Kounyea, Joseph ak Oliver te kapab bay don Sentespri a. Joseph ak Oliver te vin Apot tou. Yo te kapab dirije Legliz la epi yo te vin temwen espesyal Jezikri.

Doktrin ak Alyans 27:12; Les Saints, 1:84