Cheldecheduch er a Chedaol llechukl
Telungalek er a Joseph Smith

“Telungalek er a Joseph Smith,” Cheldecheduch er a Doctrine and Covenants (2024)

“Telungalek er a Joseph Smith,” Cheldecheduch er a Doctrine and Covenants

1805–1817

Telungalek er a Joseph Smith

Telungalek el ngara Klaumerang

Joseph Smith me a telungalek er ngii el dmak loureor er a sersir.

A Joseph Smith a milechell er a December 23, 1805, er a dimsngebard er a Beluu er a Merikel. A demal a dirrek el mle Joseph a ngklel. A delal a mle Lucy ngklel. Ng mle betok a rudam me a rudos er ngii. A telungalek er a Joseph a mle chad er a sers. Te uluumera er a Dios e mle kaubeltikerreng.

Joseph Smith—History 1:3–4

Joseph Smith er a lengeasek el buik. A katur ochil a bluid er a bandaid. A delal a suebek a rengul kirel.

A Joseph er a lengeasek el buik, eng mla er ngii a secherel el mle uchul a telmellel ochil. Ng mle blechoel meringel. A telungalek er a Joseph a millasm lolngeseu er ngii er a ringel, eng di tial ochil a di mle belchoel meringel. A retoktang a millasm lomekungil er a ochil, eng di dimlak el sebechir.

Resanto, 1:7

Joseph Smith el ngara dukellel. A obekul a terrob er a tkul a dukellel. A delal a ngarullir el mengedecheduch er a toktang.

A retoktang a millekoi el kmo ng kirir el tokur ochil a Joseph le lak eng di mo mad. Eng di delal a dimlak el kengei er tir. Ngulleker el kmo ngarngii a ngodech el rolel el mo ngoseuir a Joseph. A retoktang a dula el kmo te di mo tukur a telkib er a chiuesel ochil. A Joseph a mle medengei el kmo tia kmal mo meringel, eng di nguluumera el kmo a Dios a mo ngoseuir.

Resanto, 1:7

A toktang er a Joseph Smith a dilu er ngii me lengim a rrom el ngoseuir a ringel sel bo lomotk er a ochil. A Joseph a mle kotouar. A demal a urekedii.

A retoktang a mle sorir a Joseph a lengim a rrom me lak lolchesuar a ringel. Eng di Joseph a dilu el kmo ng diak. Ng di mle soal a demal a lorkedii.

Resanto, 1:7

A delal a Joseph a tilobed er a delmerab er a bocha lomotk er ochil a toktang.

A Joseph a dilu er a delal me ltobed el mo rikl. Ng dimlak el soal a delal a lomes er ngii el ngara ringel sel lomotk er a ochil a retoktang.

Toktang lomotk er a ochil a Joseph Smith. A demal orreked er ngii.

A demal a Joseph orreked er ngii ea retoktang a meluk er a mekngit el chiuesel ochil. Tia kmal meringel, eng di Dios a ngilseuir a Joseph loutekangel. Uriul er a telal rak, e a ochil a Joseph a ungil, eng di dirke meringel sel lorael.

Resanto, 1:6–7

Joseph Smith me a telungalek er ngii el ngara New York. Te oureor el meruul a iilaot.

A lorael klunga Joseph, e a telungalek er ngii a millukl el mo er a New York. A telungalek er a Joseph a mle chebuul. Te mle meringel loureor el mesiou er a telungalek er tir. A Joseph a mle kedung el buik. Ng mle ungil a rengul e soal di doreuakl e milil.

Resanto, 1:5–9

Telungalek er a Joseph Smith el dmak el dengchokl er a tebel er a blengur.

A telungalek er a Joseph a mle betik a rengrir er a Jesus Kristo. Te dilak el meluluuch e menguiu er a Biblia. A rechad er a blil a Joseph a dimlak el sal medengei el kmo ngera el ikelesia bol chedal. A tara klebesei, ea delal a Joseph, er a Lucy, a milluluuch e dilu er a Dios el kmo ng soal mo medengelii a meral Ikelesia er a Jesus Kristo. A Dios a ulenger er a nglunguchel e mle yaksok el kmo ng mo metik er ngii.

Resanto, 1:10–11