1828–1829

Martin Harris Lolngeseu er a Joseph

Mesuub el mo ultuil er a Rubak

A tara klebesei, er a Joseph me a Emma er a le kiei er a Pennsylvania, ea tara sechelei el Martin Harris a ngklel a mle oldingel er tir. A Martin Harris a ulsers er a kmal klou el sers er a New York. Ng mlo medengei chisel a urerel a Joseph Smith er a ikal tibereberk el sintsyu. Ng mla ta lengeseuir a Joseph ruchei, e chelecha ng soal mo medengei el kmo ng mekera luut lolngeseu er ngii.

Resanto, 1:49

A Joseph me a Emma a ulureng a sulel. Betok el chad a ulemdasu el kmo a Joseph a ulemulak. Ng mlo ungil a rengrir el kirel a sechelerir er a Martin Harris el uluumerang aikal tibereberk el sintsyu.

Resanto

A Joseph sel loliuid a tekoi, e a Martin Harris a meluches a tekingel. A Martin a mle semeriar lolngeseu er a Rubak er tial klou el ureor.

Resanto, 1:50

A bechil a Martin, er a Lucy, a dimlak el soal tial teletael. Ng dimlak loumerang el kmo a Joseph a meral lolab a tibereberk el sintsyu. Ngulemdasu el kmo a Joseph a mengeblad er a Martin. Ng mle soal a Martin a luut el mo er a New York e lak lolngeseu er a Joseph.

Resanto, 1:49–50

Eng di Martin a millemolem lolngeseu er a Joseph. Ngulemdasu el kmo omko Lucy chemuiu aika bla loiuid, eng locha sebechel mo oumernag. Ngullengit er a Joseph me lengai aika el mla moiuid el tekoi el mo er a New York el mo ocholt er a bechil. A Joseph a dilu el kmo ng kirel mo meluluuch loker er a Dios.

Resanto, 1:50–51

A Rubak a dilu er a Joseph me lak lomsa Martin Harris aika el babier. A Martin a ulengit er a Joseph me luut el meluluuch. A Joseph a miluluuch e ngiluu osisiu el nger. Eng di Martin a kmal mle soal locholt er a bechil aika el babier, e a Joseph a mle soal ngoseuir a sechelil. A Joseph a liluut el meluluuch er a ongedei er a taem. Tiaikid ea Rubak a dilu er a Joseph el kmo ng di ngii el melilt el kmo ng mekerang.

Resanto

A Joseph Smith a dilu er a Martin el kmo ng sebechel ngmai el mora New York, eng di ng di ocholt er a dersta el chedal a telungalek er ngii e merekong. E kirel muut el ngmai el mei er a chelsel eru el sandei. A Martin a kilengei e merola lolab aikal babier.

Resanto, 1:51

Sera lorael a Martin, e a Emma mlechell. Eng di ngalek a mlad, e a Emma mlo smecher. A Emma me a Joseph a kmal mlo ngara klengiterreng.

Resanto, 1:51–52

Joseph el suebek a rengul kirel Emma. Ng dirrek el suebek a rengul kirel a Martin. Ng mla mocheuekl eru el sandei, e a Martin a dirkak el mei. A Emma meng dirrek el mlo suebek a rengul.

Resanto, 1:52

A Emma dilu er a Joseph me le bo er a New York el mo osiik er a Martin. A Joseph a mlo kebetech ngii me a Martin er a blil a rechad er a blil. A Joseph er a loker er a Martin el kirel aika llel a babier, e a Martin a kmal mlo mekngit a rengul. Ng dilu el kmo aika el babier a mla remiid. Ng mla osiik e diak el betik.

Resanto, 1:52–53

A Joseph a kmal mlo mekngit a rengul e medakt. Ng mle medengei el uase ng dimlak el kirel lomsa Martin aika el babier. Ng mlo remei e uluuchais er a Emma. A anghel Moroni a mlei e liluut el ngmai aika el tibereberk el sintsyu. Ng dilu el kmo a lsekum a Joseph a mo oba ngariou el reng e ouchel a rengul, eng sebechel muut el ngmai ikal sintsyu e lmuut el mo oliuid.

Doctrine and Covenants 3:5–11; 10:1–3; Resanto, 1:53–54

Ng mle betok el sandei, el Joseph a melbedebek a kngtil. Ng miluluuch lolengit a klausubes. A Dios a ulsubes er ngii. Ng dilu er a Joseph el kmo aike llel a babier a bla rechorech a rechad el tir a melasm el merrob er a urerel a Dios. Eng di diak a chad el sebechel torbengii a urerel a Dios. A Dios a ngarngii a moktek er ngii el melemolem er a Urerel.

Doctrine and Covenants 3:1–10; Resanto, 1:54–55

A Moroni a liluut el ngmai ikal sintsyu el msa Joseph. A Dios a dilu er a Joseph me a Martin el kmo a lsekum te oba ngariou el reng e ultuil er Ngii, eng sebechir el melemolem el meruul a Urerel. Ng sebechir el mo olngeseu el nguu a Babier er a Mormon el merekii er a beluulechad. Tial hong a mo ngosuterir a rechad er a ngii di el ker el mo ouchel a rengrir e oumera er a Jesus Kristo.

Doctrine and Covenants 3:16–20; 5:21–35; Resanto, 1:56–57