“A Rubak a Odureklii a Oliver Cowdery,” Cheldecheduch er a Doctrine and Covenants (2024)

“A Rubak a Odureklii a Oliver Cowdery,“ Cheldecheduch er a Doctrine and Covenants

1828–1829

A Rubak Odureklii a Oliver Cowdery

Mesuub el kmo ng mekera Dios a Longedecheduch er Kid

Joseph me a Emma Smith el ngara medal a tuangel er tial kekerei el blirir el meruul a urerir.

Joseph me a Emma loliuid er a Babier er a Mormon. Ng mle meringel a urerir, le te dirrek el kirir loureor er a sersir. A Joseph a milluluuch me a Chedam er a Babeluades lodureklii a tara chad el mo olngeseu er ngii loliuid er a Babier er a Mormon.

Resanto, 1:56, 58

Oliver Cowdery el mengosm er a kambalang er a skuul.

A kuk cheroid el chelsel a beluu er a New York, e a Oliver Cowdery, el ngeasek el sensei er a skuul, a kiliei lobengterir a rechad er a blil a Joseph Smith. A Oliver a ulisechakl er tirkal mekekerei el bebil er a Joseph.

Resanto, 1:58–59

Oliver Cowdery el dengchokl er a bita er a iingukl e mengedecheduch er a rechad er a blil a Joseph.

A Oliver a rirenges chisel a Joseph me a ikel tebereberk el sintsyu. Ng mle semeriar el mo medengei kirel. Ng milngedecheduch er a rechad er a blil a Joseph el kirel. Te dilu er a Oliver el kmo a Joseph a meruul a urerel a Dios.

Resanto, 1:59

Oliver Cowdery loutubaruach er bita er a dukellel e meluluuch el muut el mo medengei el kirel a Joseph Smith.

A Oliver a liluut el kmal mo semeriar el mo medengei. A rechad er a blil a Joseph a dilu er a Oliver el kmo ng kirel meluluuch el mo medengei el kmo ng meral urerel a Dios. Me a tara klebesei, ea Oliver a meral milluluuch. A Dios a chilleklii a uldesuel er a budech. A Oliver a mlo medengei el kmo a Joseph Smith a mesiungel a Dios. Ngulmelchsiu el kirel mo olngeseu er a Joseph.

Resanto, 1:60

Oliver Cowdery me a Joseph Smith el dengchokl er bita er a iingukl. Emma lorreked a bebil er a babier.

A bocha lemerek a skuul, e a Oliver a mlo omes er a Joseph me a Emma. A Joseph me a Oliver a kiliei el mo osoi el mesaod aika el tibereberk el sintsyu me a urerel a Dios.

Resanto, 1:60

A Oliver a dilu el kmo ng mo meluches sel loliuid a tekoi a Joseph. Ng kmal mle soal aika losuub el kirel a Jesus. Ng dirrek el mla er ngii a keril e mle soal mo mesisiich a klaumera er ngii.

Resanto, 1:61

Oliver Cowdery me a Joseph Smith el dengchokl er a kingall er a bita er a mado.

Ngokiu a Profet Joseph, e a Rubak a milsa klumech el mo er a Oliver. Ng dilu er a Oliver el kmo ng dobedebekii sel kesus er a loluluuch. Ea Dios le bsa budech er a uldesuel. Ng di tal Dios a mle medengelii tial nglunguuch. A klaumera er a Oliver a mlo mesisiich. Ng millemolem lolngeseu er a Joseph, e a Rubak a ulsischeklii a betok el tekoi el kirel a kmo ng mekera Dios a longedecheduch er kid.

Doctrine and Covenants 6:14–24; 8:1–3; 9:7–9; Resanto, 1:62–64