1825–1828

Joseph me a Emma

Dmak loureor loba Babier er a Mormon el mo er a beluulechad

A Emma Hale a mlukeroul er a klou el telungalek er a beluu er a Pennsylvania, el diak el sal cheroid er a New York, le kiliei er a ngii a Joseph Smith. A Emma me a telungalek er a ngii a uluumera er a Dios. A Emma kmal mle soal omenguiu, mengitakl, ngara uos, e meius a bobou er tial omeuachel er bita er a blil.

Resanto, 1:31–32

A Emma er a le 21 a rekil, e a Joseph Smith me a demal a mla oureor lobengkel a chad el mle tonari er a Emma. A demal Emma a kilengei er tir el me kiei er a blil.

Joseph Smith—History 1:56–57; Resanto, 1:31–32

Joseph me a Emma a mlo kaodengei. Mle sorir el dmak. Eng di a rechad er a blil Emma dimlak el sorir a Joseph. Dimlak loumera el kmo ng mla mesa anghel.

Resanto, 1:32–33

Uriul er a tal rak, e a Joseph a ulengit er a Emma me bol kaubuch. A Emma me a Joseph a mle kaubeltikerreng. Te mlo kaubuch e melukl el mo kiei lobengterir a rechad er a blil a Joseph er a New York.

Joseph Smith—History 1:57–58; Resanto, 1:34–35

Eua el rak a mla mocheuekl er a Moroni er a louchais er a Joseph el kirel aika el tibereberk el sintsyu. Sera bocha el temel, e a Emma me a Joseph a mlo er sel rois el delakl er ngii aika el sintsyu.

Joseph Smith—History 1:59; Resanto, 1:36–37

A anghel Moroni a mlo kebetech ngii me a Joseph er tial rois e ngilai aika el sintsyu el msang. Ng dilu er a Joseph el kmo a lsekum eng kmal mo ungil lomekerreu meng diak el metemall, eng mo selbechakl.

Joseph Smith—History 1:59; Resanto, 1:37–38

A rechad a mla remenges chisel a Joseph me a ika el tibereberk el sintsyu, e a rebebil er tir a millasm el melai er ngii. A Jospeh a mle kirel sikii a basio le bo lomart er ngii. A Joseph er a lolab aika el sintsyu el merael er a chereomel, e a rebebil er a rechad a uldelcheklii. Nguldechekelterir e rirurt el chemiis el ngmai el mora blirir.

Joseph Smith—History 1:60; Resanto, 1:38, 40–41

A Jospeh er a lengai aika el sintsyu el mo remei, e a ochedal a ngilseuir locha er a bebul a tebel. A Moroni a dilu er a Joseph meng diak el kengei er a ngii di el chad el mes aika el sintsyu, eng di a rechad er a blil a sebechir el remurt er a le dirk delkedokel er a mamed.

Resanto, 1:41

A Dios a mle soal a Joseph a loiuid aika el tibereberk el sintsyu me bol sebechir a rechad el menguiu. Eng di a rechad er a New York a di millasm el merechorch aika el sintsyu. A Joseph a mle kirel blechoel lomart aika el sintsyu meng diak el riid. Me a Joseph me a Emma a millukl el mo er a blai el kmeed er a blirir a rechad er a blil a Emma. Ng mle urungulir me bol sebechir el ngara budech e loleiuid aika el sintsyu.

Joseph Smith—History 1:61–62; Resanto, 1:43, 45–46

Joseph lomechela loleiuid a tekoi er a ika el sintsyu. Nguluusbech a tokubets el dongu el Dios a kildmokl lolngeseu er ngii. Sel loleiuid a tekoi a Joseph, e a Emma meluches aika ledung. Betok el sikang el dak loureor loleiuid. Mlo mechas a rengul a Emma. Ng mle medengei el kmo a bechil oleiuid a tekoi lokiu a klisichel a Dios.

Joseph Smith—History 1:35; Resanto, 1:49