“Angel Moroni Loldingel er a Joseph Smith,” Cheldecheduch er a Doctrine and Covenants (2024)

“Angel Moroni Loldingel er a Joseph Smith,” Cheldecheduch er a Doctrine and Covenants

Anghel Moroni Loldingel er a Joseph Smith

Momedengei el kirel chedaol hong

Joseph Smith el ngara bita er a mado er a blil e omes rikl.

Mla mo mocheuekl edei el rak er a Joseph Smith a lesa Kot el Ues. A Joseph a mlo mekngit a rengul kirel a bebil er a chelbirukl el tekoi el bla ruul. Ng melbedebek el kmo ngera uldesuel a Dios el kirel.

Joseph Smith—History 1:28–29; Resanto, 1:20

Joseph Smith el ngara tkul a dukellel e meluluuch.

A tara klebesei, ruriul er a bo el bad a rebek el chad, e a Joseph a mocha meluluuch. A Dios a mla onger a nglunguchel ruchei, me a Joseph a mle medengei el kmo Ngii a lmuut el mo onger a nglunguchel.

Joseph Smith—History 1:29; Resanto, 1:21–22

Sera loluluuch a Joseph, eng mlo mui er a llomes tial delmerab er ngii. A Joseph a milsa anghel dechor er a tkul a dukellel. Ngika el anghel a dilu el kmo a ngklel a Moroni. A Dios uldureklii. Ng dilu el kmo a Dios a mla ousubes a kngtil a Joseph e ngarngii a ureor el bo loruul er ngii. A rechad er a beluulechad el rokir a mo medengelii a Joseph me a ureor el Dios a mla msang.

Joseph Smith—History 1:30–33

Moroni ouchais er a Joseph Smith el kirel a tibereberk el sintsyu.

A Moroni a dilu el kmo ngarngii a hong el llechukl er a kolt el babier a lechub eng sintsyu. Ng delakl er a rois el kmeed er a blil a Joseph. Tial hong a kirir a rechad el kiliei er a Beluu er a Merikel er a ngaramong el taem. Tirkal chad a mle medengelii a Jesus Kristo me a ebangkelio er Ngii. A Moroni a dilu el kmo a Dios a mo ngoseuir a Joseph loidir tial hong meng mo sebechir a rechad el menguiu er ngii.

Joseph Smith—History 1:34, 46

Joseph Smith el mengedecheduch er a demal kirel odngelel a Moroni.

A Moroni a uleldingel er ngii ledei el taem er sel kesus e lmuut er a chimo er a odingel er a bol kukuk. A Joseph a ulechais er a demal aika bla leues. A demal a Joseph a mle ungil a rengul kirel. “Ng ues el mla er a Dios,“ ng dilu er a Joseph.

Joseph Smith—History 1:35–50; Resantp, 1:22–25

Joseph Smith lomes aika el kolt el sintsyu el delakl er a cheungel a bad.

A Joseph a mlo er a tial rois e miltik aika el kolt el sintsyu el delakl er a eungel a bad. Sera bo lorutech, eng ulemdaso\u el kirel a klungel a udoud omko ngoterau. A Moroni a mlei e dilu er a Joseph el kmo ng dirkak el bol taem lolai aika el sintsyu. Ng dilu er a Joseph el kmo ng kirel mei er tiaikid el basio er a bek el rak el di merekmo bol kldmokl el melai.

Joseph Smith—History 1:51–54; Resanto, 1:25–27