1825–1828

Iosepha ’e ’o Emma

Te ’ohipa-’āmui-ra’a nō te ’āfa’i mai i te ao nei i te Buka a Moromona

’Ua pa’ari Emma Hale i roto i te hō’ē ’utuāfare rahi i Pennsylvania, e ’ere i te mea ātea roa ia New York, i reira Iosepha Semita i te orara’a. E mea ti’aturi ’o Emma ’e tōna ’utuāfare i te Atua. E mea au nā Emma ’ia tai’o, ’ia hīmene, ’ia haere nā ni’a i te pua’ahorofenua,’e ’ia hoe i te va’a ’īnitia nā ni’a i te ’ānāvai piri i tōna fare.

Saints, 1:31–32

I te 21ra’a o tōna matahiti, ’ua haere mai Iosepha Semita ’e tōna metua tāne e ’ohipa nō te ta’ata i pīha’i iho i te fare o Emma. ’Ua ani te metua tāne o Emma ia rāua ’ia fa’aea mai i tōna fare.

Iosepha Semita—’Ā’amu 1:56–57 ; Saints, 1:31–32

Mātau maita’i atu ra Iosepha ’e ’o Emma. E mea au nā rāua te tahi i te tahi. ’Aita rā nā metua o Emma i au roa ia Iosepha. ’Aita rāua i ti’aturi ē, ’ua ’ite ’oia i te hō’ē melahi.

Saints, 1:32–33

Fātata hō’ē matahiti i muri mai, ’ua ani Iosepha ia Emma ’ia fa’aipoipo iāna. E mea here Emma ’e ’o Iosepha i te tahi ’e te tahi. Fa’aipoipo atu ra rāua e ’ua haere e noho ’e nā metua o Iosepha i New York.

Iosepha Semita—’Ā’amu 1:57–58 ; Saints, 1:34–35

E maha matahiti i ma’iri i tō Moroni paraura’a ia Iosepha nō ni’a i te mau ’api ’auro. I te taera’a te taime, ’ua haere Emma ’e ’o Iosepha i ni’a i te ’āivi i reira te mau ’api i hunahia ai.

Iosepha Semita—’Ā’amu 1:59 ; Saints, 1:36–37

’Ua fārerei te melahi Moroni ia Iosepha i ni’a i te ’āivi ’e ’ua hōro’a iāna i te mau ’api. ’Ua parau ’oia ia Iosepha ē, mai te mea e fa’aitoito roa ’oia i te ha’apa’o i te mau ’api, e pāruruhia te reira.

Iosepha Semita—’Ā’amu 1:59 ; Saints, 1:37–38

’Ua fa’aro’oro’o te ta’ata e mau ’api ’auro tā Iosepha, tāmata a’era vetahi i te ’eiā mai i te mau ’api. E ’ohipa ïa nā Iosepha ’ia ’imi i te vāhi nō te tāpuni i te reira. ’A rave mai ai Iosepha i te mau api mai roto mai i te hō’ē tāpunira’a i roto i te uru rā’au, e mau ta’ata tei a’ua’u iāna. ’Ua fa’atopa ’oia ia rātou ’e horo a’era i te fare o tōna nā metua.

Iosepha Semita—’Ā’amu 1:60 ; Saints, 1:38, 40–41

I tō Iosepha ’āfa’ira’a mai i te mau ’api i te fare, ’ua tauturu tōna tuahine iāna ’ia tu’u i te reira i ni’a i te ’aira’amā’a. ’Ua parau Moroni ia Iosepha ’eiaha e vaiiho i te hō’ē noa atu ta’ata ’ia ’ite i te mau ’api, e nehenehe rā tā tōna ’utuāfare e fāfā i te reira ma te pū’ohuhia i roto i te hō’ē ’ahu.

Saints, 1:41

’Ua hina’aro te Atua ia Iosepha ’ia ’īriti i te mau ’api ’auro ’ia ti’a i te ta’ata ’ia tai’o i te reira. Te ta’ata rā i New York, ’ua tāmata noa ïa i te ’eiā i te mau api. E ’ohipa ïa nā Iosepha ’ia tāpuni noa i te mau ’api, nō te pāruru i te reira. Nō reira, ’ua fa’anu’u Iosepha ’e ’o Emma i roto i te hō’ē fare i pīha’i iho i nā metua o Emma. ’Ua ti’aturi rāua ē, e nehenehe tā rāua e ’īriti i te mau ’api ma te hau.

Iosepha Semita—’Ā’amu 1:61–62 ; Saints, 1:43, 45–46

’Ua ha’amata Iosepha i te ’īriti i te mau ’api. ’Ua fa’a’ohipa ’oia i te mau mauha’a ta’a ’ē tā te Atua i fa’aineine nō te tauturu iāna. ’A ’īriti ai Iosepha, ’ua pāpa’i Emma i te mea tāna i parau. Terā hora ’e terā hora, ’ua ’ohipa ’āmui rāua. E mea māere nā Emma. ’Ua ’ite ’oia ē, tē ’īriti ra tāna tāne fa’aipoipo ma te mana o te Atua.

Iosepha Semita—’Ā’amu 1:35 ; Saints, 1:49