1829

’Ua fa’aho’i mai te mau melahi i te Autahu’ara’a

Te mana nō te rave i te ’ohipa a te Atua

’A ’īriti ai Iosepha ’e Oliver i te mau ’api ’auro, ’ua ha’api’i mai rāua ē, ’ua hina’aro Iesu ’ia bāpetizohia te mau ta’ata ato’a. ’Ua hōro’a ato’a ’oia i te ta’ata i te mana nō te bāpetizo ia vetahi ’ē. ’Aita ’o Iosepha i bāpetizohia. I hina’aro ai ’oia ’ia ’ite rahi atu nō ni’a i te bāpetizora’a.

Iosepha Semita—’Ā’amu 1:68 ; Saints, 1:65–66

’Ua uiui te mana’o o Iosepha ’e ’o Oliver tei ia vai ra te mana nō te bāpetizo i te ta’ata i teienei. Fa’aoti a’era rāua e ani i te Atua. ’Ua haere rāua i roto i te uru rā’au ’e ’ua tūturi nō te pure.

Iosepha Semita—’Ā’amu 1:68 ; Saints, 1:66

’A pure ai rāua, ’ua fā mai ra te hō’ē melahi. ’Ua parau ’oia ē, ’o Ioane Bāpetizo ’oia, tei bāpetizo ia Iesu Mesia e mea maoro i teienei. ’Ua hōro’a ’oia ia Iosepha ’e ia Oliver i te Autahu’ara’a a Aarona. Te autahu’ara’a ’o te mana ïa o te Atua. Tē fa’a’ohipahia nei te reira nō te ha’amaita’i i te mau tamari’i a te Atua.

Te Ha’api’ira’a Tumu ’e te mau Fafaura’a 13 ; Iosepha Semita—’Ā’amu 1:69, 72 ; Saints, 1:66–67

’Ua parau Ioane Bāpetizo ē, e nehenehe te hō’ē ta’ata tei mau i te Autahu’ara’a a Aarona e ha’api’i i te ta’ata ’ia tātarahapa ’e e bāpetizo ia rātou. ’Ua parau Ioane ia Iosepha ’e ia Oliver ’ia bāpetizohia rāua. Haere a’era rāua i roto i te hō’ē ’ānāvai ’e bāpetizo atu ra te tahi i te tahi. I tō rāua haerera’a mai i rāpae i te pape, ’ī ihora rāua i te Vārua Maita’i. E poupou rahi tō rāua !

Iosepha Semita—’Ā’amu 1:70–73

I muri a’e, ’ua haere mai te tahi atu mau melahi. E toru ’āpōsetolo nā Iesu—Petero, Iakobo ’e Ioane—tei hōro’a ia Iosepha ’e ia Oliver i te Autahu’ara’a a Melehizedeka. I teienei, e nehenehe tā Iosepha ’e ’o Oliver e hōro’a i te hōro’a nō te Vārua Maita’i. ’Ua riro ato’a mai Iosepha ’e ’o Oliver ’ei ’āpōsetolo. E nehenehe tā rāua e fa’atere i te ’Ēkālesia ’e ’ia riro ’ei ’ite ta’a ’ē nō Iesu Mesia.

Te Ha’api’ira’a Tumu ’e te mau Fafaura’a 27:12 ; Saints, 1:84