Ngaahi Sīpinga ke Vakaiʻi

ʻOku ʻoatu ʻi lalo ha ngaahi sīpinga ʻe niʻihi ʻe lava ke fakamatalaʻi ʻe he ngaahi faile kehé pea fakahū kakato—ki he “drawer” ʻo e Gospel Library

Sīpinga Fika 1

Talanoa 1—Malia

Naʻe ako ʻe Malia ʻa e founga ke maʻu ai e tokoni ʻa e ʻOtuá ke ako e lea faka-Pilitāniá. Kuo tupulaki ʻene tui mo e falala ki he ʻOtuá, pea ʻokú ne fekumi ki Heʻene tokoní ʻi he ngaahi tafaʻaki kehe ʻo ʻene moʻuí. Kuó ne fakaʻaongaʻi ʻeni ʻa e ngaahi tefitoʻi moʻoni ʻo e akó ke fakatupulaki ʻene ako e ongoongoleleí.

Talanoa 2—Kofi

Naʻe ʻikai ke mālohi ʻa Kofi ʻi he Siasí kae ʻoua kuo fakaafeʻi ia ʻe ha mēmipa ki ha kulupu EnglishConnect. Naʻe tokoni ʻa e ngaahi meʻa naʻá ne aʻusia mo e niʻihi kehe naʻa nau kau maí ke tafunaki ʻene holi ke ofi ange kia Kalaisí. ʻOkú ne maʻulotu maʻu pē ʻi he taimí ni, ngāue faivelenga ʻi ha uiuiʻi, pea mo ngāue fakaetauhi ki he niʻihi kehé.

Sīpinga Fika 2

Talanoa 1—ʻEkiseleni

Naʻe fakakakato ʻe ʻEkiseleni ʻo e Lepapulika Fakatemokālati ʻo Kongokoó ʻa e EnglishConnect 2 pea fakalahi ʻene pisinisí ke feau ʻa e ngaahi fiemaʻu ʻa e kau folau ʻeveʻeva fakavahaʻapuleʻangá, ʻa ia naʻe liunga ua ai ʻene paʻanga hū maí. ʻOku tokoni foki ʻa ʻEkiseleni ki hono tokangaekina ʻo e niʻihi kehé ʻaki ʻene hoko ko ha faiako EnglishConnect.

Talanoa 2—Sengi Mini

Naʻe fakatupulaki ʻe Sengi Mini ʻene malava ke lea faka-Pilitāniá ʻo fakafou ʻi he EnglishConnect pea lesisita ʻi he BYU–Pathway Fakaemāmani Lahí. Koeʻuhí ʻokú ne ʻiloʻi ʻa e lea faka-Pilitāniá, naʻá ne lava ai ʻo maʻu ha ngāue totongi lelei lolotonga ʻene ako ʻi he BYU–Pathway Fakaemāmani Lahí.

Sīpinga Fika 3

Talanoa 1—Lūkasi

Naʻe fakaafeʻi ʻe Lūkasi hono ngaahi kaungāmeʻá ʻi he mītia fakasōsialé ke nau kau fakataha ki ha kulupu EnglishConnect. ʻOku sio ʻa Malia ki heʻene fakaafé peá ne fakakaukau ke ʻalu mo ia (Lūkasi). Naʻe ueʻi ʻa Malia ʻe he tui mo e fakafeohi naʻá ne ongoʻí peá ne fakakaukau ke ako lahi ange ki he Siasí mei he ongo faifekaú. Naʻá ne fili ke papitaiso pea ʻokú ne hoko ʻi he taimí ni ko ha faiako ki he EnglishConnect 1.

BYU–Pathway Fakaemāmani Lahí

ʻOku fakatupulaki ʻe he BYU–Pathway Fakaemāmani Lahí ʻa e ngaahi moʻuí ʻo fakafou ʻi hono maʻu ha ako ʻoku fakavaʻe fakalaumālie, maʻamaʻa mo māʻolunga ange ʻi he ʻinitanetí. Ko hono taumuʻá ke fakatupulaki ʻa e kau ākonga ʻa Sīsū Kalaisi ʻoku nau hoko ko e kau taki ʻi honau ngaahi ʻapí, Siasí, mo honau tukui koló. Ako lahi ange ‘i he byupathway.org.