“Vakai Fakalūkufuá,” Fakahinohino Ki hono Fakahoko ʻo e EnglishConnect (2023)
“Vakai Fakalūkufuá,” Fakahinohino Ki hono Fakahoko ʻo e EnglishConnect
Vakai Fakalūkufuá
ʻOku lahi ha ngaahi tuʻunga ʻo e EnglishConnect ke tokoni ki he fakalakalaka ʻa e kau akó. ʻOku tokoni ʻa e EnglishConnect 1 mo e 2 ki he kau akó ke fakatupulaki ha ngaahi tefitoʻi taukei ʻi he lea faka-Pilitaniá. ʻOku tokoni ʻa e EnglishConnect 3 ki he kau akó ke fakatupulaki ha ngaahi taukei māʻolunga ange ʻi he lea faka-Pilitāniá ki he ngāue maʻuʻanga moʻuí, ngāue tokoní, mo e ngaahi faingamālie fakaakó—tautautefito ki he BYU–Pathway Fakaemāmani Lahí.
ʻOku ola lelei taha ʻa e EnglishConnect ʻi he taimi ʻoku ʻatā kotoa ai ʻa e ngaahi tuʻungá ki he kau akó.
Ngaahi Fiemaʻu ke Kaú
Kuo pau ke lava ʻa e kau akó ʻo tohi ʻi heʻenau lea fakafonuá pea ʻoua naʻa toe siʻi hifo ʻi he taʻu 11 ke kau ki he ngaahi kulupu EnglishConnect.
ʻOku ʻoatu ʻi lalo ha ngaahi taukei ʻi he lea faka-Pilitāniá ʻoku fiemaʻu ʻe he kau akó ke kamata ai ʻi he tuʻunga takitaha.
EnglishConnect 1: Lau ʻa e ʻalafapetí pea lea ʻaki ha ngaahi foʻi lea tefito
EnglishConnect 2: Faʻu ha ngaahi sētesi faingofua
EnglishConnect 3: Fakahoko ha ngaahi fepōtalanoaʻaki angamaheni; lau pea tohi ha ngaahi sētesi faingofua*
*ʻOku fiemaʻu ke lavaʻi ʻe he kau akó ha sivi lea faka-Pilitānia ke kau ki he EnglishConnect 3.