Kau Takí

ʻOku ngāue ʻa e EnglishConnect ʻi he malumalu ʻo e fakahinohino ʻo e lakanga fakataulaʻeikí ke tokoni ʻi he ngāue ʻa e ʻOtuá ki he fakamoʻuí mo hakeakiʻí. ʻE lava ke fakahoko ʻa e EnglishConnect ʻe he ngaahi uōtí, siteikí, fakafekauʻaki ʻo e ngaahi fakataha alēleá, ngaahi misioná, mo e ngaahi ʻēliá.

ʻE lava ke tokoni ʻa e ngaahi tefitoʻi moʻoni ko ʻení ke ke kamata ai:

Fokotuʻu ha vīsone. Fakapapauʻi ʻi he ngaahi fakataha alēleá ʻa e founga te ke fakaʻaongaʻi ai ʻa e EnglishConnect ke poupouʻi ʻa e fakafoʻituituí mo e ngaahi fāmilí ʻi he ngāue ʻa e ʻOtuá ki he fakamoʻuí mo e hakeakiʻí.
Vahevahe ʻo e fatongiá. ʻE lava ke fokotuʻutuʻu ʻa e EnglishConnect ʻo hangē ko e polokalama moʻui fakafalala pē kiate kitá pe ngaahi polokalama akó. ʻE lava ke vahe ʻa hono fakahoko ʻo e EnglishConnect ki ha alēleaʻanga māʻolunga pe ko ha mataotao ʻi he moʻui fakafalala pē kiate kitá.
Fakapapauʻi ʻa e haʻisia ki he fatongiá. Fakataimi-tēpileʻi ha ngaahi fakamatala fakamuimuitaha ki he ola ʻo e polokalamá. Tokanga taha ki he fakafoʻituituí mo e ngaahi fāmilí.

Kau Taki Fakamisioná

ʻI he ngaahi feituʻu ʻoku ʻikai ke ʻi ai ha ngaahi kulupu EnglishConnect ʻi he ngaahi siteikí pe uōtí, ʻe lava ke palani ʻa e kau taki fakamisioná mo e kau taki lakanga fakataulaʻeiki fakalotofonuá ke akoʻi ʻe he kau faifekaú ʻa e ngaahi kulupú kae teuteuʻi ʻe he kau taki fakalotofonua ʻo e Siasí ʻa e kāingalotú ke nau fakahoko ʻa e fatongiá ni. ʻOku totonu ke fakaʻaongaʻi ʻe he kau taki fakamisioná mo e kau faifekaú ʻa e fakamatala ʻi he fakahinohino ko ʻení pea feongoongoi ʻenau ngaahi ngāué mo e kau taki fakalotofonuá mo e kāingalotú (vakai, “Hoa Ngāue Fakafaifekaú”).