“Mensahe manipud iti Umuna a Panguluen,” Para iti Pigsa dagiti Agtutubo: Maysa a Pangiwanwan iti Panagpili (2022)
“Mensahe manipud iti Umuna a Panguluen,” Para iti Pigsa dagiti Agtutubo
Mensahe manipud iti Umuna a Panguluen
Patpatgenmi a kakabsatmi nga agtutubo,
Ay-ayatendakayo, ken adda panagtalekmi kadakayo. Pudno a maibilangkayo kadagiti espiritu a pili ti Nailangitan nga Ama, a naipatulod iti lubong iti daytoy a panawen tapno agaramid kadagiti napapateg a banag.
Adda man dagiti panawen a mariknayo a saankayo a napigsa wenno awan kabaelanyo. Gagangay dayta. Nangnangruna kadagita a kanito, umasidegkayo iti Mangisalakan. Isu ti “pigsa dagiti agtutubo.”
Tulongannakayto daytoy a pangiwanwan a mangbangon iti natibker a pundasion kadagiti panagpiliyo tapno agtalinaed iti dana ti katulagan. Tulongannakayto nga agsagana nga agaramid kadagiti sagrado a katulagan iti templo, agsagana nga agserbi iti mision, ken agsapul iti rag-o iti panangsurot ken ni Jesucristo iti unos ti panagbiagyo. Mangnamnamakami a mariknayo a kamengkayo iti Simbaan ti Mangisalakan ken addaankayo iti bileg manipud Kenkuana tapno maipatungpalyo dagiti panggepna a para kadakayo.
Ammomi a sibibiag ti Dios. Ikarkararagmi nga agtalinaedkayto a natibker iti dana ti katulagan a mangiturong kadakayo nga agsubli iti Amayo iti Langit. No aramidenyo, agbalinkayonto a nasayaat nga impluensia, a mangibingbinglay iti ebanghelio a sirarag-o ken mangisagsagana iti lubong para iti Maikadua a Yaay ti Mangisalakan.
Ti Umuna a Panguluen