“Sapulenyo ti Rag-o ken ni Cristo,” Para iti Pigsa dagiti Agtutubo: Maysa a Pangiwanwan iti Panagpili (2022)
“Sapulenyo ti Rag-o ken ni Cristo,” Para iti Pigsa dagiti Agtutubo
Sapulenyo ti rag-o ken ni Cristo
Napateg dagiti pili. Dagiti pili a naibatay kadagiti pannursuro ti ebanghelio ket addang a mangiturong kadakayo nga umas-asideg iti Nailangitan nga Amayo ken ni Jesucristo. Kinuna ni Jesus, “Dagitoy sinaok kadakayo, … tapno naan-anay koma ti ragsakyo” (Juan 15:11). Addaan iti tunggal addang nga agturong Kenkuana, mariknayonto a nasingsingedkayo iti Espiritu ken agbalinto a natibtibker ti natulagan a relasionyo iti Dios.
Ngem saan a kayat a sawen dayta nga awanto ti parikut iti dana. Ket gapu ta awan ti siasino man a magna iti naan-anay a nalinteg a dalan, kanayon a kitaenyo ti direksionyo ken dayawenyo dagiti bilin ti Dios. Tungpalenyo dagiti katulaganyo iti Dios, ken agsaganakayo nga agaramid iti ad-adu pay. Ikamangdakayo dagiti katulagan iti Nailangitan nga Ama ken iti Mangisalakan. Papigsaenda ti bileg ti Dios iti biagyo ket isaganadakayo nga umawat iti agnanayon a biag.
Kadagiti amin a mabalin a panagpili, ti maysa a kapatgan la unay ket ti panangpili a mangsurot ken ni Jesucristo. Isu ti pigsa dagiti agtutubo. Ti ebangheliona ti narag-o a dalan nga agsubli iti Nailangitan nga Amayo.