móðir og dóttir á sakramentissamkomu

29

Samkomur og fundir í kirkjunni

29.0

Inngangur

Síðari daga heilagir koma saman til að tilbiðja, byggja hver annan upp og kenna og læra fagnaðarerindið (sjá Alma 6:6; Moróní 6:5–6). Frelsarinn lofaði: „Hvar sem tveir eða þrír eru saman komnir í mínu nafni, þar er ég mitt á meðal þeirra“ (Matteus 18:20). Að koma saman, er ein leið til að hjörtu okkar geta verið „tengd böndum einingar og elsku“ (Mósía 18:21).

Hins vegar ættu samkomur og fundir aldrei að koma í staðinn fyrir að þjóna og þjónusta eins og Jesús Kristur gerði.

29.1

Skipuleggja og stjórna samkomum

Leiðtogar skipuleggja og stjórna samkomum og fundum „eins og heilagur andi leiðir þá, samkvæmt boðum og opinberunum Guðs“ (Kenning og sáttmálar 20:45; sjá einnig Moróní 6:9; Kenning og sáttmálar 46:2). Þeir leita leiða til að bjóða áhrifum andans á samkomur sínar og fundi.

Leiðtogar tryggja að fjöldi og lengd samkoma og funda skapi ekki álag fyrir meðlimina og fjölskyldur þeirra.

29.2

Deildarsamkomur

29.2.1

Sakramentissamkoma

Tilgangur

Minnast Jesú Krists með því að meðtaka sakramentið. Annar tilgangur felst í tilbeiðslu, að styrkja trú og vitnisburð og sinna deildarmálum.

Þátttakendur

Öllum er boðið að koma.

Tíðni

Hvern sunnudag.

29.2.1.1

Skipulagning sakramentissamkomu

Biskupsráðið skipuleggur og stjórnar sakramentissamkomu. Þeir tryggja að áhersla fundarins sé sakramentið og að styrkja trú á Jesú Krist.

Sakramentissamkoma varir í eina klukkustund. Hún getur falið í sér eftirfarandi:

1. Forspil (sjá 19.3.2 fyrir leiðbeiningar).

2. Kveðjur og fólk boðið velkomið.

3. Tilgreint hvaða valdhafar, eða leiðtogar sem eru í heimsókn, séu í forsæti.

4. Tilkynningar. Þeim skal haldið í lágmarki.

5. Inngangssálmur og bæn. Sjá 19.3.2 og 29.6.

6. Deildar- og stikumál, eins og eftirfarandi:

   • Styðja og leysa af embættismenn og kennara (sjá 30.3 og 30.6).

   • Nafnakynning bræðra til vígslu í embætti í Aronsprestdæminu (sjá 18.10.3).

   • Kynning nýrra deildarmeðlima, þar með talið nýskírðra.

7. Nafngjöf og blessun barna (sjá 18.6). Þetta er yfirleitt gert á föstu- og vitnisburðarsamkomu (sjá 29.2.2).

8. Staðfesting nýrra meðlima (sjá 18.8).

9. Sakramentissálmur og þjónusta sakramentisins. Sakramentið er aðaláhersla samkomunnar. Helgiathöfnin er tækifæri fyrir meðlimi til að beina hugsunum sínum að frelsaranum og fórn hans fyrir þá.

   Meira um undirbúning, blessun og útdeilingu sakramentisins, sjá 18.9.

10. Boðskapur fagnaðarerindisins og safnaðarsöngur eða önnur tónlist.

11. Lokasálmur og bæn.

12. Eftirspil.

29.2.1.4

Val á ræðumönnum

Biskupsráðið velur ræðumenn fyrir sakramentissamkomu. Oftast bjóða þeir deildarmeðlimum, meðal annars ungmennum.

Ræðumenn gefa vitnisburð um Jesú Krist og kenna fagnaðarerindi hans með notkun ritninganna (sjá Kenning og sáttmálar 42:12; 52:9).

29.2.2

Föstu- og vitnisburðarsamkoma

Tilgangur

Meðtaka sakramentið og styrkja hvert annað með því að gefa vitnisburð um Jesú Krist og fagnaðarerindi hans. Meðlimir eru hvattir til að koma fastandi á samkomuna, ef þeir geta fastað.

Þátttakendur

Öllum er boðið að koma.

Tíðni

Einu sinni í mánuði er sakramentissamkoma föstu- og vitnisburðarsamkoma. Vanalega er það fyrsti sunnudagur mánaðarins.

Á föstu- og vitnisburðarsamkomu eru engir fyrir fram ákveðnir ræðumenn eða sérstök tónlistaratriði. Þess í stað gefur stjórnandinn stuttan vitnisburð. Hann býður því næst meðlimum safnaðarins að gefa vitnisburð sinn. Að gefa vitnisburð, þýðir að útlista sannleika fagnaðarerindisins eins og heilagur andi hvetur til.

29.2.3

Deildarráðstefna

Tilgangur

Á deildarráðstefnu veita leiðtogar stikunnar deildarleiðtogum og meðlimum leiðsögn, stuðning og þjónustu. Deildarmeðlimir styðja aðalvaldhafa og staðarleiðtoga.

Þátttakendur

Öllum er boðið að koma.

Tíðni

Einu sinni á ári á sunnudegi sem er ekki föstusunnudagur.

29.2.4

Biskupsráðsfundur

Tilgangur

Ræða saman og taka ákvarðanir um málefni sem varða deildina.

Þátttakendur

Biskupsráðið, deildarritari og framkvæmdarritari.

Tíðni

Yfirleitt vikulega.

Málefni til skoðunar ættu að vera meðal annars:

• Samræming sáluhjálpar- og upphafningarstarfs deildarinnar.

• Styrking einstaklinga og fjölskyldna í deildinni – sérstaklega ungmenna og barna.

• Bera kennsl á meðlimi sem gætu búið sig undir að meðtaka helgiathafnir, þar með talið prestdæmisvígslur.

• Bera kennsl á meðlimi til að kalla í stöður innan deildarinnar.

29.2.5

Deildarráðsfundur

Tilgangur

Hjálpa við að uppfylla sáluhjálpar- og upphafningarstarf deildarinnar (sjá 1.2).

Þátttakendur

• Biskupsráðið, deildarritari og framkvæmdarritari deildar.

• Forsetar öldungasveitar, Líknarfélags, Stúlknafélags, Barnafélags og sunnudagaskóla.

Tíðni

Yfirleitt vikulega (en gætu hist sjaldnar).

Biskup skipuleggur, er í forsæti og stjórnar deildarráðsfundum. Ráðið tekur ekki afgerandi ákvarðanir án biskupsins.

Leiðtogar deildarsamtaka sækja deildarráðsfundi í tvennum tilgangi:

1. Sem meðlimir deildarráðsins, sem hjálpa við að blessa alla deildarmeðlimi.

2. Sem fulltrúar sinna samtaka.

Þegar þau hittast ræðir deildarráðið málefni sem gætu notið góðs af sameinuðum verkum alls ráðsins. Hver deildarráðsmeðlimur er hvattur til að miðla hugsunum sínum og innblæstri í þessum málum.

Deilarráðsfundir vara yfirleitt ekki lengur en einn klukkutíma. Þeir hefjast með bæn og stuttri greinargerð um verkefni fyrri funda. Biskupinn setur þau málefni í forgang sem brýnust eru, til að blessa einstaklinga og fjölskyldur.

• Lifa eftir fagnaðarerindi Jesú Krists. Hjálpa öllum meðlimum að styrkja trú, meðtaka frelsandi helgiathafnir og halda sáttmála sína.

• Annast hina þurfandi. Miðla úrræðum og hæfileikum til að blessa einstaklinga, fjölskyldur og samfélagið. Hjálpa deildarmeðlimum að verða sjálfbjarga. (Sjá kafla 22.)

• Bjóða öllum að meðtaka fagnaðarerindið. Fara yfir framþróun þeirra sem eru að læra um fagnaðarerindið, svo og nýrra og endurkominna meðlima. Ræða hvernig meðlimir geta miðlað öðrum fagnaðarerindinu. (Sjá kafla 23.)

• Sameina fjölskyldur um eilífð. Fara yfir framþróun meðlima sem eru að búa sig undir að taka á móti musterishelgiathöfnum. Áætla leiðir til að hjálpa fleiri meðlimum að uppfylla skilyrði fyrir musterismeðmæli. Ræða það hvernig meðlimir geta tekið þátt í musteris- og ættarsögustarfi. (Sjá kafla 25.)

Meðlimum ráðsins ber að halda trúnað varðandi allar persónulegar og viðkvæmar upplýsingar (sjá 4.4.6).

29.2.6

Ungmennaráðsfundur deildar

Tilgangur

Styrkja ungmenni deildarinnar. Hjálpa þeim að taka þátt í starfi sáluhjálpar og upphafningar (sjá 1.2).

Þátttakendur

• Biskupsráðið.

• Einn af aðstoðarmönnum biskupsins í prestasveit og kennarar og forsetar djáknasveita.

• Bekkjarkennarar Stúlknafélagsins (eða allt forsætisráðið, ef deildin er einungis með einn Stúlknafélagsbekk).

• Forseti Stúlknafélagsins

Tíðni

Yfirleitt mánaðarlega.

Fyrir hvern fund fara biskupinn og fundarstjórnandinn yfir málefnin sem á að ræða.

• Starf sáluhjálpar og upphafningar.

• Þarfir ungmenna í deildinni og hvernig hægt er að takast á við þær.

• Átak í að ná til minna virkra ungmenna eða nýrra meðlima.

• Athafnir, meðal annars tækifæri til að þjóna hinum þurfandi. Meirihluti skipulagsins er unninn á forsætisráðsfundum sveita eða bekkja (sjá kafla 20).

• Hirðisþjónusta (sjá kafla 21).

• Kynning fyrir nýkölluð forsætisráð sveita og bekkja.

29.2.8

Tímasetningar fyrir sunnudagssamkomur

Deildir nota eina af eftirfarandi tveggja klukkustunda áætlunum fyrir sunnudagssamkomur.

Áætlun 1

60 mín.	Sakramentissamkoma
10 mín.	Skipting í bekki og fundi
50 mín.	Alla sunnudaga: Barnafélag, ásamt barnastofu. Fyrsta og þriðja sunnudag mánaðar: Sunnudagaskóli. Annan og fjórða sunnudag: Prestdæmissveitarfundir, Líknarfélagsfundir og Stúlknafélagsfundir. Fimmta sunnudag: Fundir fyrir ungmenni og fullorðna. Biskupsráðið ákvarðar umræðuefnið og skipar kennara.

Áætlun 2

50 mín.	Alla sunnudaga: Barnafélag, ásamt barnastofu. Fyrsta og þriðja sunnudag mánaðar: Sunnudagaskóli. Annan og fjórða sunnudag: Prestdæmissveitarfundir, Líknarfélagsfundir og Stúlknafélagsfundir. Fimmta sunnudag: Fundir fyrir ungmenni og fullorðna. Biskupsráðið ákvarðar umræðuefnið og skipar kennara.
10 mín.	Skipting í sakramentissamkomu.
60 mín.	Sakramentissamkoma

29.3

Stikusamkomur

29.3.1

Stikuráðstefna

Tilgangur

Megintilgangur stikuráðstefnu er að styrkja trú meðlima á Jesú Krist.

Þátttakendur

Öllum er boðið að taka þátt í meginsamkomunni. Aðrar samkomur eru fyrir ákveðna þátttakendur, eins og kemur fram að neðan:

Tíðni

Tvisvar á ári.

29.3.2

Aðalfundur prestdæmis í stiku

Tilgangur

Leiðbeina og innblása prestdæmishafa í skyldum sínum.

Þátttakendur

Allir prestdæmishafar í stiku.

Tíðni

Einu sinni á ári.

29.3.3

Prestdæmisleiðtogafundur í stiku

Tilgangur

Kenna prestdæmisleiðtogum skyldur þeirra, auka getu þeirra og styrkja trú þeirra.

Þátttakendur

• Stikuforsætisráð.

• Háráð.

• Stiku og deildarritarar (og aðstoðarritar ef þörf er á).

• Framkvæmdaritarar stiku og deildar.

• Stikuforsætisráð Piltafélagsins (og ritari ef kallaður).

• Biskupsráð.

• Forsætisráð öldungasveita og ritarar.

• Ráðgjafar Aronsprestdæmissveita.

Tíðni

Prestdæmisleiðtogafundur er haldinn sem hluti af hverri stikuráðstefnu.

29.3.4

Stikuleiðtogafundir

Tilgangur

Kenna leiðtogum deildarsamtaka skyldur þeirra, hjálpa þeim að bæta sig sem leiðtoga og kennara og styrkja trú þeirra á Jesú Krist. Á þessum fundum ættu leiðtogar einnig að ráðgast saman og miðla hugmyndum.

Þátttakendur

Öll stiku- og deildarforsætisráð Líknarfélags, Stúlknafélags, Barnafélags og sunnudagaskóla og ritarar. Meðlimur stikuforsætisráðs eða tilnefndur háráðsmaður er viðstaddur og er í forsæti. Kennurum, ráðgjöfum, háráðsmönnum og meðlimum biskupsráða sem tilnefndir eru þessum samtökum er einnig boðið.

Tíðni

Einu sinni á ári.

29.3.5

Háprestasveitarfundur í stiku

Tilgangur

Kenna sveitarmeðlimum skyldur þeirra og kenningar sem tengjast prestdæminu.

Þátttakendur

Allir meðlimir háprestasveitar stiku.

Tíðni

Einu sinni á ári, hið minnsta.

29.3.6

Stikuforsætisráðsfundur

Tilgangur

Ræða saman og taka ákvarðanir um málefni sem varða stikuna.

Þátttakendur

Stikuforsætisráðið, stikuritari og framkvæmdarritari.

Tíðni

Reglulega (yfirleitt vikulega).

29.3.7

Háráðsfundur

Tilgangur

Ráðgast saman um sáluhjálpar- og upphafningarstarf stikunnar (sjá 1.2).

Þátttakendur

• Stikuforsætisráð.

• Háráð.

• Stikuritari og framkvæmdarritari.

Tíðni

Tvisvar í mánuði, ef mögulegt.

29.3.8

Stikuráðsfundur

Tilgangur

Ráðgast saman um sáluhjálpar- og upphafningarstarf stikunnar (sjá 1.2).

Þátttakendur

• Stikuforsætisráð.

• Háráð.

• Stikuritari og framkvæmdarritari.

• Forsetar Líknarfélags, Stúlknafélags og Barnafélags.

• Stikuleiðtogar ungs einhleyps fólks og einhleyps fólks (ef kallaðir).

Tíðni

Mánaðarlega, ef mögulegt.

29.3.9

Nefndarfundur fullorðinna stikuleiðtoga

Tilgangur

Ráðgast saman um hvernig styðja skuli deildarleiðtoga í starfi sáluhjálpar og upphafningar. Ráðgera hvernig útfæra megi hugsýn stikuleiðtoga varðandi starfið í stikunni.

Þátttakendur

• Stikuforsætisráð.

• Stikuforsætisráð Líknarfélagsins (og ritari, ef kallaður).

• Háráðsmaður sem tilnefndur er til að starfa með öldungasveit.

Tíðni

Eftir þörfum.

29.3.10

Nefndarfundur ungmennastikuleiðtoga

Tilgangur

Ráðgast saman um hvernig styðja skuli deildarleiðtoga í að virkja ungmenni í starfi sáluhjálpar og upphafningar. Ráðgera hvernig útfæra megi hugsýn stikuráðs varðandi ungmenni í stikunni.

Þátttakendur

• Meðlimur forsætisráðs stiku.

• Stikuforsætisráð Piltafélagsins (og ritari, ef kallaður).

• Stikuforsætisráð Stúlknafélagsins (og ritari, ef kallaður).

• Háráðsmaður sem skipaður er í starf með Stúlknafélaginu og Barnafélaginu.

Tíðni

Eftir þörfum.

29.3.11

Biskupsstikuráðsfundur

Tilgangur

Miðla reynslu og takast á við spurningar sem hafa einkum að gera með biskupa.

Þátttakendur

Allir biskupar og greinarforsetar í stiku eru meðlimir í þessu ráði. Stikuforsetinn kann að velja að vera viðstaddur einhverja eða alla þessa fundi. Stikuritari er einnig viðstaddur til að skrá niður verkefni og ákvarðanir.

Tíðni

Ársfjórðungslega, hið minnsta.

29.5

Útfarir og aðrar athafnir fyrir látna

29.5.1

Almennar reglur

Mikilvægur tilgangur kirkjusamkoma fyrir hina látnu er að bera vitni um sáluhjálparáætlunina, sérstaklega friðþægingu og upprisu frelsarans. Þessar samkomur ættu að vera virðuleg, andleg reynsla.

Kirkjuleiðtogar ættu ekki að nota helgisiði frá öðrum trúfélögum eða hópum á kirkjusamkomum fyrir látna.

29.52

Bjóða fjölskyldunni aðstoð

Leiðtogar og meðlimir „syrgja með syrgjendum … og hugga þá sem huggunar þarfnast,“ sem lærisveinar Jesú Krists (Mósía 18:9). Þegar meðlimur deyr, heimsækir biskupinn fjölskylduna til að veita huggun.

Biskupinn býður aðstoð frá deildarmeðlimum, þar á meðal frá öldungasveit og Líknarfélagi.

29.5.4

Útfararþjónustur (þar sem venja er)

Jarðarför sem stjórnað er af biskupi, hvort heldur í kirkjubyggingu eða annars staðar, er kirkjusamkoma og trúarleg athöfn. Hún ætti að vera andlegur viðburður.

Jarðarfarir ættu að hefjast á réttum tíma. Yfirleitt ættu þær ekki að vara lengur en 1,5 klst. af tillitsemi við þá sem koma.

Jarðarfarir eru yfirleitt ekki á sunnudögum.

29.6

Bænir á kirkjusamkomum

Bænir á kirkjusamkomum ættu að vera stuttar, einfaldar og leiddar af andanum. Hvaða skírður meðlimur kirkjunnar sem er getur flutt inngangs- eða lokabæn. Börn sem eru ekki skírð geta flutt bænir í Barnafélaginu.

29.7

Senda út samkomur og halda stafræna fundi

Í undantekningartilfellum getur biskupinn veitt leyfi fyrir beinu streymi sakramentissamkoma, jarðarfara og hjónavígslna, sem fara fram í samkomuhúsinu.

Beint streymi sakramentissamkomu ætti ekki að ná yfir þjónustu sakramentisins.

Fyrir sumar samkomur getur biskup eða stikuforseti veitt meðlimum sem ekki geta mætt á staðinn leyfi til að taka þátt rafrænt. Þessir fundir eða samkomur gætu verið meðal annars:

• Leiðtogafundir, eins og forsætis- eða ráðsfundir.

• Fundir sveitar, Líknarfélags og Stúlknafélags.

• Sunnudagaskólabekkir.

• Barnafélagsbekkir og söngstundir.