33.

Rekohd kan oh Repwoht kan

33.0

Kapehse

Kolokol rekohd kin inenen kesempwal nan Sapwelimen Kauno Mwomwohdiso. Ni karasepe:

Adam kolokol “pwuken kataman ehu” (Moses 6:5).

Moronai padahngki me eden irail koa me pepdais ieng nan Sapwelimen Krais Mwomwohdiso intingdier pwe “ren kak katkataman oh apwalih mwahuki mahsen en Koht” (Moroni 6:4).

Joseph Smith kaweidki me anahne malipilip ong soun rekohd men nan ward koaros pwehn “wiahda rekohd mehlel mwohn Kauno” Doctrine and Covenants 128:2).

33.1

Audepeh kan en Rekohd en Mwomwohdiso

Rekohd kan en Mwomwohdiso me sarawi. Audepehkan me mie me kesempwal oh anahne neknekila keneinei. Wiepen rekohd nan Mwomwohdiso mweidada emen en kak kilang audepen towehkan pwehki malipilip kan.

Rekohd kan kak sewese sounkaweid kan:

• Tehkada isime pahn anahne epwel keneinei.

• Tehkada mehnia tiahk sarawihkan en komour emen alehdier de pahn anahne.

• Rapahkihda towehkan.

Soangen rekohd pwukat kin wie neknek nan ehu ehu unit en Mwomwhdiso:

• Repwoht en towehkan me towehda (kilang 33.5)

• Rekohd kan en towehkan (kilang 33.6)

• Rekohd kan en poadoapoad33.7)

• Rekohd kan en pelien mwohni (kilang irlaud 34)

33.2

Kaweid Oaralap ong Klerk kan

Irail anahne nainki kisin likoun mweimwei nan tehnpas sarawi me kapw.

Klerk kan kin idawehn ni keneinei kosoned akan pwehn apwalih mwahu nein Mwomwohdiso mwohni oh tehk mwahu me rekohd kan en Mwomwohdiso pwung. Klerk kan kin mwadangete kehsehki sounkaweid kan e prihsduhd ma mie mehkot sapwung. Ma kahpwal pwarada ansoun epwelpen sapwungkan, klerk kan anahne kehsehki Confidential Church records ni ohpis lap en Mwomwohdiso.

Delepwohn: 1-801-230-2053 de 1-800-453-3860, lain 2-2053

Dohl prih (GSD pwohn): 855-537-4357

Email: [e-mail]

Wen reirei en en klerk kan ahr papah anahne itarehng irail en esehla arail pwukoahkan oh kolokol arail doadoahk. Pwehki arail sohte wia tohn steik presidensi de pisoprik, irail sohte anahne kakoamoaldi ansou kan me steik presidensi de pisoprik pahn pwurehng wiawihda.

33.4

Rekohd kan oh Repwoht kan en Ward

33.4.1

Pisoprik

PIsop me kin apwalih epwelpen rekohd nan ward.

33.4.2

Kilerk en Ward

Koaros ward anahne nainki emen klerk me koahiekehng wia doadoahk. E pilipilda sang pisoprik oh malipilipier oh kasarawilahr sang emen tohn steik presidensi de emen kaunsel lapalap me pilipilda. E anahne ahnki Prihsduhd en Melkisedek oh nainki dempel rekemend kapw. E wia tohn kaunsel nan ward. E kin towehda mihting en ward kan me sansalda nan 29.2.

Klerk kan kin kaskuhlsang pisoprik oh klerk en steik kan. Kak malipe sounsawas ong klerk nan ward pwe ren sawas.

33.4.2.1

Pwukoahkan en kolokol rekohd

Klerk en ward, de emen sounsawas ong klerk me pilipilda, ahnki pwukoah pwukat:

• Wiahda rekohd ong pwukoah kan oh koasoandihkan

• Tehk mwahu me rekohd kan oh repwoht kan pwung oh nek ansoun nek.

Ward klerk men anahne esehla mehn doadoahk kan nan en Mwomwohdiso wasahn rekohd (kilang 33.0). E kin doadoahngki mehn doadoahk pwukat pwehn sewese sounkaweid kan en kak kasawihada.

• Anahn akan en towehkan oh pwihn akan.

• Mehn sawasakan me mie, me iangahki mwohni.

Klerk en ward kin kangoange towehkan en repwohtki sapwungkan nan neirail rekohd kan.

Ekei pwukoah tohrohr ong kolokol rekohd kak iangahki:

• Tetehk mwahu me tiahk sarawihkan kileldi ansouo oh ni pwung.

• Kaukaunop en doaropwehn Oahpiser Me Kasarawihla ong kapokon lap en ward.

• Kilelehdi rohngkan ong mihting en towehkan nan ward.

• Apwahpwalih rekohd en mwohni kan (kilang 34.2.2).

33.5

Repwoht en Toweh kan me Towehda

Repwoht kan en Towehkan me towehda kin sewese sounkaweid kan en tehk mwahu pweidahn oh anahn akan en towehkan.

33.5.1

Soangen repwoht kan

33.5.1.1

Repwoht kan en Me Towehda

Me towehdahkan nan mihting en kamadipw sarawi oh Prihsduhd en Rahn Sarawi oh mihting en pwihnakan kin kileldi nan mehn elekdronik LCR de Memper Duhls

Sarawi en Kamadipw Sarawi. Me towehda kan nan mihting en kamadipw sarawi kin kileledi nan ehu ehu wihk sang ward klerk de sounsawas ong ward klerk. Wadawad en tohtohn me towehdahkan nan mihting en me pwarala de kilang nan koampiuhder, iangahki me mwemweitdo kan.

Kohrumw en Rahn Sarawi oh Mihting en Pwihn kan. Me towehdahkan kin kileldi ehu ehu wihk sang sekteri oh sounkaweid kan en kohrumw oh pwihn. Sounkaweid kan en me pwulopwulkan kak sawas oh kilelehdi me towehdahkan. Wen tohto iei nempehn me towehda mihting kan ni arail pwarala de kilikilang nan koampiuhder, me iangahki me mwemweitdohkan. Towehkan me wie papah nan Praimeri de wia sounkaweid kan ong me pwulopwul nan ward pil kin kileldi me irail iang towehda.

Ward klerk kak kilelehdi me towehdahkan ong pwihn kan koaros.

33.5.1.2

Ansoun Kapeidek ong Repwoht kan en Minisder

Tehk 21.3.

33.5.1.3

Repwoht en nan kuarder kan

Nempe koaros nan repwoht wia weliepen aramas emen me ahniki anahn keneinei (kilang Helaman 15:13).

Repwoht en nan Kuarder iangahki ire kesempwal me kak sewese sounkaweid kan en kak alehdi kamarain ong arail songosong wia misnisder.

Steik oh sounkaweid kan en ward kin kilang Repwoht en Kuarder ansoou kan pwehn pwurehng tehk pweidahn emen emen.

Ward koaros kin kanekehla oh kapidolong ehu Repwoht en Kuarder ong Ohpis Lap en Mwomwohdiso. Klerk kin iang pisop pwurehng tehk repwoht oh kapidolong mwohn 15 [eisek-limau] en ehu sounpwung en imwin kuarder.

33.5.2

Doaropwehn Towehkan

Dipwisoun wia rekohd nan Mwomwohdiso kin elehieng sounkaweid kan en kak kilang eden towehkan. Doaropwehn ahd pwukat kak sewese sounkaweid kan en kilangada:

• Mehnia towehkan saikinte wia tiahk sarawihkan me e konehng.

• Mehnia mwahnakapw de peinakapw kak papah ah misin.

• Mehnia me pwulopwul sohte nainki dempel rekemend kapw.

• Mehnia me pwulopwul anahne wiahda ah ansoun mihting ong emen tohn pisoprik.

Sounkaweid kan en pwihn oh kohrumw kan ahnahne kak kilang doarepwehn ahdakan me mih nan arail kohrumw de pwihn,

33.6

Rekohd kan en Towehkan

Rekohd en towehkan iangahki eden towehkan,

Rekohd en towehkan anahne mih nan ward wasa me towehu kin mihmi ie. Ong irair kesempwal kan, me kin wiawi pak malaulau, anahne mweimwei sang pisop oh stake preseden. Pwehn peki ong irair kesempwal ehu, steik preseden kin doadoahngki LCR pwehn kapidolong pekpeko ong Ohpis en Keioun Presedensi.

E kesempwal met en wiawi ansou mwadang:

• Iren tiahk sarawi nan rekohd.

• Kamwakid rekoht en towehkan me mwekid long de mwekidiei sang nan ward.

• Wiahda rekohd kan ong towe kapw kan oh seri pwelel kan ong nohno oh pahpa me wia towe.

• Kilelehdi melahn emen tohn mwomwohdiso.

• Kilelehdi rohngen pwopwoud oh tohn ihmw.

Pisop de steik preseden kin tehk mwahu me rekohd en towehkan mih nan wasa pwung mwohn towehmen ah ale kapeidek kan pwehn alehdi:

• Malipilip ehu nan Mwomwohdiso.

• Ehu dempel rekemend.

• Prihsduhd en Melkisedek de en kasarawiheng pwukoah ehu nan prihsduhd.

E pil kin tehk mwahu me rekohd sohte iangahki soahng pwukat:

• Inting kei me ong pein kowe

• Lokaia me pid katengteng ehu de irairdihn tiahk sarawi

• Koasoandihn Irairdih kan

Sohte irair ehu me rekohd en towehkan kak kohweng de kasansalehng emen likin pisop de emen klerk.

Towehkan kak kilang pein neirail rekohd oh nein neirail serihkan me mihmihte nan imwarail nan ahp en memper duhls. Irail pil kak peki koapihn neirail doaropwehn Individual Ordinance Summaries sang klerk. Ma mie sapwung dierek, klerk pahn tehk mwahu me e kopwungpwungla nan nein towehu rekohd.

33.6.1

Ahdakan me kin Doaodahk nan Rekohd kan en Mwomwohdiso

Udahn eden aramas men, me sansalehr sang kosoned en wasa de tiahk, anahne en doadoahk nan nein towehu rekohd oh nan sertipiket en tiahk sarawi.

33.6.2

Towehkan nan Rekohd

Aramas pwukat wia towehkan nan rekohd oh anahne nainki rekohd en towehkan.

• Irail kan me pepdaislahr oh kasarawihlahr

• Irail kan me pahnangin sounpar 9 [duwau] me kapaidahr ahpw saik pepdaisla

• Irail kan me sohte kak pwukoahki ahr sapwung kan pwehki soumwahuen nan madamadau, sohte lipilipil sounpar

• Serihkan me saikinte alehdi kapai pahnangin sounpar 9 ansou mehpwukat dokedoke:

  • Emen nohno de pahpa de emen nohno kahlap de pahpa kahlap wia tohn Mwomwohdiso.

  • Nohno oh pahpa koaros mweidada nah rekohd en wiawihda. (Ma emente rehn nohno de pahpa ahnki pwuhng ong serio, mweimweisang reh itar.)

Aramas emen me sounpar 9 de mahsang me mie nah rekohd en tohn mwomwohdiso ahpw saikinte pepdaisla oh kasarawihla sohte wia towehmen nan rekohd. Ahpw, ward me aramaso kin mihmi ie pahn kolokol nah rekohd lau ih lel sounpar 18 [eisek-waluh]. Ni ansouo, ma aramaso pilada e sohte pahn pepdais, pisop kak kansela rekohdo. Mie anahnepen mweimwei sang steik preseden.

Rekohd kan ong irail me saikinte pepdais pwehki soumwahuen madamadau sohte kin kansel ihte ma soun apwaliho de pahpa oh nohno en aramaso me peki.

33.6.3

Rekohd kan ong Towe kapw kan

Klerk en ward de sounsawas ong klerk kin alehdi tohn ward kapw kan mwurin neirail rekohd kan ah leledo pwehn tehn mwahu me Individial Ordinance Summary pwung.

33.6.6

Rekohd kan en Towehkan me wie Papah likin arail ward

33.6.6.2

Rekohd kan en misineri kan me papah pwuhl daim.

Kilang 38.6.2.3.

33.6.13

Rekohd kan en serihkan me arail pahpa oh nohno kan mweipeseng

Rekohd en towehkan Met iangahki serihkan me pahpa oh nohno kan mweipeseng.

Serihkan me pahpa oh nohno kan mweipeseng kin towehda ara ward kan. Mendahte ehu unit kak kolokol oh kapwungala nein serihmen rekohd en towehkan, ehu ward me e kin towehda kak wiahda nah out-of-unit rekohd. Met mweidada eden serio oh rongepehkan en patehng nan doarepwehn ward kan oh nan perehn kaskuhlkan.

Serihkan me mih nan out-of-unit rekohd kak alehdi malipilip nan unito.

33.6.15

Irairdi kan en Kamwakid Rekohd kan en Tohn Mwomwohdiso

Ma towehmen mwekid nan ansoun irairdihn kemwekid de ehu kahpwal wihwiawi, pisop de emen klerk kak irehd irekohd en towemenet en kemwekid. E kin doadoahngki LCR pwehn wia met.

Rekohd ehu me mie irairdihn kemwekid sohte kak kemwekid ong ehu unit lau sounkaweid en prihsduhd me irehdio mweidada en kemwekidsang.

33.6.16

Rekohd kan sang nan pwail “Adres Sohte Dehde”

Towehmen kin ekei pak dierek mwurin nah rekohd ah miher nan pwailen “adres sohte dehde” nan Ohpis lap en Mwomwohdiso. Nan soangen irair wet, klerk nan ward kin peki rekohdo na ah doadoahngkiLCR.

33.6.17

Kilelehdi oh Kapwungala Rohngkan en Tiahk sarawi

Kilang iralaud 18.

33.6.19

Ahwdid en Rekohd en Towehkan

Pahr koaros steik klerk de emen sounsawas ong klerk kin tehk mwahu me ahwdid en rekohd en towehkan kin wiawi nan ward kan oh doadoahngki LCR. Ahwdid kan anahne kaneknekla mwohn Suhn 30 [silihsek] en ehu pahr.

33.7

Rekohden Poadoapoad kan

33.7.1

Poadoapoad kan en ward oh steik

Kauno ketin mahsaniher me “poadoapoaden soahng kesempwal koaros” me pidada Sapwelime Mwomwohdiso en intingdi oh kolkoldi (Doctrine and Covenants 69:3; pil kilang ire tikitik 5; Alma 37:2).

Ehu ehu unit nan Mwomwohdiso anahne kilelehdi soahng kesempwal koaros me pid unito.

Kolokol poadoapoad wia doadoahk en palingehn ehu me pahn kakehlaka pwoson en irail kan me intingihedi oh wadek.

Klerk nan steik de nah sounsawas kin kaunopada poadoapoaden steik. Pisoprik kin idawehn soahngohte ong ah ward. Mehn kaweid kan kak dierek nanSteik,Distrik, oh Poadoapoaden Pahrakan nan Misin nan ChurchofJesusChrist.org.

33.8

13.8 Karirih de Ekieklahn Rekohd kan

Rekohd kan nan Mwomwohdiso Mepwukat iangahki:

• Rekohd kan en Towehkan.

• Rekohd kan en mwohni.

• Nohd kan sang mihting kan.

• Doaropwehn ohpis kan oh silikou kesempwal kan (iangahki rekohd kan en towehkan nan kaunsel).

Sounkaweid kan kin tehk mwahu me rohng kan me kohsang rehn tohwehkan:

• Irairdi ongete dahme Mwomwohdiso anahne

• Doadoahk ongete kahrepakan me mweimweida sang Mwomwohdiso.

• Kohieng irail kante me mweimweidahn doadoahngki.

Rohngkan me neknekla nan koampiuhder anahne kolkoldi ni keneinei oh perehpe en pwung (kilang 33.9.1).

33.9

Epwelpen Rekohd kan

33.9.1

Perepe

Rekohd koaros nan Mwomwohdiso, repwoht, oh rohng ananhe perehrehsang me sohte mweimweidahkan, wekidekla, ohla, de kasansalada. Rohng wet anahne neknekla nan wasahieu me mwahu.

Dipwisoukan oh mehn nekid kasdohkan en Mwomwohdiso me salongala de pirapala anahne pakairla ansou karuaru incidents.ChurchofJesusChrist.org. Doadoahk sapwung en rohng en Mwomwohdiso anahne pakairla.

33.9.1.1

Usernames oh passwords

Steik preseden kan, pisop kan, oh sounkaweid teikan sohte konehng ehukiheng emen neirail username oh password ong sounsawaskan, klerk kan, sekteri lapalap kan, oh mehteikan.

33.9.1.3

Deida Praipesi

Tohto wehikan me wiahdahr kosoned en perepen rohng me apwalih wiepen rongen emen emen. Met iangahki rohngkan nan rekohd kan en towehkan oh ekei rekohd en Mwomwohdiso me kasalehda emen emen. Sounkaweid kan me ahnki peidek duwen kosoned en doadoahk ong perehrehn mengihtiken doadoahk kak eker en Mwomwohdiso wasahn pwukoahki me rirkan. [e-mail].