Aeniboki ao Wewete
35. Tararuan ao Kabonganakin Auti ni Bootaki

“35. Tararuan ao Kabonganakin Auti ni Bootaki,” Aeniboki ni Kabuta: Te Beku inanon Ana Ekaretia Iesu Kristo ibukiia Aika Itiaki ni Boong aika Kaitira (2024).

“35. Tararuan ao Kabonganakin Auti ni Bootaki,” Aeniboki ni Kabuta.

aomata a kaitiaka aontano ao a irea te wintoo

35.

Tararuan ao Kabonganakin Auti ni Bootaki

35.1

Kantaninga

E katauraoi auti n ibootaki te Ekaretia bwa aonga naake a rin inanona ni:

A kona ni bibitaki tein auti ni bootaki ni kaineti ma aron teina ae riai ni kaineti ma tein te tabo ma kainnanoana. E kona n ae are kateaki man te Ekaretia ke taabo ae kaboaaki man te Ekaretia, mweengan te membwa, te umwa n reirei ke ana tienta te komiunite, te tabo ae riitinaki, ke taabo riki tabeua ake a tia ni kariakaki.

35.2

Aron Kabonganakina ao Tabena

35.2.1

Te Botaki ni Mwakuri ibukin Taian Kateitei

E na karaoi oin tua ao kainibaire te Te Botaki ni Mwakuri ibukin Taian Kateitei n ana etekuata te Ekaretia ibukin katauraoan ao kateimatoaan taabo n nebonebo. E waaki te bootaki aei iaan ana kairiri te Bitiobiriki n Tararua.

Tabeia taan mwakuri n taabo ibukin Auti ni Bootaki bwa a na katauraoi ao n tararuai autinibootaki ao tabeua riki ana kateitei te Ekaretia. Aio e na karaoaki iaan ana kairiri te Beretitentii n te Aono ao te taraekita n te aono ibukin bwaai ae kanga bwain te maiu aei.

35.2.2

Te Manatia Ibukin ana Kateitei te Ekaretia

Te manatia ibukin kateitei n te Ekaretia e na ibuobuoki ma titeiki ibukin aron waakin auti ni bootaki. Teuanne ke neienne e na bairei mwakuri ibukin karaoan uruaki, kaitiakan te kateitei ma bwaina nako, ao taian onobwai nakon kateitei.

Ngkana e kainanoaki, te manatia aei e buoka reiakinaia taan tei ibukin kateitei man titeiki ao uoote iaon aron kaitiakakin kateitei ao karaoan taabe riki tabeua. Teuanne ke neienne e na katauraoa aron waakinan te mwakuri, bwaai ni kateitei ao bwaai ni mwakuri.

Te manatia n te kateitei e na mwakuri ma te tia tei ibukin kateitei man te titeiki ni kairii mwakuri aikai ao n tararuai kateitei. E kona naba teuanne ke neienne n rinanoa te kabanemwane n te kateitei ma bitobiriki.

35.2.3

Itingaun n te Aono

Te Itingaun n te Aono are e rineaki e na mwamwakuri ma beretitenti n titeiki inanon waakinan te moan ni babaire (taraa 35.3).

35.2.4

Beretitentii n te Titeiki

Te beretitenti n te titeiki e na kairiia bitiobi ibukin kabonganaan, kateimatoaan raoiroin, ao tararuaan auti ni bootaki. A rinea temanna te kauntira ae rietaata bwa e na tei ibukin ana kateitei te titeiki (taraa 35.2.5). A maroro ma ngaia n rinanoi bwaai aika a kainanoaki ao taabe aika a na kainanoa te tai ae maan.

Ngkana arona bwa e kainanoaki riki irouia membwa taabo aika a mwaawa ibukin te nebonebo, te beretitentii n te titeiki e na kanakoa rongorongona nakon te Itingaun n te Aono. E karaoaki aio rinanon waakinan te moan babaire (taraa 35.3).

35.2.5

Te Tia Tei Ibukin Ana Kateitei te Titeiki

Te tia tei ibukin ana kateitei te titeiki e na buoka te beretitentii n te titeiki n aron kabonganaan, tararuan, ao kamanoan auti ni bootaki man:

  • Kabwarabwarakin tabeia taan tei n uoote ibukin kateitei (taraa 35.2.9).

  • Tibwatibwaan kiing nakoia taan kairiri n te iunite.

  • Te reitaki ma te manatia n ana kateitei te Ekaretia iaon kainnanoan te onobwai ma mwakuria ake a kainanoaki ibukin taian kateitei.

35.2.6

Taan Rabakau ni Bwaai n Rabakau n te Titeiki ao te Uoote

A na ibuobuoki ana taan rabakau te titeiki ao uoote iaon rabakau aika boou ni kateimatoai bwaai n rabakau aika boou ake a kabonganaaki n taian kateitei. Ngkana a kainanoaki kanimwakin bwaai n rabakau aika boou, ana kaai ni mwakuri ma te manatia n te kateitei. Ibukin rongorongo riki i aon taian nakoa aikai, taraa 33.10 (taraa naba mhtech.ChurchofJesusChrist.org).

35.2.7

Bitiobiriki

Te bitobiriki (ke te tia tei ibukin tararuakin kateitei n te uoote) e reiakiniia membwa aron kabonganaakin, tararuaan ao kamanoan te kateitei. E tibwabwai kiingin kateitei naba te bitobiriki nakoia taan kairiri n te uoote.

A na kakoaua bwa a karaoaki raoi mwakuri inanon te kateitei ao aontano n te aro ae mano (taraa 20.7).

A reitaki n taainako ma te manatia ibukin ana bwai te Ekaretia iaon kawakinan ao mwakurian kateitei aika a kainanoaki. A kona naba n rinanoi kabanemwane n irekereke ma te kateitei ma te manatia ibukin ana bwai te Ekaretia.

35.2.8

Te Bitiobi Ae Tei Ibukin te Itera aei

Ngkana e raka iaon teuana te uoote ake a kabongana te kateitei, te beretitentii n te titeiki e na mwiokoa temanna te bitiobi ae e na tei ibukin te itera aei. Bwaai aika a na karaoaki bon bairean taai, te kaitiaki, ao kamanoan te kateitei. E kabutaki raoi aron te tabe iaoia bitiobi n uoote ake a kabongaa te kateitei iroun te beretitentii n te titeiki.

35.2.9

Te Tia Tei ibukin ana Kateitei te Uoote

E na baireia te bitobiriki ngkana e na riai ni weteia taan tei ibukin tararuakin kateitei n te uoote. Ngkana a iangoia bwa a na anga te wewete aei, e kona te bitobiriki ni wetea te membwa te mwaane ke te aine ae ikawai. aikaon, kairi ibukin karaoakina Ngkana e aki weteaki te tia tei ibukin tararuakin kateitei n te uoote, te bitiobi e kona n anga te mwiokoa nakon temanna ana kauntira, te kiraaka ke te kauoman ni kiraaka n te uoote, ke te tia koroboki ni kakoroi mooti nakon te mwakuri aei.

Te tia tei ibukin tararuakin kateitei n te uoote e barongaia membwa ao taan mwakuri n anganano ni kaitiaki ao n kateimatoa raoiroin te kateitei. E reireiniia aron karaoan te tabe teuana ma bwaina ao bwaai ni mwakuri aika a tauraoi.

Ngkana e kainanoaki, e na karekei kaetieti mairoun te tia tei ibukin tararuaakin taian kateiteite n te titeiki n aron kamwakuran te bwai n taetae, te kabuebue, te kamwaitoro, ao tititem tabeua ake n te kateitei.

35.2.10

Membwa

Iaan ana kairiri te bitiobi, te tia kairiri irouia ikawai ao roronrikirake e na kaungaiia membwa bwa a na ibuobuoki ibukin tararuakin ma onobwaian kateitei. E kona te bitobiriki ma te tia tei ibukin tararuaan kateitei ni bitii mwakuri ni kaineti ma rabakaun ao aia konabwai koraki ake a karaoa te mwakuri. Te tararua ae teimatoa irouia membwa a buoka teimanin bwaai ake a katauraoaki man te Ekaretia.

35.3

Karekean Auti ni Bootaki

Auti ni bootaki a tannako ma buburaia ao teia ni kaineti ma aron kainanoana irouia membwa. Te auti ni bootaki e kona n ae ana kateitei te Ekaretia ke te tabo ae kabooaki ae mwaawa, mwengan te membwa, te reirei ke kaomiuniti, taabo aika mwaawa aika a riitinaki, ke taabo ake a rineaki ao ni kariaiakaki.

Taan kairiri n te aono ke n taabo a kataia ni kabonganai ni kabane autinibootaki ake a tia ao ni bon uotakirakei riki taabo aika a mwaawa . A ira kanoan te “Tuua ao Kainibaire ibukin Katauraoan Autinibootaki” (Te Kairi ibukin Kateitei n Autinibootaki).

Taan kairiri a karaoi babaire aika a na iraki ni katoa ririki ni kabonganan te Kainibaire Aika a na Iraki ibukin Autinibootaki ni kakoaua raoi ae mwaawawa nanon te auti ni bootaki. Taan kairiiri a kabongana naba te babaire are e na iraki ni baireia ngkana e kainanoaki riki te tabo ke te kamwaing, are bon kabonakoakin ke kariaiakan kabonganakin auti ni bootaki n aanga tabeua ao ana bwai te Ekaretia.

Taraa “Katauraoan Auti ni bootaki ao Taabo n Nebonebo Riki Tabeua” (Te Kairi ibukin Kateitei n Autinibootaki) ibukin rongorongona riki tabeua.

kurubu n aomata itinanikun ana kateitei te Ekaretia

35.3.1

Mwakuri ni Katabwena ao Katabuan Kateitei

E karaoaki moa te mwakuri ni katabwena imwain te kateitei. N te tai are e tia iai, a riai ni katabuaki kateitei n te tai ae e aki maan. Taabo ake a riitinaki a riai naba ni katabuaki.

Taraa te tiekition “Taromauri ni Katabwenaan Aontano” ao “Katabuan Kateitei” n “Katauraoan Auti ni bootaki ao Taabo n Nebonebo Riki Tabeua” (Te Kairi ibukin Kateitei n Autinibootaki) ibukin riki rongorongona.

35.4

Kateimatoaan Tararuakin Autinibootaki

35.4.1

Kaitiaki ao Kateimatoaan Raoiroin Autinibootaki

Taan kairiri n taabo ao membwa, n raonaki ma roronrikirake, iai tabeia ni buoka kawakinan kateitei ni kabane bwa a na itiaki ao n tamaroa. Aio e buoka:

  • Kateimatoaa mimitongin te kateitei bwa te tabo ae e mena iai te Tamnei.

  • Kaungaa te karinerine.

  • Kaota bannan kakawakina ao karineana.

  • Kabwabwakan kakawakin maiun kateitei.

Bairean taai ibukin te kaitiaki e riai n aki riki bwa karawawataia membwa. Te katooto, ngkana e rang ni kangaanga aron te mwananga nakon kateitei, membwa a konaa ni karaoa te kaitiaki bwa kanoan te wiiki teuana ngkana a bon mena n te tabo ni kateitei.

Taraa “Kateimatoaan Tararuakin Autinibootaki” (Te Kairi ibukin Kateitei n Autinibootaki) ibukin rongorongona riki tabeua.

35.4.2

Kainanoan Karaoan Uruaki

Kauntira man uoote ao titeiki a konaa n ribooti iaon kainanoan karaoan uruaki ibukin kateitei. E kona ni karaoaki aei man kabonganakin te Facility Issue Reporting (FIR) bwaai ni mwakuri. Te FIR a na kona iai taan kairiri ni kanakoi, n tutuoa mwiin te mwakuri, ao n anga rongorongon mwiin tenaan mwakuri iaon karaoan uruaki ao tabeua riki ake a kainanoaki. A konaa naba membwa n te kauntira n reitaki ma te manatia ibukin ana bwai te Ekaretia ibukin te ibuobuoki.

E kona n reke te FIR n te app inanon Google Play ao n te Apple App Store. Kaetieti ibukin kabongnakin te FIR a kona n reke inanon te Help Center n te ChurchofJesusChrist.org.

35.4.3

Tuoakin Auti ni Bootaki

A tuoaki kateitei ni kabane ni katoa ririki iroun te manatia ibukin kateitei. Oin karaoan aei bwa e aonga n ataaki bwaai aika a kainanoaki ibukin kateimatoaakin kateitei ao karaoan uruaki ake a kuneaki. Te manatia ibukin ana bwai te Ekaretia e na manga maroroakina mwiin te tutuo ao mwakuri aika a kainanoaki ma te tia tei ibukin tararuaan ana bwai te Ekaretia ke te bitiobi are tabe ma aio.

35.4.4

Kawakinan te Iti ao te Ran

Te Ekaretia e kataia ni kawakina te ran, te iti ao bwaai riki tabeua ibukin te Ekaretia. Taan kairiri a kaungaia membwa bwa a na kawakina te iti ao te ran inanon kateitei. Te katooto, ngkana a kitana te ruu membwa, a na riai n tiringa te taura, mwiin te ran, ao bwaai ni kabuebue ao ni kamwaitoro ke ni kaokii bwaai n taabo ake a kabonganaaki n tain te boowi ke n te waaki ni kakukurei. Membwa a na ribooti nakon aia tia kairiiri ibukin bwaai aika a kona ni karekea te bakatae.

A kona naba membwa ni boutokai karikirake ni kaomiuniti-aika a mwaneni ibukin kawakinan te iti ma te ran. Mwakuri n aron aikai a kona ni kauarerekea boon kabonganakiia.

A konaa taan kairiri ao membwa n reitaki ma te manatia ibukin tararuakin ana bwai te Ekaretia ibukin rongorongon riki kabonganaan ao kawakinan te ran ma te iti.

35.4.5

Maurim ao Kamanoam

A riai taan kairiiri ao membwa:

  • Ni kamwaawai kawai n nakonako aika a abwabwaki inanon kateitei, kaintamwarake, taabo n otinako, ao ruu aika a kakawaki ibukin mauriia ake a rinnako ma ake a otinako.

  • N aki kabonganai ke ni kawakinii bwaai aika a na kona ni karekea te kabuanibwai ke bwaai aika a kona n ura inanon kateitei.

  • Katean ao irakin kaetieti ibukin rokanakin kateitei.

  • Kamanoan bwain te Ekaretia man te mwakuri ni kimoa.

  • Ataa aron kainan mwiin bwaai aika a bongana n aron te ran, te iti ao taian bwaa.

Ngkana e kainanoaki, e kona te manatia ibukin tararuakin ana bwai te Ekaretia ni katauraoi mwaabe ni kaoti n nen bwaai n tiriai, bwaai ibukin te moan kamaiu, ao taabo are ana kaota n nen mwiin bwaai ake ana tiringaki. Tabeua riki rongorongo iaon maurin te aomata a reke n “Security and Lockup Procedures (Waakin te Tararua ao Rokanakin te Tabo)” n “Kateimatoaan Tararuakin Autinibootaki” (Te Kairi ibukin Kateitei n Autinibootaki). Taraa naba 20.7.

35.5

Kaetieti iaon Kabonganakin ana Auti ni Bootaki te Ekaretia

Ana auti n taromanuri te Ekaretia bon bwaai n ibuobuoki aika tabu are e riai ni kabonganaaki ni buokiia natin te Atua ni kaniia riki nakon Kristo. Butimwaeakiia aomata bwa ana raoniira ibukin waaki ni kakukurei n taian auti ni bootaki ao ni kabonganai auti n taromauri ni kakabwaiaia ara komiunite bon kawai ni “kaoti [ara] ota i mataia aomata, bwa a na noori [ara] mwakuri aika raraoi, ao a na neboa [Tamara] are i karawa” (Mataio 5:16).

Iai i nanon te mwakoro aei kaetieti ibukin kabonganakin te auti ni bootaki. A kaineti naba kaetieti aikai nakon ana bwai ni kabane te Ekaretia ao kateitei aika a tei ni katobibia te auti ni bootaki. A mwaiti riki rongorongo aika tauraoi inanon bwaai n ibuobuoki aika a koreaki inanon te mwakoro aei.

35.5.1

Tuua ao Bwaai aika Kainnanoaki ibukin Kabonganakin ana Auti ni Bootaki te Ekaretia

Auti ni bootaki n te Ekaretia bon ana bwai te aro ae onoti aika a katabuaki ibukin te taromauri, reiakinan te euangkerio, te bobotaki, ao waaki ni kakukurei aika riai aika a na kona ni uotiia aomata nakon Kristo. Kabonganakin ana auti ni bootaki te Ekaretia bon te tai ae kakawaki.

Kabongnakin ni kabane ana auti ni bootaki te Ekaretia a riai n iai irouia bwaai aikai:

  • A riai ni mataata ma ana reirei, ana kaetieti, ao ana waaki te Ekaretia, n raonaki ma arona ae tabu ma kaantaninga n ana auti ni bootaki te Ekaretia.

  • Ni mena inanon te tua.

  • Ni mataata ma aron akean ana taekiti te Ekaretia n te tabo are e kariaiakaki iai.

  • Karaoi kawai aika riai n totokoa, kabebetea, ao karaoi kamanoan kangaanga aika kona n riki, n raonaki ma ana kainibaire ao ana kaetieti te Ekaretia ibukin tararuakiia ataei ao kairake (taraa 12.5.1 ao 20.7.1)

  • Irii kaetieti ake tabeua ao tianaki aika katauraoaki iroun te beretitenti n te titeiki ke te bitiobi.

35.5.2

Kabonganakin Auti ni Bootaki n te Ekaretia

Ana bootaki, burokuraem, ao ana waaki ni kakukurei te Ekaretia iai bwaai aika kakawaki riki iai iaon kabonganakin auti ni bootaki riki ake tabeua ngkana iai te aki boraoi n iango. Aikai aron kabonganakin te Umwantabu:

  • Bootaki n taromauri ao bootakin te Taabati ake tabeua.

  • Bootaki ni kairiiri.

  • Aia Bootaki Aine ao waaki ni kakukurei.

  • Bootaki ao waaki ni kakukurei n te Nakoanibonga.

  • Aia bootaki ao aia waaki ni kakukurei kaain te Moanrinan, te Nakoanibonga ae te Aaron, ao te Bootaki n Ataeinnaine.

  • Aia bootaki ao aia waaki ni kakukurei te tieminary, te intitute, ao kairake n ikawai aika a tuai iein.

  • Rongorongon te mwakuri n te utu.

  • Aia bootaki ao aia waaki mitinare.

  • Waaki ibukin te tatauraoi iaon bwaai aika karina.

A kona naba uoote ao titeiki n anga ana burokuraem tabeua n te Ekaretia are a kabwaia iai membwa ao te komiuniti. A raonaki ma:

E ukori kairi te beretitenti n te titeiki man aobitin te aono ni kakoaua irakin te tua n te tabo.

Ibukin rongorongona riki tabeua, taraa Ana Kairi te Tia Kairiiri n Tibwauai Bwain te Ekaretia.

N taabo tabeua ma mwaitiia kaain te Ekaretia aika rang ni mwaiti, e kona ni kabonganaki te auti ni bootaki irouia titeiki ae raka iaon teuana. N aekan kangaanga aikai, a na uaia ni maroro beretitenti n titeiki iaon aron kabonganakin ao tain kabonganakin te kateitei. A kona n reitaki ma te Itingaun n te Aono ibukin te kaetieti ae kainnanoaki.

E kainnanoaki te kariaia mairoun te taraekita ibukin bwain te rabwata ao te Beretitentii n te Aono imwain kabonganakin te auti ni bootaki ni katea te te tabo ni bootaki ibukiia kairake n ikawai a tuai iein ike a tia ni bubuti ibukin bwaai ni mwakuri riki tabeua aika ritinanikun te kainibaire ke bwaai n ibuobuoki. Ni kakaean te kariaia, te beretitenti n te titeiki e reitaki ma te manatia ibukin kateitei.

Ni kabane ake a kabongana te auti ni bootaki a riai ni kaoti tabeaiangaia ibukiia ake tabeman. A riai mwakuri ni kabane ni karaoaki ni buoki kainnanoia ake tabeman. Mwakuri aikanne a raonaki ma aron kabonganakin te tabo ae mwaawa, tararuaan te karongoa, ao ni kabongana n te tai are e a tia ni baireaki.

Ibukin rongorongon riki ana waaki ni kakukurei te Ekaretia, taraa te mwakoro 20.

35.5.3

Kabonganakin Auti ni Bootaki irouia Membwa—Ibukim ao te Utu

A kona membwa ni bubuti kabonganakin te auti ni bootaki inanon aia titeiki ibukin waaki ni kakukurei bon ibukiia ke aia utu. Ni karekean te kariaia, a na reitaki ma temanna kaain te bitiobiriki n te uoote are a bootaki n te auti ni bootaki anne (ke temanna are e anganna te kariaia). Aikai babaire aika a na iraki:

  • A riai kabonganakina n iri kaetieti ao bwaai aika kainnanoaki inanon 35.5.1.

  • E riai kabonganakina n taraaki iroun te aomata iroun te membwa ae ikawai ae onimakinaki n te uoote ae a bootaki inanon te auti ni bootaki.

  • E aki riai kabonganaakina n titebo ma tain ana waaki ni kakukurei te Ekaretia ake a tia ni baireaki.

  • Bon tabeia taan kabongana te tabo ibukin uruaki nakon taian kateitei ke te ikuaki ke baeia ake a irekereke ma kabonganaana.

  • A riai taan kabongana ni kaitiaka ao ni kaoki aron taabo nakon aroia imwain kabonganakina.

  • A riai taan kabongana n irii kaetieti ao bubuti ake a roko mairouia taan kairiiri, n raonaki ma bubuti mairouia taan kairiiri n taraa aron kabonganaikina.

  • A kona taan kairiiri n tuangiia n tatabemaniia ke te kurubu bwa a na katoka kabonganakin te tabo ngkana aki irii kainibaire.

  • Ibukin waaki ni kakukurei ake a tia ni kariaiakaki, a riai taan kairiiri n te uoote ao n te titeiki ni karaoi babaire ibukin kabonganakin te auti ni bootaki. A riai kiing nakon kateitei n anganaki ti membwa n te uoote ke n te titeiki ake a tia ni kariaiakaki.

Taraa 38.3.4 ibukin kabonganakin auti ni bootaki ibukin maare ao taabo ni bootaki ibukin te bukamaru n te mare.

Taraa 29.5 ibukin kabonganakin auti ni bootaki ibukin te taunimate ao mwakuri tabeua ibukin te mate.

35.5.4

Kabonganakin Ana Auti ni Bootaki te Ekaretia irouia Bootaki aika Aki Karekeraka ke irouia Kurubu Tabeua ke irouia n Tatabemaniia

Te kairiiri n te aono e kona ni kariaia bootaki aika aki kareke mwane, komiuniti ao kurubu riki tabeua (n aron tiim n takakaro), ke irouia n tatabemaniia ae aki kabwarabwaraaki inanon 35.5.3 ni kabonganai ana auti ni bootaki te Ekaretia ibukin waaki ni kakukurei ke ibuobuoki n aekaia nako. Kangaanga ake a koreaki inanon 35.5.3 a kaineti ma ngaai.

Ni karekea te kariaia mairouia taan kairiiri n te aono ibukin kabonganakina, e na reitaki te beretitenti n te titeiki ma te manatia ibukin kateitei.

Ngkana te tia kairiiri man te aono e kariaia kabonganakina iroun te botaki ae aki karekemwane, ao e na kainnanoaki te Boraraoi ni Kabonganakina ae Aki Teimaan. E na reke te boraraoi aei man aobitin te aono. Te tietebiketi n te intiuranti man te botaki ae aki karekemwane e kainnanoaki naba ti ngkana te tarekita ibukin te tembora e kamatoa ae e a Tabo ni Mwakuri ibukin Tararuaan Bwain te Ekaretia ni kariaia.

Kurubu n te komiuniti ake aki tau nakon te aki karekemwane, n aroia naba n tatabemaniia ae e aki kabwarabwaraaki inanon 35.5.3, a riai ni kakoroi bukin bwaai aika kainnanoaki aika kanakoaki rinanon te manatia ibukin kateitei.

35.5.5

Kabuanibwai aika karina

A kona ni kabonganaaki ana auti ni bootaki te Ekaretia ibukin mwakuri n ibuobuoki n te komiuniti n tain te kangaanga ae karina. Ibukin te katooto, e kona te beretitenti n te titeiki ni kariaia kabonganakin auti ni bootaki n ana titeiki bwa bwaai n ibuobuoki i nanon tain te kangaanga ao tabeman n irekereke ma waaki ni boutoka (taraa 35.5.4). N aron kangaanga aikai, e na mwakuri te manatia ibukin kateitei ao te warebea ao n te riki n toronibwai, n raonaki naba ma taan n tei n te Ekaretia ake tabeman ngkana a kainnanoaki (taraa 22.9.1.3).

Ngkana a na kabonganaaki auti ni bootaki ibukin bwaai aika kawaekoaaki, a kaungaaki taan kairiiri n te titeiki bwa a na reitaki ma taan kairiiri n te komiuniti.

35.5.6

Kabonganakin Auti ni Bootaki Ake Aki Kariaiakaki

35.5.6.1

Ibukin Karikirake

E aki riai ni kabonganaki bwain nako te Ekaretia ibukin waaki ni karikirake. N aron te katooto, a na aki kabonganaaki auti ni bootaki ni boutokaa te aekaki ni bitineti teuana. Ke kabonganakin bwaai n ibuobuoki inanon auti ni bootaki, n aron taian bulletin boards, a na kabonganaki ni boutoka te bitineti (taraa 38.8.5). Aekaki ni waaki aikai aki boraoi ma aron kabonganan raoi ana bwai te Ekaretia. E kona naba ni manga kaitaraa tuan te aono ke te aba ao ni kona ni manga kaakea ana taekiti te Ekaretia man ana bwai (taraa 34.8.1).

Aikai tabeua katooto iaon waaki ni karikirake aika aki kariaiakaki:

  • Katanoataan rongorongon ke mwanenakin bitineti ke karekemwane

  • Kaboan, kabonakoan, ke katanoataan bwaai ni bobwai, mwakuri, koroboki aika boretiaaki, ke bwaai aika karioaki karaoakiia

  • Waakinan aanga ni kareke mwane aikai aki kariaiakaki (taraa 20.6.5

  • Tabeakinan ke karekean aia tabo kaain te kuaea, taan taetae, taan reirei, kurubu n reirei, ke taan karekei ibuobuoki ake a karekea te mwane ibukin tieminaa, reirei (ma tiaki ibukin oin aia biano ke kaetieti n te aokan; taraa 19.7.2), kiraati, ke waaki ni kakukurei riki tabeua

  • Kaboakin te tabo ae mwaawa ibukin maare ke aeka ni bootaki n te mare

35.5.6.2

Reirei n te mweenga ao Kabonganakina ibukin Tararuaia Ataei

E korakora ana boutoka te Ekaretia n te reirei ao te utu. E ngae n anne, aki kabonganaki auti ni bootaki ibukin reirei n te mweenga ke bwaai n ibuobuoki ibukiia ataei.

Irakin nanon te kaetieti aio e na kanakoraoa te kamanoaki ma n totokoa ana tarau te Ekaretia n te taekiti.

35.5.6.3

Ibukin Waaki n Tautaeka

E aki boutokaia te Ekaretia. Ana aki kabonganaaki bwain te Ekaretia ibukin waaki aika a irekereke ma te tautaeka ke kaantaninga ibukin te boutoka. Waaki ni kakukurei aika aki kariaiakaki e raonaki ma bootaki n te tautaeka ao ni kabonganaki n anainano ibukin te tautaeka ao kurubu ni boutoka. Katanoata aika a irekereke ma ana kaantaninga te tautaeka aki karaoaki n ana bwai te Ekaretia, n aron ae iaon te bulletin boards.

E ngae n anne, kabonganakin bwaai ibukin kabaean aran te tia kan rineaki ke e na kona ni kariaiakaki te rinerine bwa te bwai ae onoti (taraa 38.8.30). E kona te beretitenti n te titeiki ni karekea te bwai ae onoti anne rinanon te manatia ibukin kateitei (taraa 35.5.4).

35.5.6.4

Ibukin Waaki Riki Tabeua

Kabonganakin bwain ana auti ni bootaki te Ekaretia aikai aki kariaiakaki:

  • Karekean te katantan inanon te tairiki (ma ti n tain kangaanga aika karina; taraa 35.5.5)

  • Kaembing

  • Kabooakin tangoan ke riitinakin ana kateitei ke ana bwai te Ekaretia

A kaineti kairi aikai nakon te auti ni bootaki bon irouna ao n nakon naba ana bwai te Ekaretia ni kabane ao kateitei ake a tei ni katobibia te auti ni bootaki. Ngkana te beretitenti n te titeiki e namakina te kaokoroaki anne bwa e na kateaki n te kabowi, e kona ni bubuti ibukina rinanon te manatia ibukin kateitei. Te katooto, e kona te kaokoroaki ni kariaiakaki ni kabongana te auti ni bootaki ni buokiia membwa aika a mwananga n te raroa ae abwabwaki ibukin mwanangaia nakon te tembora.

35.5.7

Tuua ao Kainibaire riki Tabeua Aika Kaineti nakoia ni Kabane Taan Kabongana

35.5.7.1

Umwantabu

Umwantabu bon ruu ake a taraomauri ao n taua iai te toa membwa. Bootaki ao waaki ni kakukurei ake a karaoaki inanon umwantabu a riai ni boraoi ma kaantaninga aikai. Ibukin kairi iaon karaoan kabo iaon katei ni korotamnei, kaotioti, ao aeka ni kabwarabwara riki tabeua inanon umwantabu, taraa 19.3.5.

35.5.7.2

Katii ao Bwaai ni Kamamate

Aki kariakaki katii ke bwaai ni kamamate inanon ana tabo te Ekaretia. A nanonaki naba ikai bwaai ni kamamate ake a karabaaki. E aki kaineti te tua aei nakoia aobitia ake taan tararuaa te tua.

35.5.7.3

Umwanikuuka ao Taabo n Amwarake

Umwanikuuka ao taabo n amwarake a kona ni kabonganaki n tibwai amwarake ao kabuki ao ni kateimatoai kabuebueia ke mwaitoroia amwarake.

N taabo tabeua, ao katauraoan amwarake inanon umwanikuuka e kariaiakaki. E ngae n anne, n te United States, Canada, ao n aaba riki tabeua, tuua ibukin karaoan amwarake e kainnanoa n tainako te beeba ni kakoaua, bwaai ni mwakuri aika karekemwane, ke ana tutuo te tautaeka. N aono aikai, a riai amwarake ni katauraoaki n te tabo teuana ao ni uotaki nakon te auti ni bootaki. Kaotakin aron katauraoan amwarake bon bwaai aika a kaokoroaki ao a kariaiakaki n te tabo are iai tuua aikai iai. A kona manatia ibukin kateitei ni katauraoi kairi ibukin aono n tatabeua nako.

Ibukin rongorongona riki tabeua, taraa safety.ChurchofJesusChrist.org.

te kurubu aika amwarake

35.5.7.4

Nnen kaa n Tei

Kabonganaakin ana tabo te Ekaretia ibukiia kaa n tei a na riai n ira te kainibaire inanon te mwakoro aei. N raonaki ma aei, e aki riai ni kabonganaaki taabo n tei ibukiia kaa irouia kurubu ke kabonganakina aika ti te arona n akea ana kariaia te taraekita ibukin bwaai ni kaeti ma te rabwata. A kona n reitaki taan kairiiri ma te manatia ibukin kateitei ibukin taian bubuti. Aki kona ni kawakinaki aekaki ni bao ni mwamwananga riki tabeua ao bwaai ni mwakuri riki tabeua i nanon ana tabo te Ekaretia.

Ibukin rongorongo riki iaon taabo n tei ibukiia kaa ao taabo ake ibukiia mwauku, taraa “Meetinghouse Parking Lots (Aia Tabo n Tei Kaa n te Auti ni Bootaki)Te Kairi ibukin Kateitei n Autinibootaki

35.5.7.5

Nnen Bwaai

Bon ti bwaai ni mwakuri ao bwaai riki ake a kariakaki ae a kona ni kawakinaki inanon kateitei. A kona ni kawakinaki tenaan buoka ibukiia kainnano inanon auti ni bootaki i nanon tain kangaanga aika karina (taraa 35.5.5). A kona taan kairiiri n reitaki ma te manatia ibukin kateitei ngkana iai aia titiraki.

35.5.7.6

Rongorongo riki Tabeua

A kona n reke rongorongo riki tabeua ibukin kabonganakin bwain te Ekaretia i nanon “Rongorongo riki Tabeua ake a Kaeineti ma Kateitei ibukin Autinibootaki” (Te Kairi ibukin Kateitei n Autinibootaki). Te bwai ni ibuobuoki aio iai i nanona rongorongon ao kaetieti ibukin mwakuri n te korotamnei, katikiraoi, bwai ni mwakuri, buraeki, taian roo, kabonganakin bwain te Ekaretia aika a mwaawa, ao tabeua riki atuun rongorongo.

Ibukin tuua i aon kabonganakin bwaai ni kakakibotu, taraa “Kaembwa ni Kakakibotu” (Te Kairi ibukin Kateitei n Auti ni bootaki).