Tuua ao Kainibaire ibukin Katauraoan Auti ni bootaki

“E katauraoi auti ni bootaki te Ekaretia bwa aonga ni kabane ake a rin inanona ni kona:

• Karaoi ao ni kaboui berita aika tabu rinanon otenanti aika tabu (taraa Reirei ao Berita aika Tabu 20:75; 59:9–12).

• Ikotaki ni bootaki (taraa 3 Nibwaai 18:22–23).

• Te botaki n nebonebo ao n tataro (taraa Motiaea 18:25; Moronaai 6:9).

• Reirei ao ibuobuoki nakoia tabeman (taraa Moronaai 6:4–5).

• Irii kabonganakiia ake a tia ni kariaiakaki n aron ake a kabwarabwaraaki n te [mwakoro 35 n te Aeniboki ni Kabuta].

E kona te auti ni bootaki ni kaokoro teia ni kaineti ma aron te tabo ao kainnanona”(Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 35.1). Tuua ao kainibaire aikai e na buokiia taan kairiiri n te aono ao n te titeiki ni kakoroa nanon te kaantaningaia aei ni kaineti ma kainnanoia membwa n aia tabo.

Te bwai ae na taraaki: Inanon te mwakoro aei, te taeka beretitentii n titeiki e kaineti naba nakon te beretitentii ni mwakoro.

Moan Tuua

Kaboraoakina ao Kaangaraoakina

Kaain te Ekaretia a maeka inanon tautaeka aika a kakaokoro, aron maekaia ma reitakiia ma aomata, ao aron kaubwain te tabo. Uoote ao mwaanga a kakaokoro ni buburaia ao n aia bwaai ni ibuobuoki ibukin te waaki ni kairiiri. Aikai ao waaki tabeua riki a konaa ni kainnanoa te bitaki nakon te nakoraoi n taabo ngkana a katauraoaki aika a nakoraoi ibukin te auti ni bootaki.

A riai auti ni bootaki ni kabane n iai bwaai inanona aika a na boutokaa te waaki n nebonebo ao ana burokuraem te Ekaretia. Bwaai aikai n aron taabo ibukin te bootaki n taromauri ke waaki ni boobotaki, te anga reirei, ao waaki ni kakukurei. A kona ni manga karinaki riki bwaai ake a taraaki bwa a riai man ana kariaia te Beretitentii n te Aono. Taan kairiiri n te aono a na karaoa te babaire ae riai ngkana a kariaia mwakurian taimein auti ni bootaki nakon kainnanona ma teina ae nakoraoi man taabo.

Te tabo n bootaki e kona n ae ana auti te membwa, te kawa n reirei n te tabo ke ana tienta te komiunite, te tabo ae ritinaki, ana tabo te Ekaretia ke ae kabooaki, ke tabo riki tabeua ni kaineti nakon baika riki n te tabo. A kona bwaai aikai n taraaki bwa a bon riai, bwa katokani kaanganga ibukin te tai ae maan. Kabonganaan rabakau aika boou, n aron bwaai aika a kaota te tamnei ao te bwanaa, a kona ni ibuobuoki n te bitaki aei.

Katauraoan Taabo aika Maawa

Taan kairiiri n te nakoanibonga n te aono ao n taabo nako a kekeiaki mwaaka, ngkana e riai, ni kabongana raoi te auti ni bootaki ao ni karaurau ni iangoi raoi ngkana iai kainnanoan te tabo riki teuana. E konaa ni karekeaki riki te tabo ibukin te auti ni bootaki ngkana e a riao mwaitiia aika a roroko n te taromauri e riao naba nakon te mwaiti are e katauaki nakon buburan te kateitei.

Kai Karekeaki

Taan kairiri n te aono ao n taabo a ukora karekean riain buokan auti ni bootaki aika a materaoi ao n tei maan n te tai ae abwabwaki. Te tabo ae boou e na kaota te banna n rau ao te karinerine, te anua ae tamaroa, ao bwa anua ni maeu akanne a na booraoi ma tararaoin katean ao tein tamnein kateitei akanne. E na riai naba ni kabonganai bwaai ake a reke man te tabo, bwaai ni mwakuri, ao bwain nanona ngkana e riai. Waaki ni katauraoi ao kabonganaakin taabo n auti ni bootaki e riai ni buoka kakorakoraan te Ekaretia ni kona ni waaki n arona n te tabo anne.

Kainibaire

Kabonganaakina ao Kaanna

Imwain karekean riki te tabo ibukin te auti ni bootaki, a na kakoaua taan kairiiri bwa auti ni bootaki aika a tau raroaia imarenan te mwamwananga a na nakoraoi mwaitiia kaaina ma kabonganakiia. Auti ni bootaki bon mwakoron ana autinibwai te Uea ao a konaa ni kabonganaaki n titeiki ake a bwaka iaan tiana. Taan mwakuri ibukin kateitei n te aono a kona ni buokiia taan kairiiri n te tabo ni kaotii taabo aika a tauraoi ibukin te auti ni bootaki.

E baireaki te aono teuana ma teuana bwa maanra te tai ni mwamwananga ae riai nakon te auti ni bootaki ibukiia membwa ake a na riki bwa kaaina; e na aki raka te maan anne iaon 30 nakon 45 te miniti ibukiia angiia membwa n te iunite teuana. A kona kaain te Beretitentii n te Aono ni bita tain te mwananga ae katauaki ibukin aia aono ni kaineti ma aron waaki n aia tabo ao te kabanemwane n te mwamwananga.

Te Roroko

Aono n tatabeua nako a na bairea buburan ao tein te auti ni bootaki bwa aekakira ae na karaoaki ae boboto iaon mwaitiia membwa aika a roroko ao babaire aika a na tauraoi ibukin auti ni bootaki. Taan kairiiri n te aono ao n taabo nako a na iangoa ti te kateitei imwiin kakoauaana bwa e nakoraoi ma te kabanemwane iaona, e teimaan, ao ni kateimatoaa tokin te kangaanga.

Te Kakaonimaki ni Kabwakaan Kabwianibwai

Imwain ae tao e kateaki karaoan te auti ni bootaki ke ni kaboaki, te betienti irouia aika kakaonimaki, ni kakabwaka aia kabwianibwai aika a ikawai n te iunite e riai n titebo nakon ke e raka riki nakon 80 te katebubua man botan mwaitiia ikawai aika a kakaonimaki ni kabwaka aia kabwianibwai n te aono (ke n te aba ngkana te aono e mena iaana aaba aika e raka iaon teuana) n te ririki are mai imwaina. A kona naba kaain te Beretitentii n te Aono ni kabongana te kakaonimaki ni kabwakaan te kabwianibwai nakon te riiti ke waaki riki tabeua ibukin te auti ni bootaki.

Babaire aika a na Kabonganaaki ibukin te Auti ni bootaki

N te aro bwa e na kakorakora te Ekaretia, aono nako a na katauraoi kabanean iango ke babaire aika a teimaan imwain karaoan aia babaire ni karinna ke ni kanakoi taabo aika mwaawa ibukin te auti ni bootaki. A kawaerakei babaire aikai ni kaineti ma babaire ake a tia ni karaoaki. Bwaai aika a kakawaki ni babaire aikai bon kamanenaan raoi te tabo are e a tia n tauraoi, katautaun rikiraken te mwaiti, kainibaire ibukin te tabo ni kateitei, bitaki nakon tian iunite, ao aron karekeaia. Kainnanon ao babaire ibukin auti ni bootaki a baireaki n te kauntira n te aono ao te kauntira ni babaire.

Iango Riki Tabeua

Aobitin te Titeiki ao Boowi

Ni bon arona, aono a katauraoi aobitin te titeiki ngkana e a tia ni baireaki katean te titeiki ao ngkana e aki kona ni booaki n te tabo ae iai ngkai. Ngkana e bon riai karaoana, maungatabu ni kabuta, waaki ni kakukurei, ao bowi ni kauntira a na booaki n taabo aika a tauraoi ke ae tangoaki. A kona bwaai n rabakau aika boou iaon te ongora ao te tamnei ni kabonganaki ibukin bowiin ke botakin taian titeiki e na karekea reitan te ibuobuoki nakon kanganga n taabo aika a kabonganaaki ngkai ao taabo aika a kaboaki tangoaia.

Babaire n te Ririki ibukin Kateitei n Auti ni bootaki

Taabo n Auti ni bootaki e mwanenaki rinanon te Babaire ni Katoa Ririki ibukin Kateitei n Auti ni bootaki. Kaain te Beretitentii n te Aono a karinii aia kainibaire ibukin te ririki nakon te Budget and Appropriations Committe rinanon te Bitiobiriki n Tararua.

Aobiti riki ibukin te Bitiobi ao te Kiraaka

Kainibaire aikai a katauraoi rongorongo nakoia taan kairiiri n tabo nako ngkana e iangoaki riki aobiti ibukiia bitiobi ao kiraaka inanon auti ni bootaki aika ngkai.

Kainibaire:

• Te tia mwakuri n Tararuakin Kateitei e kona ni kaira te kamatebwai iaon aron te tararua bwa a na kamataataa raoi aron kabonganakin ao mwaitin kaain te tabo n te auti ni bootaki.

• Imwain karekean riki te tabo ibukin aobiti, a na kakoaua taan kairiiri bwa taabo n anga reirei ao taabo tabeua a tia ni baireaki bwa a nang bitaki nakon taian aobiti.

• Baireia bwa kiraaka a na kaai ni kabonganaa te aobiti teuana (katooto, uoua te iunite n teuana te aobiti).

• Totokoan te karongoa (tiiring, taian oo, ao mataroa) a riai ni karekeaki ngkana a kainnanoaki ibukin kamanoan rongorongo aika a taburoroko bwa a na aki otinako. E kona ni karaoaki nanon aei ma te bwai are e konaa ni kamaenakoa ke ni kamanoa te bwanaa.

A tia taan mwakuri n aono ao n auti ni bootaki n taabo aika United States ao Canada n tuoi bwaai aika a riki n tabeua aobiti ao katautau iaon kabanemwane ibukin babaire aika ngkai ao ni kawai nakon taian kateitei.