Moan Tuua ao Kainibaire ibukin Babairean Auti ni bootaki

“E katauraoi auti ni bootaki te Ekaretia bwa aonga ake a rin inanona ni kona:

• Karaoi ao kaboui berita aika tabu rinanon otenanti aika tabu (taraa Reirei ao Berita aika Tabu 20:75; 59:9–12).

• Kaitiboo (taraa 3 Nibwaai 18:22–23).

• Ikotaki n nebonebo ao n tataro (taraa Motiaea 18:25; Moronaai 6:9).

• Reirei ao ibuobuoki nakoia tabeman (taraaa Moronaai 6:4–5).

• Kabonganaa ake a tia naba ni kariaiakaki kabonganakiia n aron ae kabwarabwaraaki n te mwakoro 35 n te Aeniboki ni Kabuta.

E kona te auti ni bootaki ni kaokoro teia ni kaineti ma aron te tabo ao kainnanona” (Aeniboki ni Kabuta: Te Beku n Ana Ekaretria Iesu Kristo ni Boong Aika Kaitira, 35.1).

“N te aro bwa e na kakorakoraaki te Ekaretia, aono nako a na katauraoi babaire aika a na iraki ae e teimaan imwain karaoan aia babaire ni karinna ke ni kanakoi taabo aika mwaawa ibukin te autinibootaki” (Tuua ao Kainibaire ibukin Katauraoan Auti ni bootaki [2021], ChurchofJesusChrist.org). Moan Tuua ao kainibaire aika ana oti imwiina a na konaa ni buokiia taan mwakuri n te aono ngkai a boutokaia taan kairiiri n te nakoanibonga n te aono ao n te titeiki ni kakoroa nanon te kaantaninga aei.

Tuua

Kakorakoraia Iunite

Kakorakorakin te Ekaretia rinanon bitakin buburan te iunite ao tiaia bon taben te tia kairiiri n te nakoanibonga iaan ana kaetieti te Beretitentii n te Aono. Bitaki nakon tian taian iunite e na konaa naba ni kanakoraoa riki aron kabonganakin auti ni bootaki.

Kaboganakina

“Imwain karekean riki te tabo ibukin te auti ni bootaki, a na kakoauaa taan kairiiri bwa auti ni bootaki aika a tau raroaia imarenan te mwamwananga a na nakoraoi mwaitiia kaaina ma kabonganakiia” (Tuua ao Kainibaire n Karekean Auti ni bootaki). Buburan autinibootaki e nakon mwaitiia ni kabane membwa (mwaitiia ake a roroko) ao mwaitin te iunite (korakoran te iunite) ae kona ni tau n te auti ni bootaki. N taabo ake a mwamwaing iai membwa, koraki aika kamwaingaki (katokaki ke bitakin aron kabonganakina) ibukin aki taun kabonganakina ma bwaina a na riai n taraaki.

Katautau aika a Riai

Kataunaari iaon rikiraken mwaitia membwa ao rorokoia e rangi ni kakawaki ibukin karaoan babaire aika a riai ao n tau ibukin katean auti ni bootaki. Katautau iaon te mwaiti ao te roroko e riai ni karaoaki raoi ni kaineti ma te kainibaire ae e a tia ni kabwataaki.

Te babaire ibukin te Tabo

Kateitei ibukin taabo ni botaki a riai ni kateaki n taabo ae te kabanea n angaraoi ibukin mwaitiia membwa, n aki taraaki bwa e toki iia tian te titeiki. Ataakin te rikirake n te mwaiti, biribirin te mwaingiing, ao angaraoin baao ni mwamwananga bon te bwai ae riai n taraaki ibukin te tabo are a na kateaki iai autinibootaki.

Kona ni Karekeaki

“Taan kairiiri man aono ao n te tabo a na ukerii anga aika a tau ni irekereke ma kabanemwane, teimaan, ao katauraon anga ibukin katokan kanganga aika a kainanoaki nakon auti ni bootaki” (Tuua ao Kainibaire ibukin Katauraoan Auti ni bootaki).

Kaain te Aono a riai n tarai waaki ni kabane ake a na rinanoaki aika a nakoraoi ma aron tein te tabo. Katokan kangaanga e kona n rin iai mwengaia membwa; te reirei n te aono ke te tienta te kaawa; te kateitei ae ritinaki; ana tabo te Ekaretia, ae kaboaki, ke te tabo aika a kabouaki teia; ke tabeua riki.

Kainibaire

A riai taan kairiiri n te Nakoanibonga n tarai bwaai aika a koreaki imwiina ibukin baireana bwa iraua uoote aika ana a kabonganaa teuana te auti ni bootaki:

• Botaki n te Tabati ana moanaki n taai aika riai ao ni bwara teutana imwiin te tawanou bwa aonga n reke aia tai utu ni kamatebwaia te euangkerio inanon mwengaia.

• Membwa a na maeka n te raroa ae tau ibukin mwanangaia nakon te auti ni bootaki.

• Onobwai nakon autinibootaki, ngkana a kainnanoaki, ana uarereke ao n aki rangi ni kabanemwane.

Kaain te Aono a irii aron babaire n tuan autinibotaki ao ni katea te baire ae e na iraki ibukin nimaua te ririki imwaain karaoan babaire ni karekean ke kanakoan te tabo ibukin autinibootaki.

Titeiki aika Mwaiti ke te Moti ni Kauntira ni Babaire ae na Iraki

A kona ni karaoaki babaire aika a na iraki inanon taian titeiki ke kauntira ni babaire ngkana:

• Tibwaakin taai aika a kakawaki e konaa n karaoaki ni kateitei ake ngkai ao ake a iangoaki ao nakon naba titeiki nako.

• Kaetan taian tia a na kona naba n rooti titeiki aika kakaokoro.

• Katautauan rikiraken te mwaiti ao aron kabonganaakin taabo e kaota kainanoan te tabo ae boou.

• Kamwaingakiia membwa e na kona ni karekea te maawa ae korakora ao ni kona ni kamaenakoaki.

Manatia ake taan babaire n te Aono a mwakuri ma Kaitingaun n te Aono ao beretitenti n taian titeiki ni katauraoi babaire ke waaki ake a baireaki ibukin ana kariaia te Beretitentii n te Aono.

Babaire n Ana Karinan te Titeiki

Ngkana e taraaki te kainano ibukin karekean ke kanakoan te tabo ibukin autinibootaki are e aki karinaki n te babaire ae na iraki ibukin titeiki aika mwaiti ke n te kauntira ni babaire, te Manatia ibukin babaire n te aono e na mwakuri ma te beretitenti n te titeiki are e irekereke iai ni katauraoi iango ibukin ana kariaia te Beretitentii n te Aono.

Kariaiakan ao Mwanenakin te Mwakuri

Mwakurian taabo aika a boou ke kamwaingakiia aika a kaotaki inanon te waaki ni babaire a kona ni kawaerakeaki bwa kanoan te babaire n te ririki ke rinanon tabeua riki aanga ni kariaia.

Tibwanga ao Mwioko

Beretitentii n te Aono

Te Beretitentii n te Aono e katauraoa te kawai ibukin , kawai ke babaire, ao iango ake a tangiraki ibukin babaireakin auti ni bootaki. Te Beretitentii n te Aono e na kaotii itera ake a rangi ni kainanoaki tarakiia, anga te kaetieti nakoia Itingaun n te Aono iaon taian reirei ao tuua, ao n anga te kariaia iaon te kabanea ni babaire ake a moanibwai ao te kabanea n iango.

Kaitingaun n te Aono ao Taan Kairiiri n te Tabo

Te Kaitingaun n te Aono e na anga reirei iaon taian reirei ao tuua nakoia beretitenti n taian titeiki ao mition ao ni karaoi marooro ae onoti naba ma taan mwakuri n te aono. Kaitingaun n te Aono, beretitenti n titeiki, ao beretitenti n taian mition a na rinanoi ao n katauraoa mwiin iango iaonkabanea ni babaire ibukin auti ni bootaki. A kanakoi bitaki nakon tian taian iunite nakon te Beretitentii n te Aono ibukin manga rinanoakiia.

Te Tarekita ibukin Temporal Affairs (DTA) ao Taan Mwakuri n te Aono

Te Tarekita ibukin Temproal Affairs (DTA) ao taan mwakuri n te aono a na katauraoi rongorongo aika eti nakoia taan kairiiri n te aro, ribooti, kamatebwai, ao iango ake a tabekakiraki. Ni kaineti ma te kaetieti man te Beretitentii n te Aono ao te Burokuraem man te Auti ni bootaki n te Aono, te manatia ibukin karaoan babaire e na katauraoi babaire ae e na iraki ibukin nimaua te ririki, are a na rin ibuakona baike a uotaki man te kauntira, titeiki nako, ao babaire man titeiki. Te manatia ibukin karaoan babaire e na reitaki ma mataniwii n te nakoanibonga ni karaoi babaire aika tamaroa ao n anga te kabanea ni iango.

Te bwai ae na taraaki: Te taeka beretitentii n te titeiki e kaineti naba nakon te beretitentii n te mwakoro.