Mga Pangutana sa General Elective Course

Si Jesukristo uban sa mga bata

Mga Instruksyon sa Magtutudlo

Kini nga Pagpalambo sa Kasinatian sa Pagkat-on mahimong gamiton sa bisan unsa nga kurso sa institute nga dili Cornerstone course. Kini naglangkob og mga pangutana nga importanting kauban sa gi-assign nga mga basahunon ug partisipasyon sa klase. Ang pagdapit ug pagtabang sa mga estudyante sa pagtuon, paggamit, pagrekord, ug pagpapaambit sa mga baruganan ug doktrina makatabang nila nga mapalig-on ang ilang mga pagpamatuod ug makapalambo sa ilang pagkakabig.

Mag-agad sa imong direksyon, ang mga estudyante motubag sa tulo sa pito ka mga pangutana nga makita sa student instruction sheet. Ang tubag sa mga estudyante makuha gikan sa unsay ilang natun-an ug nagamit atol sa kurso. Samtang daghan sa mga detalye ang kinahanglang ipahaum atol sa pagpangalagad sa Pagpalambo sa Kasinatian sa Pagkat-on depende sa klase o indibidwal nga mga estudyante, ang mosunod nga mga lakang makatabang nimo ug sa imong mga estudyante sa pagbaton og malampusong kasinatian:

1. Mangandam: Sa sinugdanan sa kurso, ribyuha ang mga pangutana ug paghimo og plano alang sa pagpatuman sa Pagpalambo sa Kasinatian sa Pagkat-on. Ang imong pagpangandam mahimong maglakip og mga paagi nga i-introduce ang mga pangutana ngadto sa klase ug sa pagpasabut sa mga ekspektasyon mahitungod sa Pagpalambo sa Kasinatian sa Pagkat-on, sama sa mga petsa sa pagribyu ug pagsumiter sa mga tubag sa estudyante, sa gilaumang gitas-on sa mga tubag, ug sa format sa mga tubag. Girekomendar nga imong ribyuhon ang matag usa sa tulo ka mga tubag sa estudyante sa tulo ka lain-laing mga petsa depende sa imong gusto sa tibuok kurso.

2. Magtakda og klarong mga ekspektasyon: Sa sinugdanan sa kurso, hatagi og kopya ang mga estudyante sa mga pangutana nga makita sa student instruction sheet. Makahatag kini og igong panahon sa mga estudyante sa pagtuon, paggamit, ug pagrekord sa ilang mga tubag sa mga pangutana sa tibuok semester. Tabangi sila nga makasabut sa katuyoan sa Pagpalambo sa Kasinatian sa Pagkat-on. Klaroha sa pagsulti unsay imong gilauman nga ilang itubag, lakip sa mga petsa sa pagribyu niini ug pagsumiter niini.

3. Mag-follow up: Sa kinatibuk-an sa kurso, awhaga kanunay ug tabangi ang tanang estudyante nga ilang kumpletuhon ang mga pangutana sa Pagpalambo sa Kasinatian sa Pagkat-on. Pangita og mga paagi nga masumpay ang mga pangutana sa kurikulum, o iapil kini sa mga kalihokan sa klase. Mahimo nimong ipatrabaho sa mga estudyante ang ilang mga tubag diha sa klase, sa gawas sa klase, o sa bisan asa niining duha.

4. Magribyu ug mag-usab: Sa mga adlaw nga imong gi-iskedyul ang ribyu, dapita ug pahinumdumi ang mga estudyante sa pagdala sa ilang (mga) tubag diha sa klase. Dapita sila, nga diha sa ilang mga tubag, ipasabut nila, ipakigbahin, ug ipamatuod unsay ilang nakat-unan ug na-apply gikan sa kurso. Makabenepsiyo ang mga estudyante pinaagi sa pagribyu sa gitrabaho sa uban nga magtinagurha o sa ginagmayng grupo. Mahimong dapiton nimo ang mga estudyante sa pag-usab sa ilang mga tubag kon gikinahanglan sa dili pa nila kini isumiter.

5. Isumiter: Makompleto sa mga estudyante ang Pagpalambo sa Kasinatian sa Pagkat-on pinaagi sa pagsumiter sa mga tubag sa tanang tulo ka mga pangutana sumala sa imong gilauman. Samtang ang imong feedback sa mga tubag sa estudyante pasalamatan, dili kini pinugsanay. I-rekord ang impormasyon diha sa WISE Gradebook alang niadtong mga estudynate mga misumiter sa ilang mga tubag.

Pahibalo: Siguroha nga kadtong mga estudyante nga dunay espesyal nga mga panginahanglan, may mga kakulian sa panglawas, o mga problema sa kahimsug mahatagan sa akomodasyon nga ilang gikinahanglan sa pag-apil niini nga assessment nga parehas sa ilang kaubanan. Ang pipila ka mga akomodasyon maglakip sa paghatag og dagko nga letra o audio nga bersyon sa mga materyal, nga makapahimo sa mga estudyante nga makompleto ang mga tubag pinaagi sa tabang sa uban, magtugot nila sa pagsumiter og berbal nga tubag imbis sinulat nga mga tubag, o magtugot nila sa pagdiktar sa ilang mga tubag ngadto sa tigsulat o tigrekord. Adto sa lds.org/topics/disability sa pagpangita og impormasyon bahin sa pagtabang sa mga indibidwal nga dunay mga kakulian sa panglawas.

Mga Instruksyon alang sa Estudyante

Ang Pagpalambo sa Kasinatian sa Pagkat-on naglangkob og mga pangutana nga importanting kauban alang sa partisipasyon sa imong klase ug pagtuon sa gi-assign nga mga basahunon. Ang pagtrabaho sa mga tubag niini nga mga pangutana sa tibuok kurso samtang magtuon ka, mogamit, magrekord, ug mopakigbahin sa mga baruganan ug doktrina makatabang nga malig-on ang imong mga pagpamatuod ug makapalambo sa imong pagkakabig ngadto sa ebanghelyo ni Jesukristo.

Ang pagkuha gikan sa doktrina, mga baruganan, ug impormasyon nga imong natun-an ug naggamit panahon niini nga kurso, motubag sa TULO diha sa pito ka nagsunod nga pangutana. (Ang imong magtutudlo mahimong mo-asssign og piho nga mga pangutana.) Ikonsiderar ang mga sugyot nga naa sa “Tubag” nga seksyon sa ubos kon maghimo sa imong tubag. Pangandami ang pagpaambit sa unsay imong natun-an ug nagamit pinaagi sa pagdala sa imong mga tubag ngadto sa klase sa mga petsa laang sa pagribyu nga giiskedyul sa imong magtutudlo.

Mga Pangutana

1. Sa unsa nga paagi nga mas nailhan nimo ang imong Amahan sa Langit?

2. Unsay nakatabang nga mas hingpit nimong nasabtan ug misalig ka ni Jesukristo ug sa Iyang Pag-ula?

3. Sa unsang paagi ang imong pagpamatuod sa Pagpahiuli sa ebanghelyo mitubo?

4. Unsay nakatabang nimo nga mas hingpit kang mo-qualify sa mga panalangin sa templo?

5. Asa nga mga kamatuoran gikan niini nga kurso ang nakapanalangin sa imong kinabuhi?

6. Sa unsang paagi napalig-on nimo ang imong pagpamatuod mahitungod sa __________? (Ang magtutudlo ang mohatag sa baruganan o doktrina alang niini nga pangutana.)

7. Sa unsang paagi milambo ang imong kinabuhi tungod kay imong napalawom ang imong pagsabut sa __________? Pagpili og USA sa mosunod nga doktrinal nga mga hilisgutan.)

   • Ang Dios nga Kapangulohan

   • Ang Plano sa Kaluwasan

   • Ang Pag-ula ni Jesukristo

   • Ang Pagpahiuli

   • Mga Propeta ug Pagpadayag

   • Ang Priesthood ug mga Yawe sa Priesthood

   • Mga Ordinansa ug mga Pakigsaad

   • Kaminyoon ug Pamilya

   • Mga Sugo

Tubag

Ikonsiderar ang paglakip sa mosunod diha sa matag tubag:

• Ilha ang usa ka doktrina nga nahimong mas makahuluganon kanimo samtang miapil ka niini nga kurso.

• Ipasabut ang doktrina gamit ang kaugalingon nimong mga pulong, mga scripture passage, o mga pulong sa buhing mga propeta.

• Ipaambit ang usa ka kasinatian diin mibati ka sa gahum sa doktrina sa imong kinabuhi.

• Ipaambit sa unsang paagi ang imong kasinatian mipalawom sa imong pagkakabig sa ebanghelyo ni Kristo.

Pahinumdom: Kon ikaw adunay panginahanglan, kakulian sa panglawas, o mga problema sa kahimsug pakigsultihi ang imong magtutudlo aron makahimo siya og mga akomodasyon sa pagtabang nimo nga makompleto kini nga kasinatian.