Mga Pundasyon sa Pagpahiuli (Religion 225)

Mga Pangutana

1. Unsaon nako pag-ila tali sa husto ug sayop?

   Ang imong mga tubag kinahanglang maglakip:

   • Sa tahas sa mga kasulatan, mga pulong sa moderno nga mga propeta, ug sa Espiritu Santo sa pag-establisar sa kamatuoran.

   • Kon sa unsang paagi ang pagtuon, pagtuo, ug pag-ampo makatabang nimo nga makat-on sa kamatuoran.

   • Kon unsaon sa pagpangita, pag-evaluate, ug paggamit sa kasaligang mga kapanguhaan sa kasaysayan sa Simbahan ug sa gipadayag nga mga doktrina niini.

   • Kon unsaon nimo paggamit ang mga baruganan nga imong nakat-unan sa pag-ila sa kamatuoran gikan sa sayop kon ikaw o laing tawo nga imong nailhan nag-atubang og mga pagdesisyon karon, hagit, o problema.

2. Nganong importante kanako ang pagsabut nga si “Joseph Smith … nakahimo og daghan pa, gawas lamang kang Jesus, alang sa kaluwasan sa mga tawo niini nga kalibutan, kay ni bisan kinsa nga tawo nga nakapuyo niini”? (D&P 135:3).

   Ang imong mga tubag kinahanglang maglakip:

   • Sa tahas sa Unang Panan-awon sa Pagpahiuli sa ebanghelyo ug sa pagbukas sa dispensasyon sa kahingpitan sa mga panahon.

   • Kon sa unsang paagi ang kamatuoran nga gipahiuli pinaagi ni Joseph Smith nakapanalangin sa imong kinabuhi.

   • Kon sa unsang paagi ang mga yawe sa priesthood o ang makaluwas nga mga ordinansa nga gipahiuli pinaagi ni Joseph Smith nakapanalangin sa imong kinabuhi.

   • Kon sa unsang paagi nga ang tahas ni Joseph Smith sa Pagpahiuli nakapaduol nimo ngadto sa Langitnong Amahan ug ni Jesukristo.

3. Kon sa unsang paagi ang usa sa mosunod nga importanting mga hitabo o mga doktrina sa Pagpahiuli nakapanalangin sa imong kinabuhi?

   a) Ang pag-abut sa Basahon ni Mormon, b) importante nga mga seksyon ug doktrina sa Doktrina ug mga Pakigsaad, c) ang gipadayag nga organisasyon sa Simbahan, d) ang pagpahiuli sa priesthood, e) mga templo ug buhat sa templo. Ang imong mga tubag kinahanglang maglakip:

   • Kon unsay imong nakat-unan mahitungod niini nga hitabo o doktrina gikan sa imong pag-apil niini nga kurso.

   • Kon sa unsang paagi kini nga hitabo o doktrina nagpakita nga ang kalangitan naablihan.

   • Kon sa unsang paagi kini nga hitabo o doktrina nakapanalangin sa imong kinabuhi o ngano nga importante kaayo kini kanimo sa personal.

   • Sa imong pagpamatuod sa unsay imong nakat-unan mahitungod sa gipahiuli nga ebanghelyo.

Mahinungdanong mga Punto sa Doktrina

Ang mosunod nga impormasyon gitigum gamit ang mahinungdanong mga punto nga anaa sa mga leksyon niini nga kurso. Ang mga numero diha sa parenthesis nga nagsunod sa mga kinutlo nagpakita sa numero sa leksyon sa Foundations of the Restoration Teacher Manual 2015) diin makita ang pamahayag. Itandi ang imong tubag sa impormasyon sa ubos. Kon dunay mahinungdanong punto sa doktrina gikan niini nga ribyu nga wala nimo maapil sa imong tubag, ikonsiderar ang pag-usab sa imong tubag sa dili pa kini isumiter. Dili kinahanglan nga imong kopyahon kini nga impormasyon nganha sa imong tubag; siguroha lang nga masabtan nimo kini nga mga doktrina ug masulti kana nga pagsabut. Tungod kay ang ika-3 nga pangutana nagkinahanglan og personal nga tubag, walay mahinungdanong mga punto kana nga pangutana.

1. Unsaon nako pag-ila tali sa husto ug sayop?

   Ang tahas sa mga kasulatan, mga pulong sa modernong mga propeta, ug sa Espiritu Santo sa pag-establisar sa kamatuoran:

   • Isip kauban sa Biblia, “ang Basahon ni Mormon, ang Doktrina ug mga Pakigsaad miabut alang sa kaluwasan sa kalibutan” (22).

   • “Ang Espiritu Santo makatabang nato nga masayud kon ang mga butang nga atong gibasa tinuod ba” (10).

   • “Kon maminaw kita sa mga pulong sa propeta, mapanalipdan kita batok sa kaaway” (9).

   • “Kon ang mga sulugoon sa Ginoo mamulong pinaagi sa gahum sa Espiritu Santo, ang ilang mga pulong mopadayag sa kabubut-on sa Ginoo” (12).

   Sa unsang paagi ang pagtuon, pagtuo, ug pag-ampo makatabang nimo nga makat-on sa kamatuoran:

   • “Kon ilakip ang pagtuo sa proseso sa pagkat-on, makaangkon kita sa tabang sa Ginoo” (10).

   • “Makit-an nato ang mga tubag sa importante nga mga pangutana kon sundon nato ang mga sugo, magtuon sa angay nga mga kapanguhaan sa impormasyon—ilabi na sa mga pulong sa buhi nga mga propeta—mangayo og giya pinaagi sa pag-ampo, ug mogamit sa pailub ug ” (10).

   • “Kon mag-atubang kita og mga pangutana o mga pagduha-duha mahitungod sa ebanghelyo, kinahanglang magpabilin kitang matinud-anon sa unsay atong nahibaloan na nga tinuod ug mosalig nga makit-an nato ang tubag pinaagi sa dugang nga pagtuon o nga ang Dios mopadayag sa tubag sa umaabut nga panahon” (4).

   Unsaon sa pagpangita, pag-evaluate, ug paggamit sa kasaligan nga mga kapanguhaan:

   • “Mahimo natong pahinumduman ang sinserong nagpangutana nga ang impormasyon sa Internet walay salaan [filter] sa “kamatuoran”. Ang ubang impormasyon, bisan unsa pa ka makakumbinsir, dili gayud tinuod” (10; Neil L. Andersen, “Joseph Smith,” Ensign o Liahona, Nob. 2014, 29).

   • “Aron makalikay nga mailad sa bakak o dili tinuod nga impormasyon, kadtong nangita sa kamatuoran kinahanglang mangita sa kasaligan nga mga kapanguhaan sa impormasyon mahitungod sa Simbahan ug sa kasaysayan niini” (2).

   • “Kon magsugod kita pinaagi sa pagsukod sa modernong mga buhat ug mga sugyot batok sa unsay atong nahibaloan sa plano sa Dios ug mga butang nga gihatag diha sa pulong sa Dios ug sa mga pagtulun-an sa Iyang buhi nga mga propeta, … nasayud kita nga kini nagbutang nato sa luwas nga lugar sa kahangturan” (10; Dallin H. Oaks, “As He Thinketh in His Heart” [An Evening with a General Authority, Peb. 8, 2013], lds.org/broadcasts).

2. Nganong importante kanako ang pagsabut nga si “Joseph Smith … nakahimo og daghan pa, gawas lamang kang Jesus, alang sa kaluwasan sa mga tawo niini nga kalibutan, kay ni bisan kinsa nga tawo nga nakapuyo niini”? (D&P 135:3).

   Ang tahas sa Unang Panan-awon sa Pagpahiuli sa ebanghelyo ug sa pagbukas sa dispensasyon sa kahingpitan sa mga panahon:

   • “Ang mahangturong mga kamatuoran gipahiuli dinhi sa yuta sa dihang ang Langitnong Amahan ug si Jesukristo mipakita ngadto ni Joseph Smith” (2).

   • “Kon makaangkon kita og pagpamatuod nga si Joseph Smith nakakita sa Dios nga Amahan ug sa Iyang Anak, nga si Jesukristo, masayud usab kita sa katinuod sa Pagpahiuli sa ebanghelyo” (2).

   • “Si Joseph Smith gitawag sa Dios sa pagpahiuli sa ebanghelyo alang sa atong dispensasyon” (1).

   Sa unsang paagi ang kamatuoran nga gipahiuli pinaagi ni Joseph Smith nakapanalangin sa imong kinabuhi:

   • “Si Jesukristo usa ka buhi, nahimaya nga binuhat. Si Jesukristo ang Bugtong Anak sa Amahan. Si Jesukristo ang Tiglalang niini nga kalibutan ug sa ubang kalibutan” (13).

   • “Ang Simbahan ni Jesukristo sa mga Santos sa Ulahing mga Adlaw mao lang tinuod ug buhi nga simbahan” (6).

   • “Isip mga anak sa atong Langitnong Amahan, tanan kita dunay potensyal nga mahimong sama Kaniya” (17).

   • “Pinaagi ni Propeta Joseph Smith, ang Ginoo mipadayag og dugang kasulatan nga nagmatuod, nagpatin-aw, ug nagpalapad sa atong kahibalo sa kamatuoran” (12).

   Ang mga yawe sa priesthood o makaluwas nga mga ordinansa gipahiuli pinaagi ni Joseph Smith ug sa unsang paagi kini nakapanalangin sa imong kinabuhi:

   • Si Joseph Smith nakadawat “sa mga yawe sa misyonaryo nga buhat, mahangturong mga pamilya, ug buhat sa templo” (14).

   • “Sa dili pa bunyagan ang mga indibidwal, kinahanglang mapainubsanon sila, mahinulsulon, andam sa pagdala diha kanila sa ngalan ni Jesukristo, ug determinado sa pagserbisyo Kaniya hangtud sa katapusan” (6).

   • “Aron makaangkon sa labing taas nga ang-ang sa celestial nga gingharian, kinahanglang mosulod kita sa bag-o ug walay katapusan nga pakigsaad sa kaminyoon” (19).