Pasiuna sa Pagpalambo sa Kasinatian sa Pagkat-on sa Institute

I-klik ang dinhi aron maka-download og PDF niini nga manwal.

Ang katuyoan sa Pagpalambo sa Kasinatian sa Pagkat-on (PKP) mao ang paghatag sa mga estudyante og oportunidad nga makaangkon og makahuluganong mga kasinatian sa mga pulong sa Dios. Ang mga estudyante mas makakab-ot niini kon hingpit nilang masabtan, magamit, ug mapaambit ang mga pagtulun-an ni Jesukristo. Ang pagkompleto sa usa sa mosunod nga tulo ka opsyon sa PKP gikinahanglan aron makaangkon og kredito alang sa matag kurso:

1. Mga pangutana sa Pagpalambo sa Pagkat-on: Ang mga estudyante mamalandong ug motubag sa mga pangutana sa pagtuon sa tibuok kurso. Dunay pihong mga pangutana alang sa matag upat ka importanting klase ingon man isip general elective nga bersyon para sa uban pang mga kurso. Ang mga link sa mga pangutana sa pagtuon makita sa ubos.

   The Eternal Family (Religion 200)

   Foundations of the Restoration (Religion 225)

   Jesus Christ and the Everlasting Gospel (Religion 250)

   Teachings and Doctrine of the Book of Mormon (Religion 275)

   Mga Kurso sa General Elective

2. Study journal sa kurso: Ang mga estudyante kanunay nga morekord kon unsay ilang nakat-unan, giunsa nila kini sa paggamit, ug sa unsang paagi ang ilang mga kasinatian naglig-on sa ilang pagtuo kang Jesukristo.

3. Personal nga proyekto sa pagkat-on: Ang mga estudyante magplano ug mokompleto sa personal nga proyekto sa pagkat-on nga giaprubahan sa ilang magtutudlo. Ang proyekto nagpakita og pagkat-on ug paggamit sa mga doktrina ug mga baruganan nga gihisgutan sa kurso ug nag-summarize sa unsa nga paagi nalig-on ang pagtuo sa estudyante kang Jesukristo.

Alang sa training kon unsaon sa paggamit ang Pagpalambo sa Kasinatian sa Pagkat-on, tan-awa ang video “How to Use the Elevate Learning Experience” (LDS.org).

Daghan og makuha ang mga estudyante niini nga kasinatian kon magsugod sila og sayo, motrabaho niini kanunay, mangayo og feedback, ug mopakigbahin sa ilang mga kasinatian uban sa ilang mga pamilya ug mga higala, sa personal o sa social media. Ang oras sa klase mahimong i-iskedyul aron mahatagan og oportunidad ang mga estudyante sa pagpasabut, pagpakigbahin, ug pagpamatuod sa unsay ilang nakat-unan mahitungod ni Jesukristo ug sa Iyang ebanghelyo. Human sa matag klase, mahimong dugangan sa estudyante o i-adjust ang ilang mga proyekto aron mo-reflect kini sa ilang personal nga panabut ug pag-aplay sa baruganan sa ebanghelyo nga gihisgutan.

Ang dugang nga impormasyon makita sa Mga Pangutana nga Kanunayng Gipangutana (PKG) mahitungod sa Pagpalambo sa Kasinatian sa Pagkat-on alang sa Institute.

Palihug ipadala ang feedback ngadto sa [e-mail].