Talateu ki he Hikiʻi Hake Aʻusia ʻi he Ako ʻInisititiutí

Lomiʻi ʻi heni ke download ha PDF ʻo e tohi lēsoni ko ʻení.

Ko e taumuʻa ʻo e Hikiʻi Hake Aʻusia ʻi he Akó (ELE) ke ʻoange ki he kau akó e faingamālie ke maʻu ha ngaahi aʻusia ʻuhingamālie mo e folofola ʻa e ʻOtuá. ʻOku meimei ke aʻusia ʻeni ʻe he kau akó ʻi heʻenau maʻu e mahino kakato, moʻuiʻaki, mo vahevahe e ngaahi akonaki ʻa Sīsū Kalaisí. ʻOku fie maʻu ke fakakakato ha taha ʻo e ngaahi fili ELE ʻe tolu ko ʻení ke maʻu e houa ako ki he kalasi taki taha.

1. Ngaahi fehuʻi Hikiʻi Hake Akó: ʻOku fakalaulauloto e kau akó mo tali ha ngaahi fehuʻi ako he kotoa ʻo e kalasí. ʻOku ʻi ai ha ngaahi fehuʻi tukupau ki he foʻi kalasi Makatuliki ʻe faá taki taha, kae pehē foki mo ha tatau ʻo e ngaahi lēsoni filí hangē koia ʻi he ngaahi kalasi kehé kotoa. ʻOku maʻu ʻa e fehokotakiʻanga ki he ngaahi fehuʻi ke akó ʻi lalo.

   Ko e Fāmili Taʻengatá (Lēsoni Fakalotu 200)

   Ngaahi Fakavaʻe ʻo Hono Fakafoki Mai ʻo e Ongoongoleleí (Lēsoni Fakalotu 225)

   Ko Sīsū Kalaisi mo e Ongoongolelei Taʻengatá (Lēsoni Fakalotu 250)

   Ngaahi Akonaki mo e Tokāteline ʻo e Tohi ʻa Molomoná (Lēsoni Fakalotu 275)

   Ngaahi Lēsoni Filí

2. Tohinoa Ako ki he Kalasí: ʻOku lekooti maʻu pē ʻe he kau akó e meʻa ʻoku nau akó, founga ʻoku nau fakaʻaongaʻi aí, mo e founga ʻoku fakamālohia ai ʻe heʻenau ngaahi aʻusiá ʻenau tui kia Sīsū Kalaisí.

3. Ngāue fakaako fakatāutahá: ʻOku palani mo fakakakato ʻe he kau akó ha ngāue fakaako fakatāutaha ne fakangofua ʻe heʻenau faiakó. ʻOku fakatātaaʻi ʻe he ngāué e akó mo hono fakaʻaongaʻi ʻo e ngaahi tokāteline mo e ngaahi tefitoʻi moʻoni naʻe aleaʻi ʻi he kalasí pea fakamatalaʻi fakanounou e founga kuo fakamālohia ai e tui ʻa e tokotaha akó kia Sīsū Kalaisí.

Ki ha ako ki he founga ʻo hono fakaʻaongaʻi ʻo e Hikiʻi Hake Aʻusia ʻi he Akó, mamataʻi ʻa e vitiō “Founga Ki Hono Ngāue ʻaki e Hikiʻi Hake Aʻusia ʻi he Akó” (LDS.org).

ʻE ako lahi taha e kau akó mei he aʻusiá ni kapau te nau kamata kei taimi, toutou ngāueʻi ia, fekumi ki ha fakamatala tokoni, pea vahevahe ʻenau ngaahi aʻusiá mo honau fāmilí mo e kaungāmeʻá, mata ki he mata pe ʻi he mītia fakasōsialé. ʻE lava ke fakataimitēpileʻi e taimi kalasí ke ʻoange ki he kau akó ha faingamālie ke fakamatalaʻi, vahevahe, mo fakamoʻoni ki he meʻa kuo nau ako kau kia Sīsū Kalaisi mo ʻEne ongoongoleleí. Hili e kalasi taki taha, ʻe lava ke tānaki atu pe toe liliu ʻe he kau akó ʻenau ngaahi ngāue fakaako fakatāutahá ke fakahaaʻi ʻenau mahino mo hono fakaʻaongaʻi fakatāutaha e tefitoʻi moʻoni ʻo e ongoongoleleí ne akoʻí.

ʻE lava ke maʻu ha fakamatala lahi ange ʻi he Ngaahi Fehuʻi (FAQ) fekauʻaki mo e Hikiʻi Hake Aʻusia ʻi he Akó maʻá e ʻInisititiutí.

Kataki ʻo ʻave ha fakamatala tokoni ki he [e-mail].