Ngaahi Fakahinohino ki he Ngāue Fakaako Fakatāutahá

Fokotuʻu mo fakahoko ha ngāue fakaako fakataautaha kuo fakangofua ʻe hoʻo faiakó, ʻa ia te ke fakalahi ai hoʻo mahino ki he kaveinga ʻo e kalasí, fakaʻaongaʻi ʻa e ngaahi tokāteline mo e ngaahi tefitoʻi moʻoni ʻi he kalasí, pea feinga ke fakatupulaki hoʻo tui kia Sīsū Kalaisí. Mahalo ʻe kau ʻi he ngaahi ngāue ki he ako fakatāutahá ʻa e:

Ako ki ha tefito ʻo e ongoongoleleí mei he kalasi ʻokú ke manako aí.
Ko hono ʻiloʻi ʻo ha meʻa moʻoni ʻoku hoko ʻi he māmaní mo hono fakaʻaongaʻi e kaveinga ʻo e kalasí ʻi ha ako.
Ko hono faʻu ʻo ha maʻuʻanga tokoni (e.g., mītia fakasōsialé, tā fakatātaá (ʻātí), mūsiká mo e alā meʻa pehē) ʻo makatuʻunga ʻi he ngaahi kaveinga ʻo e kalasí ʻa ia ʻe mahuʻinga ki he niʻihi kehé.

Ko ha niʻihi pē ʻeni ʻo e ngaahi sīpinga ʻo ha meʻa te ke lava ʻo fai. Ke fakakakato ʻa e ngaahi fie maʻu ki he kalasí, ko e foʻi ngāué kuo pau:

Ke fakangofua ʻe hoʻo faiakó.
Ke fekauʻaki mo e kaveinga ‘o e kalasí pea kau ai mo hono fakaʻaongaʻi fakatāutahá.
Ke fakakau ai ha līpooti ʻo e meʻa naʻá ke faí pea mo hono mahuʻinga kiate koe mo e niʻihi kehé.

Fakakaukauʻi ʻi he faʻa lotu ki ha ngāue ʻe lava ke ʻuhingamālie kiate koe. Te ke lava ke fokotuʻu mo hoʻo kaungā akó, faiakó, mēmipa ʻo e fāmilí, pe kau taki lakanga fakataulaʻeikí, ha ngaahi fakakaukau ʻo ha ngāue ke fai. Kapau ʻoku ʻi ai haʻo ngaahi fehuʻi fekauʻaki mo e feʻunga ʻo ha fakakaukau ki he ngāué, talanoa ki hoʻo faiakó.