Ol Prinsipol mo Gaedlaen blong Mekem Plan blong Mitinghaos

“Jos i givim ol mitinghaos blong mekem se evriwan we oli kam insaed, bae oli save:

Mekem mo riniu ol kavenan tru long ol tabu odinens (luk long Doktrin mo Ol Kavenan 20:75; 59:9–12).
Mit tugeta (luk long 3 Nifae 18:22–23).
Wosip mo prea tugeta (luk long Mosaea 18:25; Moronae 6:9).
Tij mo givhan long wanwan long olgeta (luk long Moronae 6:4–5).
Tekpat long ol nara samting we oli apruvum olsem we oli tokbaot olgeta long japta 35 blong Jeneral Hanbuk.

Wan mitinghaos, hem i save gat plante defren disaen folem ol lokol situesen mo nid.” (Jeneral Hanbuk: Stap Givim Seves Insaed long Jos Ia blong Jisas Kraes blong Lata-dei Sent, 35.1).

“Blong mekem Jos i kam strong moa, ol eria oli rere ol masta plan blong ol mitinghaos we bae i stap blong wan longfala taem, bifo oli mekem desisen blong ademap o karemaot wan mitinghaos spes” (Ol Prinsipol mo Ol Gaedlaen blong Gat Ol Mitinghaos [2021], ChurchofJesusChrist.org/study?lang=bis). Olgeta prinsipol mo gaedlaen ia, bae oli helpem ol wokman long eria taem oli stap sapotem ol eria mo stek prishud lida blong mekem stamba tingting ia i hapen.

Ol Prinsipol

Stap Mekem Ol Yunit Oli Kam Strong Moa

Blong mekem Jos i kam strong moa taem oli stretem saes mo baondri blong yunit, i foldaon anda long responsabiliti blong prishud lidasip olsem we Eria Presidensi i stap talem. Ol jenis long ol baondri blong ol yunit, bae i save mekem se oli yusum ol mitinghaos long wan fasin we i moa gud.

Fasin blong Yusum

“Bifo oli givim moa spes long wan mitinghaos, ol lida oli mas mekemsua se ol mitinghaos we oli stap, long wan gudfala eria we ol man i save travel i go long hem, mo i yus fulwan, olsem we oli bin plan from” (Ol Prinsipol mo Ol Gaedlaen blong Gat Ol Mitinghaos Oli mekem plan blong mitinghaos folem namba blong ol memba (atendens blong memba) mo namba blong ol yunit (hamas yunit) we mitinghaos ia i save tekem. Long ol eria we membasip i no semsemmak oltaem, bae oli save jenisim (salem o jenisim yus) yus blong ol mitinghaos o propeti we oli no yusum fulwan.

Stret Fasin blong Talem Namba long Fiuja

Fasin blong save traem talem olsem wanem namba blong membasip mo atendens long fiuja bae i gro, i impoten tumas blong save developem wan mitinghaos masta plan we i wok gud mo i stret. Fasin blong talem namba blong membasip mo atendens long fiuja, bae oli kalkuletem folem wan wei we oli apruvum.

Nambawan Ples

Eni miting bilding, bae i stap long wan ples we i nambawan blong i stap olsem haos blong wan bigfala namba blong ol memba, i nomata long ol baondri blong stek. Fasin blong andastanem fasin blong kam antap, fasin blong pipol i muv, mo transpot we i stap, i wan nid blong save putum ol mitinghaos long ol stret ples.

Praes

“Ol eria lida o ol lokol lida oli lukaotem ol wei we oli gud moa long saed blong mane, we oli save stap longtaem, mo i wan gudfala ansa blong lukluk long nid blong gat mitinghaos” (Ol Prinsipol mo Ol Gaedlaen blong Gat Wan Mitinghaos

Ol eria oli mas lukluk long evri rod we i posibol, we i go stret wetem ol lokol kondisen. Wan stret ansa, maet i hom blong wan memba, wan lokol skul, o wan komuniti senta, o wan bilding we oli rentem, o wan spes we Jos i pem mo i bildim wan bilding long hem, o i jenisim yus blong hem, o sam nara rod bakegen.

Ol Gaedlaen

Ol prishud lida oli mas tingting long olgeta samting ia taem oli disaed se hamas wod bae i yusum wan mitinghaos:

Ol taemtebol blong Sandei Miting oli stat long wan taem we i stret mo i finis long medel aftenun blong mekem se evri famli oli save go stadi long gospel long hom.
Ol memba we oli laef long ol ples we i no longwe long mitinghaos.
Ol jenis long wan mitinghaos, sapos i nid, oli no mas bigwan mo i no mas sas tumas.

Ol eria oli yusum ol prinsipol blong mekem plan blong ol mitinghaos mo oli developem ol masta plan blong faef yia bifo oli mekem ol desisen blong ademap, o jenisim yus blong wan spes blong wan mitinghaos.

Maltistek o Kodineting Kaonsel Masta Plan

Oli save krietem ol masta plan long level blong maltistek o long level blong kodineting Kaonsel taem we:

Janis blong serem ol bilding i stap bitwin ol bilding we oli stap finis o long fiuja raon long plante stek.
Oli stretem ol baondri we i save tajem plante stek.
Namba mo fasin blong yusum bilding we oli plan from i soem se i gat nid blong gat wan niu spes.
Membasip we i muvmuv i mekem se i gat moa spes blong jenisim yus blong hem.

Ol eria planing maneja oli wok wetem Ol Eria Seventi mo ol stret stek presiden blong rere ol rekomendesen blong Eria Presidensi i apruvum.

Plan long Level blong Stek

Taem oli tingting long wan nid blong ademap o jenisim yus blong spes blong wan mitinghaos we i no stap long wan masta plan blong maltistek o kodineting kaonsel, nao eria planing maneja i wok wetem stret stek presiden blong rere ol rekomendesen blong Eria Presidensi i apruvum.

Apruvol mo Mane blong Projek

Ol projek blong ol niu spes o jenisim yus blong spes, we oli faenemaot long planing proses, bae oli save sendem i go olsem pat blong yia plan, o tru long sam moa apruvol proses.

Ol Rol mo Ol Responsabiliti

Eria Presidensi

Eria Presidensi i lidim wok blong ol strateji (plan), ol desisen, mo ol en risal blong plan blong mitinghaos. Eria Presidensi i faenemaot ol spesifik eria blong wari, i givim instraksen long Ol Eria Seventi long saed blong doktrin mo prinsipol, mo i apruvum ol masta plan praeoriti mo ol las rekomendesen.

Eria Seventi mo Ol Lokol Prishud Lida

Eria Seventi i tijim doktrin mo ol prinsipol i go long ol stek mo ol misin presiden, mo tu, i kaonsel wetem ol wokman blong eria. Eria Seventi, ol stek presiden, mo ol misin presiden oli luklukbak mo oli givim fidbak long ol masta plan blong ol mitinghaos. Oli sendem eni jenis long saed blong baondri i go long Eria Presidensi blong i luklukbak long hem.

Daerekta blong Ol Afea blong Laef Ia (DTA) mo Eria Wokman.

Daerekta blong Ol Afea blong Laef Ia (DTA) mo eria wokman oli givim, long ol eklesiastik lida, ol stret data, ripot, analisis (stadi), mo rekomendesen. Blong go stret wetem daereksen blong Eria Presidensi mo Eria Mitinghaos Program, eria planing maneja i rere ol masta plan blong faef yia, we i tekem ol poen we oli kamaot long kodineting Kaonsel, mo ol plan long level blong maltistek, mo stek. Planing maneja i wok wetem ol prishud lida blong mekem ol desisen mo raetem ol las rekomendesen.

Not: Toktok ia, stek presidensi i tokbaot tu distrik presidensi.