Ol Prinsipol mo Gaedlaen blong Gat Ol Mitinghaos

“Jos i givim ol mitinghaos blong mekem se evriwan we oli kam insaed, bae oli save:

• Mekem mo riniu ol kavenan tru long ol tabu odinens (luk long Doktrin mo Ol Kavenan 20:75; 59:9–12).

• Mit tugeta (luk long 3 Nifae 18:22–23).

• Wosip mo prea tugeta (luk long Mosaea 18:25; Moronae 6:9).

• Tij mo givhan long wanwan long olgeta (luk long Moronae 6:4–5).

• Tekpat long ol nara samting we oli apruvum olsem we oli tokbaot olgeta long [japta 35 blong Jeneral Hanbuk].

Wan mitinghaos, hem i save gat plante defren disaen folem ol lokol situesen mo nid.” (Jeneral Hanbuk: Stap Givim Seves Insaed long Jos Ia blong Jisas Kraes blong Lata-dei Sent, 35.1). Olgeta prinsipol mo gaedlaen ia, bae oli helpem ol eria mo stek lida blong mekem stamba tingting ia i hapen folem ol nid blong ol memba long eria blong olgeta.

Not: Insaed long seksen ia, toktok ia, stek presidensi i tokbaot tu ol distrik presidensi.

Ol Prinsipol

Evri Samting I Semmak mo Wei blong Stretem Folem Situesen blong Yu

Ol memba blong Jos oli stap laef long plante defren situesen long saed blong politik, sosaeti, mo ekonomi. Ol wod mo branj tu, oli defren long saes, mo long saed blong lidasip. From ol situesen ia, mo sam nara situesen moa, maet i nidim long lokol level blong oli stretem sam samting taem oli stap givim wan stret mitinghaos.

Evri mitinghaos i mas gat ol samting we i nid blong stap we oli sapotem fasin blong gat wan eksperiens blong wosip, mo blong holem ol program blong Jos. Insaed tu, i gat wan ples blong evriwan i kam tugeta wanples, blong stap tij, mo blong gat ol aktiviti. Ol nara stret samting we oli save stap insaed, i save hapen folem tingting blong Eria Presidensi. Ol Eria lida oli yusum waes jajmen blong olgeta taem oli stretem ol disaen blong ol mitinghaos we oli apruvum finis, blong i go stret wetem ol lokol nid mo situesen.

Wan bilding blong miting, maet i hom blong wan memba, wan lokol skul, o wan komuniti senta, o wan ples we oli rentem, o wan ples we Jos i pem mo i bildim wan bilding long hem, o sam nara rod bakegen, folem ol lokol situesen we i stap. Wanwan long ol samting ia, bae oli tekem se i stret folem ol longtaem plan. Sapos oli yusum teknoloji, olsem ol odiovisuol tul, maet bae i isi blong stretem ol samting folem situesen.

Mekem Spes

Ol Eria lida mo ol lokol prishud lida oli traehad, taem we i posibol, blong yusum fulwan mitinghaos, mo wetem kea, tingting gud long fiuja bifo oli askem sam moa spes. Blong gat moa spes long mitinghaos, hem i taem namba blong atendens i go antap mo i mekem se i nogat inaf spes long bilding.

Praes

Ol Eria lida mo ol lokol lida oli lukaotem ol wei we i stret long saed blong mane i save stap longtaem, mo ol wei we i save stap olsem ansa long ol nid ia blong gat wan mitinghaos. Niufala spes ia, i mas stap olsem wan ples we i gat revren mo respek, wetem gud fasin blong dresap, mo i go gud wetem disaen mo evri samting raon long hem. Mo tu, oli mas yusum ol lokol materiol we i stap, wetem ol tul blong wok, mo ol fenija long stret ples. Proses blong givim mo yusum wan spes blong mitinghaos, i mas help blong mekem se Jos i dipen long hemwan moa long eria we hem i stap long hem.

Ol Gaedlaen

Fasin blong Yusum Bilding mo Olsem I Kolosap long Ol Memba

Bifo oli givim moa spes long wan mitinghaos, ol lida oli mas mekemsua se evri mitinghaos we oli stap, oli stap long wan gudfala eria we ol man i save travel i go long hem, mo i yus fulwan, olsem we oli bin plan from. Ol mitinghaos oli olsem stoahaos blong Lod mo oli mas yusum defren long wea stek bilding oli stap long hem. Ol wokman blong eria long saed blong bilding, oli save helpem ol lida blong faenem ol mitinghaos spes we oli fri i stap.

Wanwan eria i faenemaot se i tekem hamas taem blong travel i go long wan mitinghaos, mo sapos i wan stret taem blong ol memba; hemia i no mas tekem30 kasem 45 minit blong bigfala namba blong ol memba insaed long wan yunit. Ol Eria Presidensi oli save stretem hamas taem memba i travel long eria blong olgeta, mo hemia i dipen long ol lokol situesen mo hamas praes blong travel.

Atendens

Wanwan eria i faenemaot saes mo kaen mitinghaos blong givim, hemia folem namba blong ol memba we oli stap kam mo folem ol defren joes blong mitinghaos. Ol eria lida mo ol lokol lida oli tingting blong bildim nomo afta we oli disaed se hemia i stret from i no kakae tumas mane, i save stap longtaem, mo i gat ol wei blong kipim gud i stap.

Fasin blong Stap Fetful long Taeting

Bifo oli bildim wan mitinghaos, o oli pem wan, pesen namba blong ol aktiv adalt we oli pem ful taeting long yunit i mas ikwol long, o i mas hae moa long 80 pesen long averej pesen blong ol adalt we oli aktiv mo pem wan ful taeting long eria ia (o insaed long kantri taem i gat moa long wan kantri insaed long eria ia) long yia bifo. Mo tu, Ol Eria Presidensi oli yusum fasin blong stap fetful blong pem taeting blong tekem lis o pem ol mitinghaos.

Mitinghaos Masta Plan

Blong mekem Jos i kam strong moa, ol eria oli mekem rere ol masta plan blong wan longfala taem bifo oli mekem desisen blong ademap o jenisim yus blong wan mitinghaos spes. Oli sendem ol plan ia folem ol taemtebol we oli stap finis. Ol impoten poen long ol plan ia, i hao oli yusum spes we i stap, hamas bae namba i gro long fiuja, stret ples blong bilding, ol jenis long ol baondri blong yunit mo mane blong hem. Ol nid mo plan blong mitinghaos, oli lukluk long hem long level blong eria mo long level blong kodineting Kaonsel.

Ol Nara Tingting blong Lukluk long Olgeta

Ol Stek Ofis mo Miting

Plante taem, ol eria oli givim ol stek ofis taem i gat plan blong krietem wan stek, mo i no save stap long wan spes we i stap finis. Olsem we i stap, ol stek konfrens, aktiviti mo kaonsel miting, oli holem olgeta long ol spes we oli stap finis o oli rentem. Oli save yusum odiovisuol teknoloji blong ol stek miting blong givim moa paoa bitim hemia blong spes we i stap o we oli rentem.

Mitinghaos Bilding Yia Plan

Spes blong mitinghaos, mane blong hem i kam tru long Mitinghaos Bilding Yia Plan. Ol Eria Presidensi oli sendem ol yia plan blong olgeta i go long Bajet mo Apropriesen Komiti, tru long Prisaeding Bisoprik.

Sam Moa Ofis blong Bisop mo blong Klak

Olgeta gaedlaen ia oli givim infomesen long ol lokol lida taem oli lukluk blong askem sam moa ofis blong bisop mo klak long ol mitinghaos we oli stanap finis.

Ol Gaedlaen:

• Ol wokman blong Bilding Manejmen oli save help blong lidim wan stadi long fasin blong yusum wan bilding, blong oli save andastanem moa yus mo hamas nao spes blong mitinghaos we i stap i tekem.

• Bifo oli givim moa spes blong ol ofis, ol lida oli mas mekemsua se evri klasrum mo nara spes we i stap, oli lukluk long olgeta blong tanem i kam ol ofis.

• Tingting blong serem spes blong ofis blong klak (eksampol, tu yunit i yusum wan ofis).

• I mas gat saonpruf (siling, wol, mo doa) blong mekemsua blong protektem mo kipim samting i konfidensiol. Hemia oli save mekem wetem fasin blong blokem gud insaed blong bilding o sistem we i kavremap saon.

Blong ol ples insaed long Yunaeted Stet mo Kanada, Eria Mitinghaos Bilding wokman oli lukluk long ol defren kaen ofis wetem hamas praes blong hem; hemia blong ol standet plan bilding blong naoia mo blong bifo.