Kau Pīsopelikí
Ngaahi Tefitoʻi Moʻoni mo e Ngaahi Fakahinohino ki hono Fokotuʻu ʻo e Ngaahi ʻApisiasí

Ngaahi Tefitoʻi Moʻoni mo e Ngaahi Fakahinohino ki hono Fokotuʻu ʻo e Ngaahi ʻApisiasí

“ʻOku fokotuʻu ʻe he Siasí ʻa e ngaahi ʻapisiasí koeʻuhí ke lava ʻa kinautolu kotoa ʻoku hū ki aí ʻo:

ʻE lava ke kehekehe ʻa e ngaahi fotunga ʻo e falelotú ʻo makatuʻunga ʻi he ngaahi tūkunga mo e ngaahi fiemaʻu fakalotofonuá” (Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 35.1). ʻE tokoni e ngaahi tefitoʻi moʻoni mo e ngaahi fakahinohino ko ʻení ki he kau taki ʻo e ʻēliá mo e siteikí ke nau lavaʻi e taumuʻá ni ʻo fakatatau mo e ngaahi fiemaʻu ʻa e kāingalotu ʻi honau ʻēliá.

Fakatokangaʻi ange: ʻI he konga ko ʻení, ʻoku toe ʻuhinga foki ʻa e kau palesitensī fakasiteikí ki he kau palesitenisī fakavahefonuá.

Ngaahi Tefitoʻi Moʻoní

Fāitahá mo Hono Fulihí

ʻOku moʻui ʻa e kāingalotu ʻo e Siasí ʻi ha ngaahi tūkunga fakapolitikale, fakasōsiale mo fakaʻekonōmika kehekehe. ʻOku kehekehe foki e lalahi mo e ngaahi mauʻanga tokoni fakatakimuʻa ʻa e ngaahi uōtí mo e ngaahi koló. ʻE ala fie maʻu ke liliu fakalotofonua e ngaahi meʻá ni mo ha ngaahi tūkunga kehe ʻi he taimi ʻoku fokotuʻu ai ha ngaahi falelotu ʻoku tāú.

ʻOku totonu ke maʻu ʻi he ngaahi falelotu kotoa pē ʻa e ngaahi meʻa mahuʻinga ʻoku poupouʻi ai e aʻusia ʻi he moihuú mo e ngaahi polokalama ʻa e Siasí. ʻOku kau heni ha feituʻu ki ha fakataha fakakātoa, akoʻi, mo e ngaahi ʻekitivitī angamahení. ʻE lava ke fakakau atu mo ha ngaahi tafaʻaki kehe ʻoku tāú, ʻi he tuʻutuʻuni ʻa e Kau Palesitenisī Fakaʻēliá. ʻE fai ʻe he kau taki fakaʻēliá ha fakaʻutoʻuta ʻoku fakapotopotó he taimi ʻoku liliu ai e ngaahi palani ki he falelotu kuo fakangofuá ke feau e ngaahi fiemaʻu mo e tūkunga fakalotofonuá.

ʻE lava ke hoko ha ʻapi ʻo ha mēmipa, ʻapiako pe senitā fakakolo fakalotofonua, feituʻu kuo lisi fakataimi, feituʻu ne langa pe fakatau mai ʻe he Siasí pe ko ha ngaahi meʻa kehe ke fili mei ai, ko ha feituʻu fakatahaʻanga, ʻo fakatatau mo e ngaahi tūkunga fakalotofonuá. ʻE lava ke pehē ko e ngaahi founga fakaleleiʻi lelei mo taimi lōloa ʻeni. ʻE lava foki ke tokoni ʻa hono fakaʻaongaʻi ʻo e tekinolosiá mo e meʻangāue ki he sió mo e ongó, ki hono fai e liliu ko iá.

Ko Hono Fakaʻatā ha Feituʻu

ʻE feinga e kau taki lakanga fakataulaʻeiki faka-ʻēliá mo fakalotofonuá ke fakaʻaongaʻi kakato e ngaahi ʻapisiasí, ʻi he taimi ʻe lava aí, pea fai ha fokotuʻu ʻe fakapotopotó ki hano fakalahi. ʻOku totonu ke toki fakalahi ha konga ki he falelotú he taimi ʻoku tokolahi ai ʻa e maʻulotú ʻo laka ange he meʻa ʻe malava ke fuesia ʻe he ngaahi fale lolotongá.

Malava ke Totongí

ʻE fekumi e kau taki fakaʻēlia mo fakalotofonuá ki ha founga ʻe feʻunga fakaʻekonōmika, taimi lōloa mo tuʻuloa ke feau e ngaahi fiemaʻu fakafalelotú. ʻOku totonu ke ʻasi mei he feituʻu foʻoú ha ʻīmisi ʻo e ʻapasiá mo e fakaʻeiʻeikí, molumalu pea tuha mo e palani mo e fōtunga ʻo hono ngaahi ʻātakai fakalotofonuá. ʻOku totonu foki ke lava ʻo fakaʻaongaʻi ai ʻa e ngaahi naunau, meʻangāue mo e ngaahi naunau fale fakalotofonua ʻoku lava ʻo maʻú, ʻo ka fie maʻu. ʻOku totonu ke tokoni ʻa e founga ngāue ki hono maʻu mo fakaʻaongaʻi ha falelotu, ke ne fakamālohia e moʻui fakafalala pē ʻa e Siasí kiate ia ʻi he feituʻu ko iá.

Ngaahi Fakahinohinó

Fakaʻaongaʻí mo e Ofí

Kimuʻa pea fai ha fakalahi ki ha falelotu, ʻe fakapapauʻi ʻe he kau takí ʻoku fakaʻaongaʻi kakato ki he taupotu taha naʻe langa ki aí, ʻa e ngaahi falelotu ofi atu ki he fefonongaʻakí. ʻOku kau e ngaahi falelotú he faletukuʻanga koloa ʻa e ʻEikí pea ʻoku totonu ke fakaʻaongaʻi ia ʻo ʻikai makatuʻunga ʻi he ngaahi fakangatangata fakasiteikí. ʻE lava e kau ngāue he tafaʻaki fakaʻēlia ki he ngaahi falé, ʻo tokoni ki he kau takí ʻi hono kumi ha ngaahi falelotu ʻoku faingamālié.

ʻE fakakaukauʻi ʻe he ʻēlia takitaha ʻa e lahi ʻo e taimi fefonongaʻaki ki ha falelotu ʻa ia ʻe faingamālie ki he kāingalotú; ʻa ia ʻoku meimei ke ʻoua ʻe toe lahi ange he miniti ʻe 30 ki he 45 ki he konga lahi taha ʻo e kāingalotu ʻi ha ʻiuniti. ʻE lava ke liliu ʻe he Kau Palesitenisī Fakaʻēliá ʻa e taimi fefonongaʻaki ʻoku fie maʻu ki honau ngaahi ʻēliá, ʻo fakatatau mo e tūkunga fakalotofonuá pea mo e fakamole ki he fefonongaʻakí.

Maʻulotu

ʻE fakapapauʻi ʻe he ʻēlia takitaha ʻa e lalahi mo e falelotu ke fokotuʻú, ʻo fakatatau mo e tokolahi ʻo e kāingalotu ʻoku maʻulotú pea mo e ngaahi falelotu ʻoku faingamālie, ke fili mei ai. ʻE toki fakakaukauʻi ʻe he kau taki fakaʻēliá mo fakalotofonuá ke toki fai pē ha langa, hili hono fakapapauʻi ʻa e founga fakaʻekonōmika lelei ʻi ha taimi lōloa, ʻoku malava ke tuʻuloa.

Totongi Faivelenga ʻo e Vahehongofulú

Kimuʻa pea langa pe fakatau mai ha falelotú, kuo pau ke aʻu ʻa e peseti ʻo e kakai lalahi totongi vahehongofulu kakato ʻi he ʻiunití ki he peseti ʻe 80 pe lahi ange ʻi he peseti ʻavalisi ʻo e kakai lalahi totongi vahehongofulu kakato ʻi he ʻēliá (pe fonuá kapau ʻoku laka hake he fonua ʻe taha ʻoku kau atu ki he ʻēliá), lolotonga ʻa e taʻu kimuʻá. ʻE lava ke fakaʻaongaʻi ʻe he Kau Palesitenisī Fakaʻēliá ʻa e fiemaʻu ko ʻeni ke totongi vahehongofulu kakató, ki ha fiemaʻu lisi pe ngaahi fiemaʻu kehe ʻa e falelotú.

Palani Pule ʻo e Falelotú

ʻOku teuteu ʻe he ngaahi feituʻú ha ngaahi palani pule taimi lōloa kimuʻa pea fai ha fakalahi pe fokotuʻutuʻu foʻou ha falelotu, ke lava ʻo fakamālohia ʻa e Siasí. ʻOku nau fakahū mai ʻa e ngaahi palani ko ʻení ʻo fakatatau ki he ngaahi taimitēpile kuo fokotuʻú. ʻOku kau he ngaahi tafaʻaki mahuʻinga ʻo e ngaahi palani ko ʻení, ʻa hono fakaʻaongaʻi ʻo e fale lolotongá, fakafuofuaʻi e tupulaki ʻe hokó, tuʻuʻanga ʻo e ngaahi falé, ngaahi liliu ki he ngaahi ngataʻanga ʻo e ʻiunití mo siʻisiʻi e fakamolé. ʻOku fakakaukauʻi e ngaahi fiemaʻu mo e ngaahi palani ʻo e falelotú ʻi he lēvolo ʻo e ʻēliá mo e fakataha alēlea fakafekauʻakí.

Ngaahi Meʻa Kehe ke Fakakaukauʻí

Ngaahi ʻŌfisi mo e Ngaahi Fakataha Fakasiteikí

Ko e angamahení, ʻe fakaʻatā ʻe he ngaahi ʻēliá ha ngaahi ʻōfisi fakasiteiki he taimi ʻoku palani ai ke fokotuʻu ha siteikí kapau ʻoku ʻikai lava ke hao he fale lolotongá. Ko e hā pē lahi taha ʻe lavá, ʻe fakahoko ʻa e ngaahi konifelenisi fakasiteikí, ngaahi ʻekitivitií mo e ngaahi fakataha alēleá ʻi he fale lolotongá pe ko ia ʻoku totongi fakataimí. ʻE lava ke fakaʻaongaʻi e ngaahi tekinolosia ki he sió mo e ongó, ki he ngaahi fakataha fakasiteikí ke feau ai e fiemaʻu fakalahi ki he fale lolotongá pe ko ia ʻoku totongi fakataimí.

Ngaahi Palani Fakataʻu ki he Ngaahi Falelotú

ʻOku fakapaʻanga e falelotú ʻo fakafou ʻi he Palani Fakataʻu ki he Ngaahi Falelotú. ʻOku fakahū atu ʻe he Kau Palesitenisī Fakaʻēliá ʻenau ngaahi palani fakataʻú ki he Kōmiti Patisetí mo e Fakafuofuá, ʻo fakafou ʻi he Kau Pīsopeliki Pulé.

Ngaahi ʻŌfisi Makehe ki he Pīsopé mo e Kalaké

ʻOku ʻoatu ʻe he ngaahi fakahinohino ko ʻení ha fakamatala ki he kau taki fakalotofonuá ʻi he taimi ʻoku fakakaukauʻi ai ha toe ngaahi ʻōfisi ʻo e pīsopé mo e kalaké ʻi he ngaahi falelotu lolotongá.

Ngaahi Fakahinohinó:

  • ʻE lava ke tokoni ʻa e kau ngāue ki hono Tokangaʻi ʻo e Nāunau Fakatuʻasinó ke fakahoko ha ako ki hono fakaʻaongaʻí ke mahino lelei ange ʻa hono fakaʻaongaʻí mo e tuʻunga malava ʻo e ngaahi feituʻu ʻoku lolotonga tuʻu ai e falelotú.

  • Kimuʻa pea ʻoange ha feituʻu lahi ange maʻá e ngaahi ʻōfisí, ʻe fakapapauʻi ʻe he kau takí ko e ngaahi loki akó mo e ngaahi feituʻu kehe ʻoku ʻataá ne ʻosi fai hano fakakaukauʻi ke liliu ia ki ha ngaahi ʻōfisi.

  • Fakakaukau ke vahevahe ʻa e ʻōfisi ʻo e kalaké (hangē ko ʻeni, ʻiuniti ʻe ua ki he ʻōfisi).

  • ʻOku totonu ke maluʻi ʻa e ongo kituʻa ha meʻa (soundproofing) (ʻató, holisí, mo e matapaá) koeʻuhi ko e fiemaʻu ke maluʻi ʻa e tuʻunga ʻikai fakahāhāholó. ʻE lava ke fakahoko ʻeni ʻaki hano ʻaofi malu pe ngaahi founga maluʻi ʻo e ongó ke ʻoua ʻe ongo ki tuʻa.

Ki he ngaahi feituʻu ʻi he ʻIunaiteti Siteití mo Kānatá, kuo vakaiʻi ai ʻe he kau ngāue ʻi he ʻĒliá mo e Falelotú ha ngaahi tūkunga lahi ʻo e ʻōfisí mo fakafuofuaʻi e fakamole ki he ngaahi fale pau kuo palani ki he lolotongá mo e kuohilí.

Paaki