“Masta Plan I Sapotem Daereksen blong Eria Presidensi,” Ol Gaedlaen blong Mitinghaos Masta Plan (2022)
“Masta Plan I Sapotem Daereksen blong Eria Presidensi,” Ol Gaedlaen blong Mitinghaos Masta Plan
Masta Plan I Sapotem Daereksen blong Eria Presidensi
Daereksen blong Eria Presidensi i helpem ol prishud lida blong mekem ol efot blong olgeta i lukluk nomo blong mekem ol famli, ol memba, mo ol yunit oli kam strong moa. I lukluk long ol spesifik samting we ol lida oli wok long olgeta tugeta, long wan fasin blong wok wetem yuniti, blong bildimap kingdom blong God long wol ia.
Masta plan ia blong mekem ol mitinghaos ova long longfala taem, i sapotem daereksen blong Eria Presidensi blong mekem ol famli, ol memba mo ol yunit oli kam strong moa taem oli gat ol mitinghaos we oli simpol mo oli no sas tumas, mo tu, oli yusum ol risos long wan waes wei, mo oli tingting long hao nao ol desisen blong givim ol mitinghaos bae i mekem ol memba blong Jos oli kam strong moa, mo i givim wan spes we i stret long ol lokol kondisen. Hemia, oli tokbaot bigwan insaed long Jeneral Hanbuk Insaed long daereksen we oli givim:
“Jos i givim ol mitinghaos blong mekem se evriwan we oli kam insaed, bae oli save:
Mekem mo riniu ol kavenan tru long ol tabu odinens (luk long Doktrin mo Ol Kavenan 20:75; 59:9–12).
Mit tugeta (luk long 3 Nifae 18:22–23).
Wosip mo prea tugeta (luk long Mosaea 18:25; Moronae 6:9).
Tij mo givhan long wanwan long olgeta (luk long Moronae 6:4–5).
Tekpat long ol nara samting we oli apruvum olsem we oli tokbaot olgeta long japta ia.
Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent, 35.1, Churchofjesuschrist.org/study?lang=bis
“Blong mekem Jos i kam strong moa, ol eria oli mekem rere ol masta plan blong wan longfala taem bifo oli mekem desisen blong ademap o jenisim yus blong wan mitinghaos spes. … Ol impoten poen long ol plan ia, i hao oli yusum spes we i stap, hamas bae namba i gro long fiuja, stret ples blong bilding, ol jenis long ol baondri blong yunit mo mane blong hem. Ol nid mo plan blong mitinghaos, oli lukluk long hem long level blong eria mo long level blong kodineting kaonsel.” (“Principles and Guidelines for Providing Meetinghouses” [issued with Presiding Bishopric letter, June 5, 2015], 2–3).