famli i stap smael

Bigfala Lukluk blong Masta Plan

Eria Presidensi i lidim ol masta plan efot o wok insaed long eria. Olgeta wok ia, oli kodinetem olgeta insaed long wan kodineting kaonsel, o long maltistek level. Eria Presidensi i givim wok long Eria Seventi blong lukluk ova long divelopmen blong wan masta plan wetem sapot blong daerekta blong ol afea blong laef ia (DAL) mo ol wokman blong hem.

Blong gat Masta Plan long kodineting Kaonsel o long maltistek level i moa gud long ol ples we Jos i stap gro kwik, we i gat wan janis blong holemtaet wan spes blong mitinghaos, o we i gat fulap memba oli laef long wan eria.

Eria Seventi mo DAL mo ol wokman blong hem oli wok wetem ol lokol prishud lida blong krietem mo wok folem wan longtaem (minimom faef yia) masta plan.

ol man oli stap sidaon long miting

Oli mekem olsem taem oli folem olgeta step ia:

1. Eria Seventi i holem wan kodineting kaonsel o maltistek miting blong tokbaot doktrin, ol prinsipol mo ol gaedlaen, mo ol statistik blong stek.

2. DAL mo ol wokman blong hem oli wok wetem ol stek presiden blong talem hao jos bae i gro mo faenemaot ol fiuja muv we bae i save hapen.

3. Ol stek presiden oli faenem eni jenis long baondri we i nid blong mekem blong mekem se ol famli, ol memba mo ol yunit oli kam strong moa.

4. Ol wok blong DAL oli faenem sam rod blong gat mitinghaos we i save sapotem ol prishud plan.

5. Eria Seventi, ol stek presiden, mo DAL mo ol wokman blong hem oli mekem faenol masta plan. DAL, wetem Eria Seventi, taem i posibol, i presentem masta plan ia i go long Eria Presidensi blong eria i apruvum.

   Taem we Eria Presidensi i apruvum, bae DAL i sendem masta plan ia i go long Mitinghaos Bilding Dipatmen blong oli luklukbak long hem mo joen blong apruvum.

6. Ol stek presiden oli sendem ol jenis long ol baondri, we oli disaed long hem.

7. Ol wokman blong DAL oli rere long ol projek blong i stap insaed long yia plan blong mekem ol mitinghaos.

8. Eria Seventi, ol stek presiden, mo DAL mo ol wokman blong hem oli mekem apdeit oltaem long plan ia, olsem we i nid.