aotsaed long bilding blong jos

4.

Faenemaot Ol Impak long Ol Mitinghaos

Blong sapotem ol efot blong prishud blong mekem ol memba blong oli kam moa strong mo bildimap Jos, ol DAL wokman oli luklukbak long atendens mo ol fiuja lukluk blong yunit mo faenemaot ol posibol ansa blong mitinghaos we bae i save lukluk long ol nid ia blong wan longfala taem. Olsem we oli aotlaenem long “Ol Prinsipol mo Gaedlaen blong Gat Wan Mitinghaos,” ol prinsipol blong mekem masta plan, oli yusum long ol situesen we i gat nid blong wan spes blong ol man i kam tugeta, blong wok tugeta wetem wan kodineting kaonsel, wan grup blong ol stek, o ol wanwan stek.

Ol prinsipol blong mekem masta plan ia i tekem tu:

• Blong stap talem sam namba blong fiuja yunit we i stret.

• Putum ol mitinghaos long ol ples we plante memba oli save yusum, naoia mo long fiuja.

• Sapos i posibol, yusum ol mitinghaos fulwan.

• Yusum wei we i moa stret we i lukluk long ol nid blong gat wan niu mitinghaos.

Ol prishud lida oli mas tingting long olgeta samting ia taem oli disaed se hamas wod bae i yusum wan mitinghaos:

• Ol taemtebol blong Sandei miting oli mas stat long wan taem we i stret mo i finis long medel aftenun blong mekem se evri famli oli save go stadi long gospel long hom.

• Ol memba we oli laef long ol ples we i no longwe long mitinghaos.

• Ol jenis long wan mitinghaos, sapos i nid, oli no mas bigwan mo i no mas sas tumas.

DAL mo ol wokman blong hem oli mekem ol rekomendesen long wanem i bes rod blong gat ol ples blong wosip we oli bigwan inaf mo oli stret. Ol defren rod ia, i gat, ol hom, ol lis, o ol mitinghaos we oli bildim olgeta finis. Ol wokman blong DAL oli traehad blong faenem ol wei blong yusum fulwan ol risos blong Jos, nomata ol baondri blong stek.

Anda long daereksen blong Eria Seventi, daerekta blong ol afea blong laef ia, mo ol wokman blong hem, oli presentem ol tingting long saed blong mitinghaos i go long ol prishud lida, oli wok wan wetem olgeta blong oli stretem ol wari, mo oli krietem wan faenol mitinghaos plan we bae oli putum insaed long masta plan ia.