ol man oli stap sidaon long miting

1.

Tijim Doktrin, Ol Prinsipol, mo Ol Gaedlaen

Insaed long wan kodineting kaonsel miting wetem ol stek presiden we oli kasem wok ia, Eria Seventi i luklukbak long daereksen we i kam long Eria Presidensi. Mo tu, hem i tijim doktrin we i blong yusum, mo “Ol Prinsipol mo Ol Gaedlaen blong Gat Wan Mitinghaos.” Stamba prinsipol blong fasin blong indipenden laef, lukluk long ol nid blong ol narawan mo waes jajmen, oli toktok raon long olgeta taem oli tokbaot ol wei blong mekem ol memba oli kam strong moa, mo hao blong yusum ol mitinghaos long wan moa gud wei.

Blong rere long miting ia, DAL mo ol wokman blong hem oli givim infomesen blong helpem ol prishud lida blong oli andastanem ol situesen we i stap, mo olsem wanem ol yunit oli save gro folem histri we i stap.

Eria Seventi i save jusum blong holem sam moa miting, olsem we i nid, blong krietem plan. Ol miting ia oli ol gudfala janis blong save toktok tugeta, abaot ol aksen we i nid blong tekem blong krietem mo kareaot wan plan we bae i wok.

Eria Seventi i tijim tu doktrin, ol prinsipol mo ol gaedlaen long ol stek presiden we oli no tekpat long masta plan ia. Ol prinsipol blong mekem wan masta plan, oli yusum yet taem oli lukluk long ol nid blong gat mitinghaos long ol stek ia.