“6. Sendem Ol Jenis blong Yunit mo Baondri,” Ol Gaedlaen blong Mitinghaos Masta Plan (2022)
“Sendem Ol Jenis blong Yunit mo Baondri,” Ol Gaedlaen blong Mitinghaos Masta Plan
6.
Sendem Ol Jenis blong Yunit mo Baondri
Stek presiden i sendem eni rikwes blong ol jenis long ol yunit mo baondri we i nid blong mekem blong kareaot masta plan; hem i mekem hemia tru long pepa aplikesen fom, o long onlaen baondri lidasip tul we oli save go long hem tru long Ol Risos blong Lida mo Klak (RLK). Jeneral Hanbuk, seksen 39 i tekem ol gaedlaen ia we Fas Presidensi i bin apruvum long saed blong fasin blong handelem ol jenis long baondri. Ol lida oli mas luklukgud blong lukbak long ol gaedlaen ia bifo oli developem mo sendem ol jenis i go, mo semtaem, kipim long maen se, wok blong mekem Jos mo ol memba blong hem i kam strong moa, i mas oltaem stap olsem gol long en.
Ol jenis long ol baondri blong yunit, plante taem, i save spolem sam paten we i stap gud finis, mo ol frensip we oli stap gud finis, we ol memba oli kam blong laef gud wetem. Nomata we ol rikwes blong lukluk long membasip we i stap gro, i wan tru samting we i soem se Jos i stap gro, ol tingting blong jenisim baondri, oli no sapos blong sendem olgeta blong lukluk long ol nid o situesen we bae oli save lukluk long hem tru long trening, mo wok blong givhan long ol lokol prishud lida mo memba.
Nomata se rod blong mekem plan ia i lukluk i go fored, ol rikwes blong Baondri mo Lidasip Jenis Komiti, i mas stanap long situesen we i stap long ol yunit blong Jos we oli stap long ol jenis ia. Ol rikwes blong ol jenis, i save lukluk long ol samting olsem:
-
Mekem ol yut oli kam strong moa, daonem fasin blong spendem mane blong go long jos, mekem janis blong misinari wok i kam antap, mo lukluk long membasip we i stap kam olfala.
-
Blong lukluk long ol nara situesen olsem ol situesen blong denja, ol man we oli kasem prishud we oli stap kam olfala mo no save givim gud seves, mo impak blong ol bigfala apatmen bilding (rikwes blong ol non kontiguous baondri) mo tu, ol bigfala saes yunit mo taem mo mane blong travel.
Plis givim moa bakgraon infomesen we i givim ditel long saed blong nid ia blong stretem ol yunit, olsem ol risen from wanem membasip i stap muv, lus blong prishud lidasip, o tumas traehad. Plis putum wanem efot ol prishud lida oli bin mekem blong lukluk long ol problem ia tru long trening, fasin blong tijim doktrin, mo wok blong givhan.
Evri proposol ia, ol presiden blong evri stek mo misin oli mas agri long hem, hemia olgeta we oli stap long ol jenis ia.