Babaire a Boutokai ana Waaki te Beretitentii n te Aono

Ana waaki te Beretitentii n te Aono e buokiia taan kairiiri n te nakoanibonga n aia kekeiaki ni kakorakoraia utu, kaain te ekaretia, ao iunite nako. E anga naba bwaai aika a onoti ake a mwakuri iai taan kairiiri inanon te boonano ni katean abanuean te Atua iaon te aba.

Babaire aika a na iraki aika teimaan ibukin autinibootaki a boutokaa ana waaki te Beretitentii n te Aono ni kakorakoraia utu, kaain te ekaretia, ao iunite man katauraoan autinibootaki aika a bon tau ibukin kabonganakiia man kabonganaan raoi bwaai ni kateitei, ao n taraia naba bwa tera mwiiin iango iaon autinibootaki ibukina kakorakorakiia kaain te Ekaretia, ao katauraoan te tabo aika bon tau nakon ana kainnano te tabo. E katuruturuaki aio inanon te Aeniboki ni Kabuta ni wakinana:

Te Ekaretia e katauraoi auti n taromauri bwa aonga ni kabane ake a rin inanona ni kona ni:

• Karaoi ao ni kaboui berita aika tabu rinanon otenanti aika a tabu (taraa Reirei ao Berita aika Tabu 20:75; 59:9–12).

• Ikotaki ni bootaki (taraa 3 Nibwaai 18:22–23).

• Te botaki n nebonebo ao n tataro (taraa Motiaea 18:25; Moronaai 6:9).

• Reirei ao ibuobuoki nakoia tabeman (taraa Moronaai 6:4–5).

• Kabonganai ake a kariaiakaki kabonganaakia n aron ae kabwarabwaraaki n te mwakoro aei.

Aeniboki ni Kabuta: Beku inanon Ana Ekaretia Iesu Kristo ibukiia Aika Itiaki ni Boong Aika Kaitira, 35.1, ChurchofJesusChrist.org

“N te aro bwa e na kakorakora te Ekaretia, taian aono a na katauraoi babaire aika a na iraki ae e teimaan imwain karaoan aia babaire ni karinna ke ni kanakoi taabo aika mwaawa ibukin te autinibootaki. … Kanoana aika kakaawaki inanon taian babaire aikai a raonaki ma kabonganakin te tabo ae ngkai, te rikirake ae kaantaningaaki, babaire ni nen kateitei, bitaki nakon tian iunite, ao aron rekeia. Kainnano ao babaire ibukin te Autinibootaki a baireaki n te karinan n te aono ao te kauntira ni babaire” (“Reirei ao Kainibaire ibukin katauraoan Autinibootaki” [e kanakoaki ma ana reta te Bitiobiriki n Tararua, Tuun 5, 2015], 2-3).