1.

Reirei iaon Reirein te Ekaretia, Moan Tua, ao Kainibaire

N te boowi ni kauntira ni babaire ma te beretitenti n taian titeiki are a mwiokoaki, te Itingaun n te Aono e rinanoa te waaki man te Beretitentii n te Aono. E anga naba te reirei iaon reiren te ekaretia ao “Moan tua ma Kainibaire iaon Katauraoan Auti ni bootaki.” Aan moan tua ibukin te toronibwai, te buoka ibukiia tabeman, ao babaire aika a nakoraoi a riai ni maroroakinaki ni kaea nanon kakorakorakiia kaain te ekaretia ao bwa a na kanga ni kabonganaaki raoi autinibootaki.

Ibukin te katauraoi nakon te marooro aei, a katauraoaki rongorongo irouin te DTA ma ana taan mwakuri ibukin buokaia taan kairiiri n te nakoanibonga bwa a na oota ni baika a riki ao bwa a kanga n tei iunite ni kaineti ma te rikirake ma rimoa.

E konaa te Itingaun n te Aono n baireia bwa e na booa riki te boowi n riaina ibukin karaoan te babaire. Boowi aikai e reken iai te tai ae tamaroa ibukin te uaia ni marooro ibukin mwakuri ke waaki aika kainnanoaki ibukin karaoakin ao mwakurian te babaire ae nakoraoi.

Te Itingaun n te Aono e anga reirei naba iaon reirein te Ekaretia, moan tua, ao kainibaire nakoia beretitenti n taian titeiki ake aki irekereke ma karaoan te babaire. Reirei iaon babaire ake a na iraki a teimatoa ni kabonganaaki ngkana a iangoaki kainnanon autinibootaki n titeiki aikai.