Kabwarabwara Iaon Taian Babaire Aika a na Iraki

Te Itingaun te Aono e kairii waakin babaire aika a na iraki n te aono. Waaki aikai a karaoaki inanon te kauntira ni babaire ke ni karinanin taian titeiki. Te Beretitentii n te Aono e na katabea te Itingaun n te Aono bwa e na taraa aron kabobongaan te babaire ae na iraki ma ana boutoka te tarekita n te temporal affairs (DTA) ao ana taan mwakuri.

Babaire ake a na iraki ake a baireaki n te kauntira ni babaire ke n aia karinan taian titeiki e na nakoraoi riki n taabo ake e korakora iai rikiraken te Ekaretia, are e na kona iai ni botaki autinibootaki, ke ike e rang ni ibetutu iai kaain te ekaretia.

Te Itingaun n te Aono ao te DTA ao ana taan mwakuri a mwakuri ma taan kairiiri n te nakoanibonga n te tabo ni karika ao ni karaoa te babaire ae na irakiae teimaan (nimaua te ririki mai i nano).

A karaoa aio man karaoan kawai aikai:

1. Te Itingaun n Aono e tewei boowi ni kauntira ni babaire ke n titeiki aika mwaiti ni maroroakin reirei, moan tua ao kainibaire, ao waare n titeiki.

2. Te DTA ma ana taan mwakuri a mwakuri ma te Beretitentii n te Aono n tararuaa te rikirake ao n atai bitaki ibukin rikirakeia.

3. Beretitenti n te titeiki a na katebenakoi bitaki n te tia ake a kainnanoaki ibukin kakorakoraia utu, kaain te ekaretia, ao iunite nako.

4. Taan mwakuri n te DTA a na atai raoi bwaai aika a kainnanoaki ibukin autinibootaki are a na kona ni boutokai aia babaire kaain te nakoanibonga.

5. Itingaun n te Aono, beretitenti n titeiki, ao te DTA ma taan mwakuri a kabobonga raoi te babaire. Te DTA, ma te Itingaun n te Aono n riaina, a na uotarake te babaire are e na iraki nakon te Beretitentii n te Aono ibukin a na kariaia te aono.

   Ni kariaiakana man te Beretitentii n te Aono, te DTA e kanakoa te babaire are e na iraki nakon te Meetinghouse Facilities Department ibukin rinanoana ao aia kariaia ni kabane iaona.

6. Beretitenti n taian titeiki a kawaerakei bitaki n taian tia ake a kinaaki.

7. Taan mwakuri n te DTA a katauraoi karikirake are e na karinaki bwa kanoan te babaire n te ririki ibukin te autinibootaki.

8. Kaitingaun n te Aono, beretitenti n titeiki, ao te DTA ma ana taan mwakuri a kaboui babaire ni katoatai nakon kainnanoana.