6.

Karinan taian Bitaki n te Iunite ao te Tia

Te Beretitenti n te titeiki e kanakoa ana bubuti ibukin bitaki nakon unite ao te tia are e kainanoaki ibukin karaoan te babaire iaon te boma ni bubuti ke iaon te boundary leadership tool ae kuneaki n te intanete rinanon te Leader and Clerk Resources (LCR). Aeniboki ni Kabuta, mwakoro 36 iai inanona te kainibaire ae boou are e kariaiakaki mairoun te Moan Beretitentii ibukin taian bitaki n te tia. Taan Kairiiri a riai n rinanoi raoi kainibaire aikai imwaain karaoan ao karinakin taian bitaki ao ni katikua n aia iango bwa kakorakoraan te Ekaretia ao ana membwa a riai n taainako n riki bwa te kabanea ni kouru.

Bitaki nakon taian tia a kona n taainako ni manga bitaki ni karaoa raoi te baeten ao iraorao are a na rikirake inanona kaain te ekaretia. Ngkai bubuti ibukin kaitaraan mwaitin rikirakeia kaain te ekaretia bon kokoauaan ae e a rikirake te Ekaretia, tabeka ibukin bitakin te tia e riai n aki karinaki ti ibukin kainano ke ibukin baika a riki ake a konaa ni kaitaraaki rinanon te anga reirei ao mwakuri n ibuobuoki ae mwakuri riki nakoia taan kairiiri n te nakoanibonga n te tabo ao kaain te ekaretia.

E ngae ngke mwakurian te babaire e kaingainga, bubuti nakon te Komete ibukin te Tia ao Tararuaan taian Bitaki e riai ni boboto iaon te bwai ae riki n te iunite n te Ekaretia are e irekereke. Bubuti ibukin Bitaki a kona ni karinaki naba iango n aron aikai:

• Kamarurungaakia kairake, kauarerekean te kangaanga n te mwane n te mwamwananga, kakorakoraan te waaki ni mitinare, ao kairakiia kaain te ekaretia ake a kara.

• Kaotakin itera ni kangaanga n aron waaki aika a kakamaaku, aki nakoraoin aia mwakuri taan kairiiri n te nakoanibonga aika a kairikaaki, te rotaki man kateitei aika a rangi ni bubura (bubuti ibukin taian tia aika aki ibetutu), n raonaki ma iunite aika a bubura abwakiia ao taraan te mwamwananga.

Taiaoka katauraoi rongorongo aika a tau are e bwarabwara raoi iai bwa eaera ngkai e kainanoaki bitakin iunite, n aron taraan mwaingingia kaain te ekaretia, kerikaakin mwaitia taan kairiiri n te nakoanibonga, ao te aki boraoi n iango. Taiaoka karina naba bwa tera mwakuri ake a tia ni karaoia taan kairiiri n te nakoanibonga nakon kangaanga aikai rinanon taian kataneiai, reirei moan tuua, ao mwakuri n ibuobuoki.

Ni kabane tabeka a riai n kabwataaki irouia beretitenti n taian titeiki ao mition ni kabane ake a rootaki n taian bitaki ake a tabekaki.