4.

Kinaakin Baika a Riki nakon taian Autiinibootaki

Ni boutokaan ana kakamwakuri te nakoanibonga ni kakorakoraia kaain te ekaretia ao ni karikirakea te Ekaretia, taan mwakuri n te DTA a rinanon mwaitin te roroko ao katautau n te iunite ao ni kunei katokan kangaanga aika a tau ibukin autinibootaki are e na kaitarai kainnano n te tai ae maan. N aron ae kabwarabwaraaki n “Moan tua ao Kainibaire ibukin Katauraoan Autinibootaki,” reirei iaon babaire aika a na iraki a kaineti nakon kangaanga ni kabane ngkana e kainanoaki te tabo ibukin bootaki, bwa tao ko mwakuri ma te kauntira ni babaire, bootaki n titeiki, ke titeiki n tatabeua nako.

Tuua iaon babaire aika a na iraki a kaairaki ma:

• Karaoan katautau nakon iunite aika a eti ibukin taai aika ana roko.

• Katean autinibootaki n taabo ake a konaa n kabonganaaki irouia kaain te ekaretia aika a mwaiti, ngkai ao nakon taai aika ana roko.

• Ngkana e riai, kabonganaan autinibootaki nakon are bon mwaitin kainakiia.

• Kabonganaan te kabanea n nakoraoi n anga are e na tararuai kainnano ibukin te autinibootaki ae boou.

A riai taan kairiiri n te nakoanibonga n tarai bwaai aika a koreaki imwiina ibukin baireana bwa iraua uoote aika ana kabonganaa teuana te auti ni bootaki:

• Bootaki n te Tabati a na moanaki n taai aika riai ao ni bwara teutana imwiin te tawanou bwa e aonga naba n reke aia tai utu ni kamatebwaia te euangkerio inanon mwengaia.

• Membwa a na maeka n te raroa ae tau ibukin mwanangaia nakon te auti ni bootaki.

• Onobwai nakon autinibootaki, ngkana a kainnanoaki, a na uarereke ao n aki rangi ni kabanemwane.

Te DTA ma taan mwakuri a anga aia iango iaon waaki aika a na taraaki ibukin anga ni katauraoan taabo n nebonebo aika a tau. Aanga aikai a kona n rin iai mweenga, taabo aika a ritinaki, ke autinibootaki aika a kateaki. A keiaki mwaaka taan mwakuri n te DTA ni kakaei kawai ni kabonganaakin raoi ana bwai te Ekaretia, n aki kabaeak n tian nako te titeiki.

Iaan ana kairiiri te Beretitentii n te Aono, te DTA ao ana taan mwakuri a uotirake iango ibukin autinibootaki nakoia taan kairiiri n te nakoanibonga, ni kaai ni mwakuri ma ngaia ni katokii raraoma, ao ni karaoa te kabanea ni iaongo iaon te autinibotaki bwa e na karinaki inanon babaire are e na iraki.