një familje duke buzëqeshur

Vështrim i Përgjithshëm i Planifikimit Kryesor

Presidenca e Zonës drejton përpjekjet për planifikim kryesor në zonë. Këto përpjekje kryhen në një këshill bashkërendues ose në nivel shumëkunjësh. Presidenca e Zonës cakton një Të Shtatëdhjetë Zonal për të mbikëqyrur zhvillimin e një plani kryesor me përkrahjen e drejtorit të çështjeve materiale (DTA) [DÇM] dhe personelit të tij.

Planifikimi kryesor në këshillin bashkërendues ose në nivel shumëkunjësh është më i përshtatshëm në vendndodhjet ku Kisha po rritet me të shpejtë, ku ka mundësi për të bashkuar hapësirën e shtëpive të mbledhjeve apo ku ka një dendësi të lartë të anëtarëve.

I Shtatëdhjeti Zonal, DTA-ja [DÇM-ja] dhe personeli i tij punojnë me udhëheqësit vendorë të priftërisë që të krijojnë dhe vënë në zbatim një plan kryesor afatgjatë (minimumi pesëvjeçar).

burra të ulur në mbledhje

Ata e bëjnë këtë gjë duke ndjekur në përgjithësi këta hapa:

1. I Shtatëdhjeti Zonal zhvillon një këshill bashkërendues ose një mbledhje shumëkunjëshe për të diskutuar doktrinën, parimet, orientimet dhe statistikat e kunjeve.

2. DTA‑ja dhe personeli i tij punojnë me presidentët e kunjeve për të planifikuar rritjen dhe për të përcaktuar tendencat në të ardhmen.

3. Presidentët e kunjeve përcaktojnë çdo ndryshim të kufijve që nevojitet për të forcuar familjet, anëtarët dhe njësitë.

4. Personeli i DTA-së përcakton zgjidhjet për shtëpitë e mbledhjeve që mund t’i përkrahin planet e priftërisë.

5. I Shtatëdhjeti Zonal, presidentët e kunjeve, DTA‑ja dhe personeli i tij e përfundojnë planin kryesor. DTA-ja, me Të Shtatëdhjetin Zonal kurdoherë që është e mundur, ia paraqet planin kryesor Presidencës së Zonës për miratim nga zona.

   Me miratim nga Presidenca e Zonës, DTA‑ja ia dorëzon planin kryesor Sektorit të Godinave të Shtëpive të Mbledhjeve për shqyrtim dhe miratim të përbashkët.

6. Presidentët e kunjeve dorëzojnë ndryshimet e përcaktuara të kufijve.

7. Personeli i DTA-së përgatit projekte që të përfshihen në planin vjetor të shtëpive të mbledhjeve.

8. I Shtatëdhjeti Zonal, presidentët e kunjeve, DTA‑ja dhe personeli i tij e përditësojnë rregullisht planin sipas nevojës.