Tali ʻe lava ke hoko fakakongokonga mai e faifakamoʻuí.

ʻI hono fakamoʻui ʻe Sīsū ha tangata kuí, naʻe fuofua mamata e tangata kuí ki ha “kakai, ka ʻoku nau hangē ha ʻuluʻakau ʻoku nau laka takai holó.” Naʻe “toe hilifaki [ʻe Sīsū] hono nimá ki he mata ʻo e tangatá,” pea “naʻe malava ke ne sio lelei ki he meʻa kotoa pē” (Maʻake 8:24–25). ʻI he taimi naʻe fakamoʻui ai ʻe Sīsū ha fefine ne ʻau totó (vakai ki he Maʻake 5:25–34), ko e hili ia ha taʻu ʻe hongofulu mā ua. ʻE lava ke fakamanatu mai ʻe he ngaahi talanoa ko ʻení kiate kitautolu ko e faifakamoʻuí—tatau ai pē pe ʻoku fakatuʻasino, fakaeongo, pe fakaeʻatamai—ʻe lava ke hoko fakakongokonga mai ia pea mahalo ʻe ʻikai ke nau hoko vave mai. He ʻikai hoko mai e ngaahi fakamoʻui ʻe niʻihi kae ʻoua ke hoko ʻe Toetuʻú.