“2: Ko e hā ʻoku ʻikai ke toʻo ai pē ʻe he ʻOtuá ʻa e meʻá ni meiate au pe fakamoʻui aú?” Moʻui Lelei Fakaeʻatamaí: Tokoni Maʻakú (2019)
“Ko e Hā ʻOku ʻIkai Fakamoʻui Ai Au ʻe he ʻOtuá?” Moʻui Lelei Fakaeʻatamaí: Tokoni Maʻakú
Ko e hā ʻoku ʻikai ke toʻo ai pē ʻe he ʻOtuá ʻa e meʻá ni meiate au pe fakamoʻui aú?
ʻOku kaunga lahi hoʻo moʻui lelei fakaeʻatamaí ki hoʻo tuʻunga fakaeongó, ngaahi ʻulungāngá, tōʻongá, ngaahi ongó, mo e ngaahi ongo fakaelotó pea lava foki ke nau uesia hoʻo moʻui fakalaumālié. Kapau ʻokú ke fekuki mo e ngaahi palopalema moʻui lelei fakaeʻatamaí, mahalo te ke fifili pe ko e hā ne tuku ai ʻe he ʻOtuá ke ke maʻu ʻa e ngaahi faingataʻa ko ʻení. Fakamanatu kiate koe ko e ngaahi faingataʻa ko ʻení ko e konga kinautolu ʻo e moʻui fakamatelié. Tauhi ha fakakaukau ʻoku taʻengatá, pea manatuʻi ʻoku ʻofa ʻa e ʻOtuá ʻiate koe pea ko e ngaahi faingataʻa fakamatelié “ʻe kiʻi fuofuoloa siʻi pē” (Tokāteline mo e Ngaahi Fuakava 121: 7).