Jerbal in Karejar
Jerbal in Karejar kōn Menmenbwij an Baam̧le
Pedped ko

Pedped ko an Jerbal in Karejar, Pāpode 2020

Jerbal in Karejar kōn Menmenbwij an Baam̧le

ministering

Kōmmeļeļe jān Joshua Dennis; background pija im pija jān Getty Images

Liaona, Pāpode 2020

Jipan̄ juon armej kōn menmenbwij eo an ej juon wāween ekajoor n̄an jerbal in karejar. N̄e kwoj koneeke ro jet ippān ro jibūer im jim̧m̧aer etto kōn bwebwenato ko an baam̧le im meļeļe ko, kwoj kobrak būruwer kōn m̧ōņōņō im kepaake er n̄an baam̧le ko aer jān jon̄an eo rekar ļōmņak remaron̄ kar kōm̧m̧ane (lale Malakai 4:5–6).

Men̄e ekar juon membōr in Kabun̄ in aolepān mour eo an ak juon eo ejjan̄in kar ron̄ kōn gospel eo an Jisōs Kraist me em̧ōj an jepļaaktok, aolep ajri ro nejin Anij eto aer jan̄nuwaade n̄an jeļā kōn ia eo rekar itok jān e.

Ekkā an jab bōk eļap iien n̄an kōm̧m̧an oktak em̧ūlaļ im ejjeļo̧k jem̧ļo̧kin, ilo an waļo̧k ilo bwebwnato in ej elaajrak tok.

Pukot Baam̧le eo ilo 30,000 Ne

Raan ko ļo̧k ilo juon tūrāāp ilo baļuun n̄an kapijuknen, ikar kile bwe ij jijet iturin Steve, eo ekar kwaļo̧k n̄an n̄a kōn m̧ōttan bwebwenatoon mour eo an make. Ekar kadiwōjļo̧k jān high school, deļo̧n̄e U.S. Army āinwōt juon eo etijem̧ļo̧k ilo communications ke ej 18 an iiō, im ejjab to ekar jino jerbal ilo White House, leļo̧k jipan̄ ikkijeen leto letak meļeļe n̄an Būreejtōn eo an United States. Jān iiō eo 18 n̄an 26, ekar jerbal ippān ruo Būreejtōn an U.S. Bwebwenato ko an rekar lukkuun kabūlōn̄lōn̄!

“Steve,” ikar ba, “kwoj aikuj je bwebwenato kein laļtak n̄an ro ineem̧! Rej aikuj wōr ippāer bwebwenato kein aer make jān kōļmenļo̧kjeņ ko am̧.” Ekar errā.

Innām Jetōb eo ekar im̧we eō bwe in kajjitōk ippān ta eo ejeļā kōn Rūtto ro Jibūd im Jim̧aad etto. Steve ekar jeļā eļap kōn nukun eo an jinen, ekoba juon bwebwenato kōn wāween an baam̧le eo kar juon iien kōjota ippān Abraham Lincoln ke ekar kāāmpāin ilo aolepān countryside ko ilo iien ekkāleel eo an Būreejtōn an U.S. ilo 1860.

Ekar jeļā jidik wōt kōn jait eo an jemān, ijo wōt ke. Ekar lukkuun kōņaan n̄an jeļā eļapļo̧k. Ikar kōjo̧ taļboon eo aō im ikar kōpelļo̧k FamilySearch app eo. “Steve, jemaron̄ lo baam̧le eo am̧ kiiō!”

Ikar koneek n̄an Wi-Fi eo ilo baļuun eo. Ikar likūt taļboon eo aō ilo tābōļ jidikdik eo im̧aaō bwe kom̧ro en maron̄ jim̧or loe. Jekar kappukot Family Tree. Ilo wōt jejjo minit jekar jim̧or kalimjōk pija in peba in m̧are eo an jim̧m̧aan jim̧m̧aan n̄an jibūn jibūn etto.

“Er rane!” ekar ba. “Ij keememej last name eo an kiiō!”

Jetōbin itok limo ekar kobrak kōm̧ro jim̧or. Jekar jerbal n̄an ejaake profile ko kōn jejjo iaan rūtto ro jibūn im jim̧aan etto ium̧win 45 minit. Ekar kajjitōk ippa n̄an kallim̧uri e bwe jenaaj wōnm̧aanļo̧k wōt im pukoti ilo Colorado. Kōm kar leļo̧k n̄an doon kaantāāk ko am̧ro ke baļuun eo epaake an jo̧k.

En̄in ej kom̧ro, ekkāke 30,000 ne (9,145 m) ilo mejatoto, kōn juon device jidikdik ilo peiū, pukot juon em̧m̧aan im juon kōrā ro rekar m̧are 100 iiō ko rem̧ootļo̧k eo ekar to an jako jān e im baam̧le eo an. Ekabūlōn̄lōn̄! Ak em̧ōj am lo er. Baam̧le ko rekar ekkejelļo̧k ippān doon. Kar keememeji wōt bwebwenato ko. Ikar obrak kōn en̄jake in kam̧m̧oolol ko kōn technology im kein jerbal ko. Ekar juon menin kabūlōn̄lōn̄ ilo m̧ool.

Jonathan Petty, Colorado, USA

Kar jepooļ kōn Baam̧le eo Ekāāl

Maria ekar jāniknik elōn̄ļo̧k jān 20 iiō ko. Jejjo allōn̄ ko rem̧ootļo̧k, kōm kar joļo̧k jejjo awa ippān ilo m̧weo im̧ōm̧, kappukot baam̧le eo an kōn bōnbōn im rekoot ko jet. Ilo juon tōre ekar kajju jino jan̄ im ba, “Eto aō ekkatak kōn baam̧le eo aō ilo awa ko ruo jān aō jeļā ilo aolepān mour eo aō!

Ilo jem̧ļo̧kin iien ippān doon ko am, kōm kar kwaļo̧k kadkadin n̄an Nukun ko Ipeļaakū rej alooje FamilyTree app eo. Ekar waļo̧k bwe ļeo pāleeō im n̄a kom̧ro nukwi ko am̧ro rekar jab lukkuun ettoļo̧k n̄an Maria. Ekar jino jan̄, im ba ekar ļōmņak ekar make iaan. Ekar jab jeļā ke ewōr nuku ilo turin jikin eo ej pād ie. Jejjo wiik tokālik Maria ekar ioon bisop eo. Ej kiiō kōppopo n̄an tampeļ, im em̧ōj an ioon elōn̄ an cousin “kāāl” ilo ward eo am!

Carol Riner Everett, North Carolina, USA

Iiōk n̄an Jerbal in Karejar

Ashley, juon sister ij jerbal in karejar n̄an e, im n̄a kom̧ro jim̧or wōr am̧ro bok in kōmat jān eo jibūm̧ro. En̄in ej jān jibūn jibūn, im bok e ippa ej juon bok eo ikar kobaik ippān doon ke em̧ōj kōjolet eō kōn bo̧o̧k in kein iiōk ālkin an kar jako.

Ashley im n̄an kom̧ro kar kāālet juon iiōk jān bok in kōmat ko am, im jej kuk ippān doon ālkin jerbal n̄an kajeon̄ iiōki. Ekar kālet juon bok in iiōk kam̧m̧ao laļ ko, kōn menin kōm kar kōm̧m̧ane jinoin im likūti ilo oven eo. Ikar kālet n̄an sauce in chip—juon m̧ōn̄ā ekka kōm̧m̧ane ilo aolep bade ko an baam̧le eo an Greenwood. Leddik eo nejū Alice ekar jipan̄ kōj edjo̧n̄e im lale m̧ōn̄ā eo. Innām, kōnke Ashley ekar jab kōņaan ajri ro nejin n̄an m̧ōn̄āik aolepān kam̧m̧ao laļ ko, ekar bokļo̧k jet n̄an sister ro me ej jerbal in karejar n̄an er.

Men eo em̧m̧antata ippa kōn iien katak iiōk ko ej bwe ilo am kōmat im iiōk bilawe, kōm kar kōnono kōn unin kōnono ko n̄an kōm̧m̧an jerbal in karejar—eapan̄ ippān im bar n̄a. Ak kōm kar barāinwōt kam̧m̧oolol kōn jibūm̧mim im jinōm̧m̧im, eo ekar menin tūriam̧o̧ n̄an jim̧or kōm.

Jenifer Greenwood, Utah, USA

Wāween ko Rejenoļo̧k n̄an Jipan̄

Menmenbwij an Baam̧le emaron̄ kōpeļļoke iien ko rem̧m̧an n̄an jerbal in karejar n̄e ilo lale ejjeļo̧k bar juon men. En̄rein rej jet iaan ļōmņak ko kwoj kajjieon̄i.

  • Jipan̄ er rekoot im upload ainikien rekoot ko kōn bwebwenato in menmenbwij an baam̧le, eļaptata juon eo ej kōmājeej pija.

  • Ejaake juon jaat ak menmenbwij ko jet me epidodo aer kōjerbali, me komaron̄ leļo̧k āinwōt menin leļo̧k ko.

  • Katakin wāween n̄an kakoņi bwebwenato ko aer make ilo aer kōjparok jōōnōļ ilo wāween eo ej kam̧ōņōņōik er. Audio journal? Photo journal? Video logs? Elōn̄ jokālet ko n̄an ro rejjab kōņaan rejjab maron̄ kōjerbal wāween ko an kōm̧m̧an jōōnaļ.

  • Etal n̄an tampeļ ippān doon n̄an kain̄i ko an ro jibūd im jim̧m̧ad etto. Ak m̧ōņōņō in kōm̧m̧ani kain̄i kōn etan baam̧le ko aer eļan̄n̄e ewōr ippāer elōn̄ļo̧k jān jon̄an eo me remaron̄ kōm̧m̧ane.

  • Koba ippān doon n̄an kwaļo̧k iminene ko an baam̧le eo.

  • Bōk juon kūlaaj ippān doon ikkijeen menmenbwij an baam̧le.

© 2020 Intellectual Reserve, Inc. All rights reserved. Kar būriin ilo USA. Kōmālim ilo kajin English: 6/19. Kōmālim an ukook: 6/19. Ukook eo an Ministering Principles, February 2020. Marshallese. 16995 874