Pedped ko an Jerbal in Karejar

Jibadbad eo Me Enaaj Ukōt Ad Jerbal in Karejar

Ilo an lōn̄ jibadbad ko n̄an jerbal in karejar, kijejeto ko ad ilo jerbal in karejar eaikuj in tōl kōn juon ikideelel n̄an jipan̄ ro jet bōk juon oktak eo em̧wilaļ an juon make n̄an erom̧ āinwōt Rilo̧mo̧o̧r.

Liaona, Jānwōde 2019

N̄e jej iakwe ro jet āinwōt kar Rilo̧mo̧o̧r, jej kōņaan jipan̄ er āinwōt An kar kōm̧m̧ane. Āinwōt Seperd eo Em̧m̧an, Ej waanjon̄ok eo an kōn jerbal in karejar eļap.

N̄an kōkm̧anm̧anļo̧k ad jerbal in karejar āinwōt E, eaorōk n̄an keememej bwe kijejeto ko An n̄an iakwe, lōn̄aj, im kōjeraam̧m̧an eaar juon kōttōbar eļap ijelo̧kkin tōpar aikuj ko. Ilo m̧ool Eaar jeļā aikuj ko aer jen raan n̄an raan im kar wōr tiriam̧o kōn en̄taan ko aer. Kōn menin Eaar kōmour, naajdik, jeo̧rļo̧k bōd, im kar katakin. Ak Eaar kōņaan kōm̧m̧an elōn̄ ļo̧k jen bōk aikuj ko an rainin (lale Jon 4:13–14). Eaar kōņaan bwe ro ipeļaakin ren ļoor E (lale Luk 18:22; Jon 21:22), jeļā E (lale Jon 10:14; Katak im Bujen ko 132:22–24), im tōpar aikuj ko aer raorōk (lale Matu 5:48). Menin em̧ool rainin (lale Katak im Bujen ko 67:13).

Ewōr wāween ko ejjeļo̧k jem̧ļo̧kkier me jemaron̄ jipan̄ kōjeraam̧m̧an ro jet, ak jibadbad eo ad n̄an jerbal in karejar ej n̄an jipan̄ ro jet itok n̄an jeļā kajjien Rilo̧mo̧o̧r eo im erom̧ āinwōt E, jenaaj jerbal m̧aanļo̧k n̄an raan en n̄e jeban aikuj katakin ro rituriid n̄an jeļā kajjjien Irooj kōnke jenaaj aolep jeļā Kajjien (lale Jeremaia 31:34).

Rilo̧mo̧o̧r Eaar Mije Aikuj ko Rekkar

Ro jet raar bōk eļap n̄an bōktok ro m̧ōttaer n̄an Jisōs bwe en kōmour eo eakke. Ilo jem̧ļo̧kin Rilo̧mo̧o̧r eaar kōmour em̧m̧aan eo, ak Eaar kōņaan jeo̧rļo̧k jerawiwi ko an (lale Luk 5:18–26).
Ke armej ro raar bōktok n̄an Rilo̧mo̧o̧r kōrā eo ekijon̄, An jojomar eaar kōjparok mour eo an. Ak Eaar kōņaan bar lo̧mo̧o̧reņ jetōb eo an, ba bwe en “ilo̧k, im jab bar jerawiwi” (lale Jon 8:2–11).
Meri im Marta raar jilkinļo̧k ennaan bwe Jisōs en itok n̄ankōmour eo Mōttan, Lazarus. Jisōs, eo eaar kōmour ro jet ilo jet iien rem̧ootļo̧k, eaar karum̧wij ļo̧k An etal ālkin an Lazarus mej. Jisōs eaar jeļā ta aikuj eo an baam̧le eo, ak n̄an kōjerkak Lazarus jen mej, Eaar kōkajoorļo̧k naan in kam̧ool ko aer kōn kwojarjar eo An (lale Jon 8:21–27).

Ta waanjon̄ak ko jet jemaron̄ kobaiktok n̄an laajrak in?

Ta Jemaron̄ Kōm̧m̧ane?

Eļan̄n̄e jibadbad eo ad ej n̄an jipan̄ ro jet erom̧ āinwōt Rilo̧mo̧o̧r eo, enaaj oktak kilen ad jerbal in karejar. Erkein jet iaan wāween ko me meļeļe in emaron̄ tōl kijejeto ko ad n̄an jerbal in karejar.

Ļōmņak 1: Kapen Jerbal ippān ļo̧k Rilo̧mo̧o̧r eo

Aolep kijejeto ko ad n̄an kōm̧m̧an em̧m̧an ewōr tokjeer, ak jemaron̄ pukot iien ko rem̧m̧an n̄an kōļapļo̧k jerbal in jipan̄ eo ad n̄an kobaikļo̧k ippān Rilo̧mo̧o̧r. N̄an waanjon̄ok, eļan̄n̄e baam̧le eo kwoj jerbal in karejar ippāer enan̄inmej, jidik m̧ōn̄ā emaron̄ in lukkuun jipan̄, ak am̧ kwaļo̧k iakwe emaron̄ in ļapļo̧k kōn naan in kam̧ool kōn iakwe eo an Rilo̧mo̧o̧r n̄an er. Am̧ jipan̄ ilo meļan eo aer emaron̄ in menin kam̧m̧oolol, ak bōlen emaron̄ in ļapļo̧k n̄an leļo̧k juon kōjeraam̧m̧an in priesthoood.

Elder Neil L. Andersen jen Doulul eo an Jon̄oulruo Rijilōk ro eaar kwaļo̧k: “Juon armej eo em̧m̧an emaron̄ in jipan̄ juon kōn neen wa eo waan, bōkļo̧k eo m̧ōttan n̄an jikin taktō, m̧ōn̄ā ippān juon eo ebūrom̧ōj, ak ettōn̄ dikdik im ba iakwe.

“Ak n̄an ļoor kien eo m̧oktata enaaj ioktok n̄an jerbal ko raorōk kōn jerbal in jipan̄.”¹

Ļōmņak 2: Mije Iaļen Bujen eo

Kein kajuon kōnono n̄an membōr ro āinwōt Būreejtōņ eo an Kabun̄ in, Būreejtōn Russell M. Nelson eaar ba, “Kōjparok iaļen bujen eo.” Kōm̧m̧an im kōjparok bujen ko “enaaj kōppeļļo̧k kōjem eo n̄an aolep kōjeraam̧m̧an ko an jetōb im iien ko rem̧m̧an.”²

Āinwōt Armej ro Rekwojarjar ilo Raan-kein Āliktata, jej peptaij, kapen, im bōk menin letok eo an Jetōb Kwojarjar. Em̧m̧aan membōr ro rerreo rej bōk priesthood eo. Jej ilo̧k n̄an tampeļ n̄an bōk menin letok kwojarjar eo ad im n̄an liāp ippān doon āinwōt baam̧le ko indeeo. Lo̧mo̧o̧r in kain̄i kein im bujen ko aer raorōk n̄an kōj n̄an erom̧ āinwōt E bwe jen maron̄ pād Ippān.

Jemaron̄ bōk juon jerbal eaorōk n̄an jipan̄ doon bwe iaļin ilo ad jipan̄ er kōjparok bujen ko aer im kepooj er n̄an kōm̧m̧ani bujen ko tokālik.³ Elmen am̧ maron̄ jipan̄ ro kajjojo ak baam̧le ko kwoj jerbal ippāer n̄an bōk kain̄i ko jet rej aikuji? Menin emaron̄ jipan̄ kepooj juon baba n̄an peptaiji leddik eo nejin, kōmeļeļeik kōjeraam̧m̧an ko an bujen eo tok juon me naaj kōm̧m̧ane, ak kwaļo̧k wāween ko kar būki n̄an kōkāāl en̄jake in bujen ko ad ilo iien bōk kwojkwoj eo.

Ļōmņak 3: Karuwainene im Rōjan̄

N̄e ekkar, kapilōk ro kwoj kea kake er kōn bujen ko aer im kijejeto ko n̄an erom̧ Mwiļ ko an Kraist. Kōm̧m̧an bwe ren jeļā kajoor ko kwoj loi im nōbar er kaki. Pukot ijo remaron̄ lo ke remaron̄ kōkm̧anm̧anļo̧k ak kōnono elmen am̧ maron̄ jipan̄. (N̄an eļapļo̧k ikkijeen kapilōk doon kōn ro kwoj jerbal in karejar ippāer, lale “Counsel about Their Needs,” Liaona, Jept. 2018, 6–9.)

Jab mijak in karuwaineneik er n̄an ļoor Rilo̧mo̧o̧r eo n̄an kōtļo̧k An jipan̄ er tōpar aikuj eo aer ekwojarjar. Karuwainene in emaron̄ in juon mour eoktak, n̄e kwoj kwaļo̧k am̧ lōke ilo er im am̧ tōmak ilo E.

Jiljino Wāween ko Jemaron̄ Jipan̄ Ro Jet Eddōkļo̧k ilo Kraist

Laajrak in rej elmakot ko kōn ekōjkan am̧ maron̄ rie ro jet n̄an kōkōm̧anm̧naļo̧k mour im eddōkļo̧k ilo iaļ in bujen eo.(Lale Preach My Gospel, jebta 11, n̄an eļapļo̧k ļōmņak ko.)

Kwaļo̧k. Kwon peran im kajoor n̄an kwaļo̧k ekōjkan an kar Rilo̧mo̧o̧r jipan̄ eok ilo am̧ kar kajjieon̄ in epaake ļo̧k E n̄an mour kake pedped ko an gospel in ilo iien ko.
Kōjeraam̧m̧an ko Kallim̧ur kaki. Armej ro raikuj juon un n̄an oktak me eļapļo̧k an maron̄ ukōt eok ijjelo̧kin un ko bwe jen jab oktak. Kōmeļeļeik kōjeraam̧m̧an ko rej iookļo̧k m̧akūtkūt eo me emaron̄ in kajoor (lale Katak im Bujen ko 130:20–21).
Karuwainene. Mour kōn pedped in gospel in ebōktok juon naan in kam̧ool me em̧ool (lale Jon 7:17)) n̄an tōlļo̧k n̄an juon oktak em̧wilaļ.⁴ Enan̄in aolep m̧akūtkūt emaron̄ in kobaik juon karuwainene eo edik n̄an kōm̧m̧ani men eo me emaron̄ in jipan̄ er eddōkļo̧k.
Kōm̧m̧an karōk ippān doon. Ta eo emaron̄ in waļo̧k n̄an er n̄an tōpar kallim̧ur eo aer n̄an oktak? Ewi wāween am̧ maron̄ jipan̄? Ewōr ke juon tōre n̄an bōk kūnaer?
Rie. N̄e ejipan̄, ejaake juon jikin rie armej ro ro remaron̄ in jipan̄ ro kajjojo pād wōt im em̧m̧anļo̧k. Jej aolep aikuj juon ritōl.
Bar lale. Kwaļo̧k eddōkļo̧k eo emakijkij. Mije wōt pepe eo ak lale n̄e ekkar. Kwon kijenmej, kije, im peran. Oktak ebōk iien.

Juon Kūr n̄an Jerbal

Etali wāween kijejeto ko am̧ n̄an jerbal in karejar—jim̧or ļap ak dik—emaron̄ jipan̄ ro jet kapenļo̧k oktak eo aer im erom̧ āinwōt Rilo̧mo̧o̧r.

Kwaļo̧k En̄jake eo Am̧

Jilkinļo̧k en̄jake eo am̧ n̄an kōm ilo am̧ jerbal in karejar n̄an ro jet ak kwar jerbal in karejar. Etal n̄an liahona.lds.org im jiped “Submit an Article or Feedback.”