Seminare
1 Korinito 13

1 Korinito 13

“E Le Uma Le Alofa”

Ua pa’i atu Iesu i le alafau o se fafine o loo nofo i luga o le eleele. O ata e aofia ai le fafine ma’i o loo savali atu ia Iesu e pa’i atu i ona ofu ma Iesu o loo tootuli ma talanoa i le fafine o loo saofai i lalo. Iesu o loo pa’i atu i foliga o se fafine o loo saofai i lalo.

Sa faalia e Iesu Keriso le alofa tele i aso uma o Lona soifuaga faaletino. Sa iu ina Ia faaalia Lona alofa atoatoa e ala i le taulagaina ma le loto i ai o Lona soifua mo i tatou. Sa tusi auiliili le Aposetolo o Paulo e uiga i le alofa faaKeriso, po o le alofa mama, atoa ma le mafuaaga e tatau ai ona tatou mananao ina ia o tatou mauaina. O lenei lesona ua faamoemoeina e fesoasoani ia e lagona ai le alofa mama o Iesu Keriso mo oe ma ia fesoasoani ia te oe e saili atu le meaalofa o le alofa mama e lagonaina ai lena alofa mo isi.

O o tatou sootaga ma isi

Mafaufau i se tasi e te manao e faaleleia atili la oulua sootaga.

  • Aisea ua e manao e faaleleia atili ai lenei sootaga?

  • O le a le mea na e faia e fesoasoani ai i le sootaga? O le a le mea na aoga? O le a le mea e le’i aoga?

  • O a aafiaga e te manatu e oo i le sootaga mai le faaalia o le alofa sili?

Ao e suesue i le 1 Korinito 13, saili i ni auala e mafai ai ona e alofa atu i isi e pei ona faia e le Faaola. Saili le musumusuga a le Agaga Paia e faailoa mai ai mea e mafai ona e faia e faaaoga i ai mea ua e aoaoina i tulaga o loo e i ai nei.

O le alofa mama o Iesu Keriso

Ina ua maea ona ia aoao atu i tagata o le Ekalesia i Korinito e tusa ma meaalofa faaleagaga, sa saunoa le Aposetolo o Paulo na te faailoa ia i latou se “ala e silisili lava” latou te ola ai ( 1 Korinito 12:31). Faitau le 1 Korinito 13:1-3, ma saili le ala lea e silisili lona lelei.

  • O a mea e te iloa e uiga i le alofa mama e fesoasoani ia e malamalama ai i le mafuaaga o lona taua tele?

E mafai e le Tusi a Mamona ona fesoasoani tatou te malamalama atili ai i le taua o le alofa mama. I le tau faaiuiu o lenei faamaumauga mai anamua, sa faaaofia ai e Moronae nisi o upu a Mamona lona tama. Sa faataatia mai ai e Mamona elemene o le alofa mama ma faamatala lona uiga (tagai Moronae 7:43-48).

Faitau le Moronae 7:46-47, ma vaai po o a ni mea e mafai ona e aoaoina mai ai e uiga i le alofa mama.

  • O a upumoni e te aoaoina e uiga i le alofa mama mai nei fuaiupu?

Sa aoao mai Peresitene Dallin H. Oaks o le Au Peresitene Sili:

Atatosi aloaia o Peresitene Dallin H. Oaks na pueina ia Mati 2018.

Alofa mama, “o le alofa mama o Keriso” [Moronae 7:47], e le o se faatinoga ae o se tulaga po o le aafiaga o i ai le tagata. E mauaina le alofa mama e ala i se tuufaasologa o faatinoga lea e taunuu atu ai i se liua. O le alofa mama o se mea e mafai ona avea ai o se tasi.

(Dallin H. Oaks, “The Challenge to Become,” Ensign, Nov. 2000, 34) 

  • E faapefea e le faamatalaga a Peresitene Oaks ona faaopoopo i lou malamalamaaga o le alofa mama?

O Paulo, i le Feagaiga Fou, ma Mamona, i le Tusi a Mamona, sa la faaogaina upu ma fasifuaitau foliga tutusa e faamatala ai le alofa mama. Mai i le malamalama ai ia la upu, e mafai ai ona tatou iloa mea e tatau ona fai ma auala e atili avea ai i tatou e faapei o Iesu Keriso.

Tusitusi i luga o se fasipepa i se peni po o se penitala. 1. Faamaea laasaga taitasi o i lenei gaoioiga, ma tali le fesili o loo sosoo ai i lau api faamaumau mo suesuega:

  1. Faitau le 1 Korinito 13:4-7 po o le Moronae 7:45, ma vaai pe faapefea ona faamatalaina le alofa mama.

  2. Filifili ni upu se lua pe tolu po o fasifuaitau e faamatala ai le alofa mama, ma tusi i totonu o lau api faamaumau mo suesuega.

  3. I tala ane o faamatalaga taitasi, tusi le uiga o le alofa mama i ni au lava upu. E mafai ona e faaogaina soo se meafaigaluega mo suesuega o loo avanoa ia te oe. O se tasi faataitaiga, e mafai ona e faaaogaina se lomifefiloi e sue ai uiga o upu e pei o le talitiga po o le faamaualuga. Ia tusia foi pe faapefea e lenei uiga ona fesoasoani ia atili ai ona e faapei o le Faaola.

  • O le a se mea ua e aoaoina e uiga i le Faaola mai faamatalaga eseese sa e suesueina?

O le faataitaiga atoatoa

O Iesu Keriso o le faataitaiga atoatoa mai faamatalaga uma o le alofa mama. I le faaaogaina o mea sa e tusitusia e uiga i le alofa mama i lau api faamaumau mo suesuega, mafaufau i ni faataitaiga mai tusitusiga paia i taimi sa faaali mai ai e Iesu Keriso Lona alofa mama i lea auala. O ata o loo mulimuli mai e mafai ona fesoasoani e te faafesootaia ai le Faaola i fuaitau sa e suesueina.

Ata o Keriso ma le fafine na molia i le mulilua. O loo tootutuli uma i laua ma o loo uuina e le fafine lona lima. O ata e aofia ai ni alii o feita o loo aumaia le fafine ma lafo o ia i le eleele, sa faapupuu le fafine i luga o le eleele, sa tootuli le faaola i ona tafatafa, ua faatu e Iesu o ia i ona vae, ma o loo tu le faaola faatasi ma ia.
Ata o Iesu o loo opoina Maria ma Mareta.
O loo tietie atu Iesu i se tamai asini i Ierusalema e ui atu i le motu o tagata o loo uuina lala laau. O ata e aofia ai Iesu e lei leva ona vaaia i se motu o tagata, ata o le motu o tagata, o nisi o tamaiti laiti, ma Iesu o loo savali atu i le motu o tagata.
Ua toe foi atu Iesu i le faatoaga e faaauau ai pea ona tatalo ma mafatia i le tiga tele.
Ua i ai Iesu i luga o le satauro i le va o pagota e toalua, o loo i ai se motu o tagata i lalo ifo o loo vaavaai atu. O ata e aofia ai se momi i luga o se laau na sii ae i luga ia Iesu e se fitafita Roma, o vaaiga eseese o alii e toatolu i luga o satauro, o fitafita o loo fai petipetiga ma vaevae ona ofu, o Iesu ua faapaleina i le pale tuitui ma ufitia i le toto, ma Kaiafa.

  • Sa faapefea ona faaali e le Faaola le alofa mama i nei tulaga taitasi?

  • E faapefea ona e molimauina patino le alofa o le Faaola mo oe ma isi?

  • E faapefea ona aafia ou lagona mo le Faaola pe a e mafaufau i Lona alofa mo oe?

Ola i se olaga o le alofa mama

Sa faaiu aoaoga a le perofeta o Mamona i le alofa mama i lana valaaulia faanatinati ina ia tatou faatino loa. Faitau le Moronae 7:48, ma vaai mo lenei valaaulia.

  • O a upu ma fasifuaitau e fesoasoani ia te oe e malamalama ai i le taliaina o le meaalofa o le alofa mama?

I Lona soifuaga atoa, sa faaalia e Iesu Keriso e mafai ona i ai le alofa mama i soo se tulaga. Taumafai e tomanatu po o le a se aafiaga i lou olaga pe ana e faataitai i le faataitaiga a le Faaola o le alofa mama i tulaga uma. Mafaufau i le mafutaga faapitoa sa e mafaufau i ai i le amataga o le lesona. Mafaufau pe faapefea e se faasiliga o le alofa mama ona faamanuiaina lena sootaga.

Tusitusi i luga o se fasipepa i se peni po o se penitala. 2. Tali fesili nei i totonu o lau api faamaumau mo suesuega:

  • O le a se mea e mafai ona e faia e atili faaalia ai le alofa mama?

  • O a ni mea e ao ona e faia e faaali atu ai i le Tama Faalelagi o loo e manaomia Lana fesoasoani?

Tuu i le faitalia: O e Manao e Aoao Atili?

E mafai faapefea ona tatou faaali atu le alofa mama mo isi?

Na aoao mai Elder Marvin J. Ashton (1915-94) o le Korama a Aposetolo e Toasefululua:

Atatosi o Marvin J. Ashton.

O le a maua le alofa mama pe a tatou agalelei o le tasi i le isi, pe a tatou le faamasino atu pe faatusatusa se isi tagata, pe a tatou taumafai e mafaufau i mea sili e uiga i le tasi ma le isi, pe aua foi le faia se tala. O le alofa mama o le talia lea o uiga e ese o se tasi, vaivaiga, ma faaletonu; ma onosai i le isi tagata ua ia tuu i tatou i lalo; pe o le tetee atu foi i le lagona o le faaonoono pe a le taulimaina e le isi tagata se mea i se ala atonu sa tatou faamoemoe i ai. O le alofa mama o le musu lea e faaaoga vaivaiga o le isi tagata mo so tatou lelei, ma naunau e faamagalo atu i se tasi ua faatiga mai ia i tatou. O le alofa mama o le faamoemoe lea i mea sili ona lelei mai le tasi i le isi.

(Marvin J. Ashton, “The Tongue Can Be a Sharp Sword,” Ensign, Me 1992, 19)

O Peresitene Thomas S. Monson (1927-2018) sa aoao mai e uiga i le alofa mama i lana savali o le konafesi aoao “E le Uma le Alofa” (Liahona,Nov. 2010, 122-25). Atonu e te mana’o e matamata le vitio o lenei savali o loo maua i le ChurchofJesusChrist.org, mai le faailotaimi 15:05 i le 17:22.

2:3

E Le Uma le Alofa

Rather than being judgmental and critical of each other, may we have the pure love of Christ for our fellow travelers in this journey through life.

Aisea e le uma ai le alofa mama, o Iesu Keriso?

Na aoao mai Elder Jeffrey R. Holland o le Korama a Aposetolo e Toasefululua:

Atatosi Aloaia o Elder Jeffrey R. Holland. Na pueina ia Ianuari 2018.

O le alofa mama moni … e faaalia atoatoa ma mama aiai i le alofa e le uma, faatumutumu, ma le togiola a Keriso mo i tatou. … O le alofa moni lena—lona alofa mama mo i tatou—a aunoa ma lena ua na o ni meanoa i tatou, leai se faamoemoe, ma avea o ni alii ma tamaitai o le a sili le faanoanoa nai lo isi tagata. E moni lava, o i latou e maua ai ua faatumuina i faamanuiaga o lona alofa i le aso mulimuli—o le Togiola, o le Toetu, ola e faavavau, folafolaga faavavau—e mautinoa lava o le a lelei ia i latou. …

O le olaga e i ai lana faalumaga o le fefe ma le toilalo. E i ai taimi e le atoatoa ai. O nisi taimi ua faatoilaloina i tatou e tagata, po o le tamaoaiga po o pisinisi po o faigamalo e faatoilaloina i tatou. Ae peitai e tasi le mea i le taimi nei po o le faavavau e le faatoilaloina i tatou—o le alofa mama o Keriso.

(Jeffrey R. Holland, Christ and the New Covenant [1997], 336-37)