1 Коринт 15:32–54

Селестиел, террестриел, телестиел биес

Хурц нарны гэрэлд авхуулсан залуу эмэгтэйн зураг.

Бусад хүн гэм нүгэл дотор аз жаргалтай байгаа мэт харагдаж байсан ч Есүс Христийг дагах нь яагаад алсдаа өлзийтэй вэ? Паул Амилуулалтын өөр өөр алдар суугийн зэрэглэлийн талаар коринтчуудад заах замаар нэг шалтгааныг нь тайлбарлажээ. Энэ хичээл нь Есүс Христээр дамжуулан селестиел амилуулалтыг олж авахуйц зохистой байхыг хичээхэд тань тусална.

Бурханы төлөвлөгөөн дэх ирээдүйн адислал

• Хэрэв өнөөдөр багш тань тодорхой өнгийн хувцас өмссөн хүн бүрийг шагнана гэдгийг мэдсэн бол энэ нь таны хувцасны сонголтод нөлөөлөх байсан уу?

• Энэ талаар хэт оройтсон хойно нь мэдсэн бол та сэтгэлээр унах байсан уу? Яагаад тийм эсвэл яагаад үгүй вэ?

Тэнгэрлэг Эцэг биднийг хайрладаг учир энэ амьдралын дараа юу болохыг мөн ямар ямар сонголт аз жаргалд хүргэдэг эсвэл харамсахад хүргэдэг талаар бидэнд хэлсэн. Өнөөдөр судраас судлахдаа таныг мөнхийн аз жаргалд хүргэх зүйлсийг сонгох сэдэл төрүүлэх үнэнүүдийг олж мэд.

1. Дараах зурах үйл ажиллагааг гүйцэтгээд, дагалдах асуултуудад судлах тэмдэглэлдээ хариулж бич.

Бурханы авралын төлөвлөгөөний талаар аль хэдийн мэдэж байгаа зүйлээ дүрсэлсэн энгийн зураг эсвэл бүдүүвч зур. Бид төрөхөөсөө өмнө хаана байсан, дэлхий дээрх амьдрал, үхлийн дараа юу болох талаар оруул. Зургаа зурахдаа Тэнгэрлэг Эцэгийн төлөвлөгөөний туршид Есүс Христийн гүйцэтгэсэн үүргийн талаар эргэцүүлэн бодоход анхаар.

• Үхлийн дараах бидэнд зориулсан Тэнгэрлэг Эцэгийн төлөвлөгөөг ойлгох нь мөнх бус амьдралд гаргадаг шийдвэрт тань хэрхэн нөлөөлөх вэ?

• Есүс Христ хэрхэн уг төлөвлөгөөний төвд байдаг вэ?

1 Коринт 15:1–29 дээр төлөөлөгч Паул “үхэгсдийн амилал байхгүй” (1 Коринт 15:13) гэсэн буруу итгэл үнэмшлийг залруулжээ. Тэр дараа нь коринтчуудад “Маргааш бид үхэх юм чинь идэж ууцгаая” (1 Коринт 15:32) гэж хэлж буй хүмүүсийн хандлагад мэхлэгдэхгүй байхыг сануулсан байна. Энэ хандлага нь үхлийн дараах амьдрал гэж байхгүй тул энэ амьдралдаа юу ч хийсэн хамаагүй гэсэн худал итгэл үнэмшил юм.

Өөр нэг худал итгэл үнэмшил бол бидний сонголтоос үл хамааран Бурхан хүн бүрд мөнх амийн адислалыг олгох болно гэсэн ойлголт юм (2 Нифай 28:8; Алма 1:4-ийг үзнэ үү).

• Үхлийн дараах амьдрал гэж байхгүй эсвэл Бурхан хүн бүрд мөнх амьдралын адислалыг өгнө гэсэн буруу ташаа итгэл үнэмшил бидний гаргах шийдвэр болон хандлагад хэрхэн нөлөөлж болох вэ? Яагаад?

1 Коринт 15:40–42 бол төгс эзэмших сургаалын судрын хэсэг юм. Төгс эзэмших сургаалын судрын хэсгүүдийг дараа нь амархан олохын тулд онцгойлон тэмдэглэх талаар бодож үз. Та энэ төгс эзэмших сургаалын судрын хэсгийн тухай дараагийн хичээлээр илүү дэлгэрэнгүй авч үзнэ.

1 Коринт 15:40–42-ыг уншаад, Тэнгэрлэг Эцэгийн төлөвлөгөөнд амилуулалт ямар үүрэг гүйцэтгэдэг талаарх Паулын сургаалыг олж мэд. 1 Коринт 15:40-ийн Иосеф Смитийн Орчуулга нь мөн телестиел биесийг хэлж байгааг мэдэх нь тустай байж болох юм.

• Тэнгэрлэг Эцэгийн төлөвлөгөөнд, амилуулагдсан биесийн хувьд өөр өөр зэрэглэлийн алдар суу байдаг гэсэн үнэнийг мэдэх нь яагаад чухал вэ?

Алдар суугийн зэрэглэлүүд

Алдар суугийн гурван зэрэглэлийн зураглал. Нар, сар, оддыг дүрсэлсэн. Доор байгаа дүрс гялалзаж буй туяаны өөр өөр зэрэглэлийг харуулдаг.

2. Судлах тэмдэглэлдээ дараах үйл ажиллагааг хийж гүйцэтгэ.

Орчин үеийн бошиглогчдоор дамжуулан өгсөн илчлэлт нь Паулын сургаалд нэмэлт ойлголтыг өгдөг. Сургаал ба Гэрээ 76:50–52, 62–64, 69–70, 71–76, 81–85; 88:21–24-ийг судлаад, ерөнхийлөгч Томас С.Монсон (1927–2018) хэлсэн дараах үгийг уншина уу. Уг мэдэгдлийг дагалдсан гурван асуултын хариултыг олж мэд.

Ерөнхийлөгч Томас С.Монсоны авхуулсан албан ёсны хөрөг зураг, 2008 он.

Үхлийг ялсан Христийн ачаар бид бүхэн амилуулагдах болно. Энэ бол бодгалийн гэтэлгэл мөн. Паул “Мөн тэнгэрлэг биес ба газрын биес гэж байна. Харин тэнгэрлэг биесийн гялбаа өөр, газрын биесийн гялбаа өөр юм” (1 Коринт 15:40) гэж бичжээ.

Энэ нь бидний эрэлхийлдэг селестиел алдар суу билээ. Энэ нь бидний байхыг хүсдэг Бурханы оршихуйд байдаг. Энэ нь бидний хүсдэг мөнхийн гэр бүл юм. Эдгээр адислалыг авахын төлөө амьдралынхаа туршид хичээж, эрэлхийлж, наманчилж мөн эцэст нь амжилтад хүрсэн байх ёстой.

(Toмас С.Монсон, “Амьдралын уралдаан,” 2012 оны 5-р сарын Ерөнхий чуулган, 101)

• Селестиел алдар суу руу чиглэсэн бидний аялалд Аврагч ямар үүрэг гүйцэтгэдэг вэ?

• Бид селестиел алдар сууг хүлээн авахын тулд юу хийх ёстой вэ?

• Яагаад селестиел алдар сууг хүлээн авах нь террестиел эсвэл телестиел алдар сууг хүлээн авахаас илүү чухал вэ?

Та өөрийгөө селестиел хаант улсад хүрэх замын хаана байна гэж харж байгаагаа тунгаан бод. Та эдгээр адислалыг хүлээн авахуйц амьдрахад Аврагч тусална гэж найдаж байна уу?

Бид үнэхээр селестиел алдар сууд хүрч чадах уу?

Зарим хүн дэлхийд амьдарч байх хугацаандаа селестиел амьдралаас хэчнээн хол амьдарч байгаагаа ухаараад сэтгэлээр унадаг. Арван хоёр төлөөлөгчийн чуулгын ахлагч Дийтр Ф.Угдорф бидний мөнхийн өсөлт хөгжлийн талаар юу гэж заасныг унш эсвэл ChurchofJesusChrist.org дээрх “Бурхан бидний дунд” видеог цагийн код 5:01-ээс 6:58 хүртэл үзнэ үү.

Арван хоёр төлөөлөгчийн чуулгын ахлагч Дийтр Ф.Угдорфын авхуулсан албан ёсны хөрөг зураг, 2006 он. 2008 оны 2-р сарын 3-нд Тэргүүн зөвлөлийн хоёрдугаар зөвлөхөөр дуудагдсан. 2008 онд албан ёсны хөрөг зураг авхуулж, улмаар 2004 оны хөрөг зургийг сольжээ.

Зүрх сэтгэл минь Тэнгэрлэг Эцэгтээ талархах сэтгэлээр халгин цалгиж байна. Тэрээр хүүхдүүдээ гэрэл гэгээтэй, мөнхийн ирээдүйд найдах найдваргүйгээр мөнх бус байдалд төөрөлдүүлэхээр орхиогүй гэдгийг би ухаарсан. Тэр Өөрт нь эргэн очих замыг үзүүлсэн зааварчилгааг өгсөн. Түүний Хайртай Хүү, Есүс Христ мөн Түүний бидний төлөө үйлдсэн золиослол энэ бүхний төвд байдаг. …

Бид бүгд алдар суут, сүр жавхлант хүмүүс болохоор бүтээгдсэн бөгөөд тийм хүмүүстэй харьцуулахад бид нялхаараа шахуу байгаа. Байн байн бүдэрч унахгүйгээр, хөхөрч, шарх сорви олохгүйгээр мөлхөж, алхаж, гүйж сурдаг мөнх бус бие гэж байхгүй. Бид тэгж байж л суралцдаг.

(Дийтр Ф.Угдорф, “Бурхан бидний дунд,” 2021 оны 4-р сарын Ерөнхий чуулган, 6)

• Ахлагч Угдорфын мэдэгдэл Тэнгэрлэг Эцэгийг ойлгоход танд хэрхэн тусалж байна вэ?

• Энэ нь таны Түүний талаарх бодол санаа, Түүнтэй харилцах харилцаанд хэрхэн нөлөөлж байна вэ?

• Өнөөдөр таны олж мэдсэн зүйл таныг юу хийхэд өдөөж байна вэ?

Нэмэлт: Илүү ихийг судлахыг хүсэж байна уу?

Хэрэв бид энэ амьдралдаа итгэлтэй амьдрахыг хичээсэн ч нас барахдаа төгс биш хэвээр байвал яах вэ?

Бошиглогч Иосеф Смит (1805–44) ийн тайлбарласан.

Бошиглогч бага Иосеф Смитийн хөрөг зураг. Иосефын царайны дөрөвний гурвыг харж болохуйц, баруун гараараа ташаагаа тулсан, зүүн гартаа цаас барьсан байна. Түүнийг хар хүрэн костюм, цагаан цамц өмсөж, зангиа зүүсэн байгаагаар дүрсэлсэн байдаг.

Та шатаар өгсөх боллоо гэхэд доороос нь эхэлж, дээд талд нь гартал алхам алхмаар өгсдөг шүү дээ. Сайн мэдээний зарчмуудыг эзэмших нь үүнтэй адил бөгөөд та нар өргөмжлөлийн анхдагч зарчмаас эхэлж, улмаар бүгдийг нь мэдэж авах ёстой. Гэвч та эдгээр зарчмыг мэдэхээсээ өмнө хөшигний цаад талд гарчихсан бол үүнд ихээхэн цаг хугацаа шаардагдана. Энэ дэлхийд бүхнийг ойлгоно гэж байхгүй. Бүр ирэх дэлхийд ч аврал, өргөмжлөлөө мэдэх нь агуу ажил байх болно.

(Сүмийн ерөнхийлөгчдийн сургаалаас: Иосеф Смит [2007], 300)

“Энэ нь муудах байдал дор таригдаж, үл муудах байдал дор амилуулагдана” (1 Коринт 15:42) гэдэг нь юу гэсэн утгатай вэ?

Паул мөнх бус биеийг төгс төгөлдөр бус буюу муудсан үртэй харьцуулжээ (1 Коринт 15:37–38, 42-ыг үзнэ үү). Бид нас барж, оршуулагдсаныхаа (суулгаж эсвэл тарьсны) дараа, газар шорооноос урган гарч буй ургамал мэт нэг л өдөр булшнаас босох болно. Бидний амилуулагдсан бие дахиж муудахгүй бөгөөд Бурханы хүчээр төгөлдөржих болно.

Хэн селестиел алдар сууг хүлээн авах вэ?

Селестиел хаант улс бол “Есүсийн гэрчлэлийг хүлээн авч” мөн “өөрийн цус урсгалтаар дамжуулан энэхүү төгс цагаатгалыг хийсэн шинэ Гэрээний зууч Есүсээр дамжин төгс болгогдсон” (Сургаал ба Гэрээ 76:51, 69) хүмүүст зориулан бэлдсэн газар юм. Энэхүү бэлгийг өвлөн авахын тулд бид авралын ёслолуудыг хүлээн авч, зарлигуудыг сахиж, нүглүүдээ наманчлах ёстой. Селестиел алдар сууг хүлээн авах хүмүүсийн талаарх дэлгэрэнгүй тайлбарыг Сургаал ба Гэрээ 76:50–70; 76:92–96-аас үзнэ үү.